ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

78❇️ ဒီနှစ်ယောက်က သူမစကားကို နားမထောင်တော့ဘူး။

Unicode

အချိန်တွေက ကုန်သွားခဲ့သည်။

ဇောင်ယုဟွမ် တည်ငြိမ်သွားချိန်တွင် ဖုန်းထဲမှ တစ်ဖက်လူအား စကားပြောနေသည့် ဟုန်ချန်းမင်း ရဲ့အသံကို သူမ ရှင်းရှင်းလင်းလင်း ကြားလိုက်ရသည်။

ဟုန်ချန်းမင်း ကအင်္ဂလိပ်လို ပြောနေပေမဲ့ အီတလီစကား နည်းနည်းပါနေကာ တူရကီ ရဲ့အသုံးများသည့် စကားတွေလည်း ပါနေသည်။ ထိုအသံကို ဇောင်ယုဟွမ် နားထောင်နေချိန်တွင် ဟုန်ချန်းမင်း ကိုကြည့်လိုက်သည်။

ဇောင်ယုဟွမ် နည်းနည်း အံ့ဩသွားသည်။ ဟုန်ချန်းမင်း ရဲ့စကားပြောသည့် အသေးစိတ်ကို သူမ သတိပြုမိသည်။ သို့သော် အခုတော့ သူမအမြင်တွေက ချိုးဖျက်ခံရပြီး အရင်ကထပ် ပိုစူးရှသလို ခံစားရစေသည်။

ဇောင်ယုဟွမ် က ဟုန်ချန်းမင်း ရဲ့အသံတွင် ဒေါသသံနဲ့ အသံတိုးလိုက်ချိန်တွင် အေးစက်နေတာကို သတိပြုမိသည်။ ဒါက ဟုန်ချန်းမင်း ကသံရုံးကို အကူအညီတောင်းနေတာ မဟုတ်ဘူးလို့ သူမခံစားလိုက်ရသည်။

အဲ့ဒါထက် သူ့အဖွဲ့သား၊ လက်အောက်ငယ်သားကို ပြောနေတာနဲ့ တူနေသည်။ ဇောင်ယုဟွမ် ကအချိန်အတော်ကြာ စကားမပြောခဲ့ပေ။

လီဂျင်းယွမ် ကသူမက လက်တွေကို သတိလက်လွတ် ကိုင်ထားတာကို မြင်လိုက်ပြီးနောက် မေးလိုက်သည်။

“ဟွမ်ဟွမ် ကြောက်နေတုန်းလား?” ဇောင်ယုဟွမ် ကခေါင်းခါလိုက်ပြီး သိချင်စွာဖြင့် မေးလိုက်သည်။

“ဟုန်ချန်းမင်း ကဘယ်သူ့ကို ခေါ်နေတာလဲ?”

“သံရုံးကို”

“သံရုံးကို ဖုန်းခေါ်တာက ဂျင်းယွမ် ခေါ်တာ မဟုတ်ဘူးလား? ဒီတစ်ချိန်လုံး အကူအညီအတွက် ခေါ်နေခဲ့တာ မဟုတ်ဘူးလား?” ဇောင်ယုဟွမ် ကမပျော်ရွှင်စွာဖြင့် ပြောလိုက်သည်။

What the hell!

သူတို့က ရည်စား မရှိသေးတာတောင် သူတို့ကိုယ်ပိုင် ဘဝကြောင်းနဲ့ သူတို့ဆီမှာ လျှို့ဝှက်ချက် နည်းနည်းတောင် ရှိနေကြပြီ!

ဇောင်ယုဟွမ် ကဝမ်းနည်းစွာဖြင့် တွေးလိုက်သည်။ ဟုန်ချန်းမင်း ကသူမ အသံကို ကြားလိုက်ချိန်တွင် အမူအရာ မပြောင်းလဲပဲ ဖုန်းချလိုက်သည်။