ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

86❇️ ထိပ်ဆုံးရှာဖွေမှုက ရှုပ်ထွေးချက်တွေက သူ့အတွက် မလုံလောက်သေးလို့လား?

Unicode

တစ်ဖက်မှ လီဂျင်းယွမ် ရဲ့အသံက ထွက်လာခဲ့သည်။

“အခု ဟွမ်ဟွမ် ကဘာလုပ်နေလဲ?”

“ဟုန်ချန်းမင်း ရဲ့ကုမ္ပဏီမှာ”

လီဂျင်းယွမ် ရဲ့အမူအရာက ပြောင်းလဲသွားပြီး ချောင်းဆိုးလိုက်ကာ ထိုအမူအရာကို ချက်ချင်းပြောင်းလိုက်ပြီး ရယ်လိုက်သည်။

“အို၊ ဟုန်ချန်းမင်း နဲ့အတူရှိနေလို့ အရမ်းပျင်းနေရတာလား? ဒါ့ကြောင့် ကိုယ့်ကို ခေါ်လိုက်တာပေါ့?”

ဇောင်ယုဟွမ် ကမျက်လုံးပြူးသွားသည်။

သူမဘယ်လို ပြန်ဖြေရမလဲ?

ဟုတ်တယ်လို့ ပြောလိုက်ရင် ဒါက သူတို့နှစ်ယောက်ကြားမှာ အနှောင့်အယှက် ဖြစ်သွားမလား?!

ဟုန်ချန်းမင်း ကအရမ်းပျင်းဖို့ကောင်းလို့ လီဂျင်းယွမ် ကိုသတိရမိသွားတယ်လို့ ဖြစ်သွားမှာပေါ့။

“မဟုတ်ပါဘူး”

“အို၊ ဒါဆို ဟွမ်ဟွမ် ကကိုယ့်ကို သတိရလို့ ခေါ်လိုက်တာပေါ့”

လီဂျင်းယွမ် ကခေါင်းငုံ့လိုက်ပြီး ဖုန်းကို တင်းကြပ်စွာ ဆုပ်လိုက်သည်။ သူ့အသံက ပိုတောင်တိုးသွားပြီး တစ်ဖက်မှ လူတစ်ယောက်တည်းသာ ကြားအောင်ပြောလိုက်သည်။

“ကိုယ်ပျော်လို့ သေတော့မယ်”

သူ့အသံက တိုးလိုက်ပြီးနောက် ဇောင်ယုဟွမ် ရဲ့နားထဲသို့ လျှပ်စစ်စီးသွားသလို ဝင်ရောက်သွားပြီး သူမနားစည်ကိုတောင် ထုံထိုင်းသွားစေသည်။

ဇောင်ယုဟွမ် ကပြောစရာ စကားမဲ့သွားပြီး ဖုန်းတောင်လွတ်ကျတော့မလို ဖြစ်သွားခဲ့သည်။ သို့သော် သူမ မလွှတ်ချမိသေးပေ။

လီဂျင်းယွမ် ရဲ့စနောက်သည့် အပြုအမူတွေကို သူမက အရမ်းသတိထားသလို ဖြစ်နေမိမှာကို ကြောက်နေမိသည်။

တကယ့်ကို ဇာတ်လိုက်ပါပဲ!

နောက်ပြီး သူမ ဘယ်လိုပဲပြန်ဖြေပါစေ ဒါက မှားနေမှာပဲ!

ဇောင်ယုဟွမ် ကအလျင်အမြန်ပင် စကားပြောင်းလိုက်သည်။

“ဂျင်းယွမ် ဒီနေ့ လုပ်စရာတွေ ရှိသေးတယ်မလား? အလုပ်ကို အရင်လုပ်လိုက်။ အင်တာနက်က အကြောင်းတွေက ရှင့်ကို အနှောင့်အယှက် မဖြစ်စေတာကို ခုတော့သိသွားရလို့ အဆင်ပြေသွားပြီ”