Beijing Vampire(Complete)

Part-63

(Unicode)  သနားစရာ ဖေးဟုန်လေးမှာ အမှောင်ထုထဲ၌ ကူရာကယ်ရာမဲ့နေတဲ့အချိန် သူ့ကို အယုံသွင်းလာတဲ့ပင်းရဲ့စကားတွေထဲမှာ ယုံချင်သလို ဖြစ်လာခဲ့သည်။

** ဒယ်ဒီနဲ့ပါပါးက သားနဲ့လည်း အတူမအိပ်ခဲ့ဘူး. . ပြီးတော့ သား အခုလိုအဖမ်းခံထားရတာတောင် လာမကယ်ကြဘူး. . ဒယ်ဒီက ဖိုက်တာကြီးဆို သားကို လာကယ်ရမှာပေါ့. . ဒါပေမယ့် ဘယ်သူမှ ပေါ်မလာပုံထောက်ရင်. . ဦးဦးပြောတာတွေက တကယ်လားဟင်? တကယ်ပဲ သားကို ထားပစ်ခဲ့ကြတာလား? **

သူအခုလို အထင်မှားနေတာသာ ရှောင်ကျန့်သိရင် အရမ်းဝမ်းနည်းလွန်းလို့ ရင်ဟက်တပ်ကွဲမှာ သေချာပါတယ်။ သူ့ကလေးလည်း မဟုတ်ခဲ့ပါပဲ. .ဝမ်းနဲ့လွယ်ပြီး ဒုက္ခခံ မွေးခဲ့ရတာ. . သူလေးကြောင့်နဲ့ပဲ ရိပေါ်နဲ့ပြဿနာတက်ခဲ့ရပေါင်း မနည်းခဲ့ပါဘူး။

ဘယ်သူ့ကိုမှ မမြင်. . သူလေးအတွက်ပဲ တွေးနေမိခဲ့တဲ့ရှောင်ကျန့်မှာ ပင်းစကားတွေကြား ဖေးဟုန်လေး စိတ်ယိုင်သွားတာသာ သိရင် တိုင်နဲ့ခေါင်းနဲ့ ဆောင့်သေချင်မှာ သေချာပါသည်။

အခုလည်း ရိပေါ်စကားအတိုင်း ဖေးဟုန်လေးကို ကယ်ပြီး ထွက်ပြေးဖို့ ရှောင်ကျန့် စဉ်းစားခဲ့ပါသေးတယ်။ ဒါပေမယ့် အဲ့ဒီလိုထွက်ပြေးလိုက်ရင် သူတို့တစ်သက်လုံး ပြစ်မှုမကျူးလွန်ပါပဲ ဝရမ်းပြေးဘဝဖြစ်နေရမှာ ကျိန်းသေပါတယ်။ ရိပေါ်မရှိတဲ့ကမ္ဘာမှာ သူတို့နှစ်ယောက် ရှင်သန်ဖို့ဆိုတာလည်း အလွန်ခဲယဉ်းတာမို့  တကယ့်သစ္စာဖောက်ကို ဖော်ထုတ်ပြဖို့အတွက် . . .

ကြောက်စရာကောင်းတဲ့တောနက်ကြီးကြားထဲမှာ ယွမ်ဖေးရှာပုံတော် ဖွင့်နေခဲ့ပါသည်။

" ယွမ်ဖေး. . ကျစ်ယွမ်ဖေး မင်းဘယ်မှာလဲ? "

ရိပေါ်ထောက်ပြခဲ့တဲ့ တားမြစ်နေရာ မရောက်မချင်း အားအင်လျော့ရဲနေတဲ့ခြေလှမ်းတွေနဲ့ ရှေ့ဆက်ရင်း လည်ချောင်းခြောက်သည်အထိ ယွမ်ဖေးကို အော်ဟစ်ရှာဖွေနေခဲ့၏။

တကယ်တော့ တစ်ခါမှမရောက်ဖူးတဲ့ ဒီတောနက်ကြီးကို ရှောင်ကျန့် ထိတ်လန့်မိတာတော့ သေချာပါသည်။ တိတ်ဆိတ်မှုသာ ပြည့်နှက်နေတဲ့တောနက်ထဲ သူခြေနင်းတိုင်း ထွက်လာတဲ့ မြေပြင်က သစ်ရွက်ဆွေး၊ သစ်ရွက်ခြောက်တို့ရဲ့ တကျွတ်ကျွတ်မြည်သံက သူ့နောက်ကို တစ်စုံတစ်ယောက် ကပ်ပါလာသလို ခံစားရစေတာကြောင့် ခနခန အနောက်သို့ လှည့်ကြည့်နေမိသည်။