ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

43✳️ CEOဖြစ်သင့်လား၊ပန်းချီဆရာလား၊ဘဲလေးအကလားဒါမှမဟုတ်သရုပ်ဆောင်လား?

<Unicode>

CEO ဖြစ်သင့်လား၊ ပန်းချီဆရာလား၊ ဘဲလေးအကလား ဒါမှမဟုတ် သရုပ်ဆောင်လား?

အမွေလွှဲပြောင်းသည့် စာရွက်စာတမ်းတွေ ပြီးသွားပြီးနောက် ဇောင်ချီ ရဲ့ဈာပနာအတွက် ပြင်ဆင်ပြီး အထက်ပိုင်း စီမံသူများနဲ့ စည်းဝေးပြီးနောက် လဝက်က ကုန်ဆုံးသွားခဲ့သည်။

ဇောင်ယုဟွမ် ကသူမ ဒီအသက်အရွယ်ရောက် မှ ဇောင်ချီ သေဆုံးသွားတာက သူမအတွက် ကံကောင်းခြင်းလို့ မထိန်းချုပ်နိုင်စွာဖြင့် တွေးတောလိုက်သည်။ အရာတွေ အများကြီးက ပိုပြီးရှုပ်ထွေးလာခဲ့သည်။

ဇောင်ချီ ရဲ့အတွင်းရေးမှူး၊ လက်ထောက်၊ ယာဉ်မောင်း စသည့် လူတိုင်းက အခုတော့ ဇောင်ယုဟွမ် ရဲ့လူတွေ ဖြစ်လာခဲ့ကြသည်။ ဇောင်ချီ ကစက်ဆုပ်ဖွယ်ကောင်းသည့် သူဖြစ်ပေမဲ့ သူက စီးပွားရေးတွင် ကောင်းမွန်သည်၊ မဟုတ်ရင် ဇောင်အိမ်တော်က ဒီနေ့လိုမျိုး အောင်မြင်မှု ရလာလိမ့်မည် မဟုတ်ပေ။

ဒါက သူ့အနားတွင် အရည်အချင်းရှိတဲ့သူတွေကို ရွေးချယ်ထားတာလဲ တစ်ခုအပါအဝင် ဖြစ်နိုင်သည်။ ဇောင်ယုဟွမ် ကသူတို့တွေကို ပြောင်းရွှေ့ရန် ဆန္ဒမရှိခဲ့ပဲ သူမကသာ ဝင်ရောက်ခဲ့သည်။ အရာအားလုံးကို ဆက်ပြီးလည်ပတ်ဖို့က ဒါက ပိုအဆင်ပြေနိုင်လိမ့်မည်။ ဒါမှသာ ကုမ္ပဏီက ပုံမှန်အတိုင်း ဆက်ပြီး လည်ပတ်နိုင်မှာ ဖြစ်သည်။

ဇောင်ယုဟွမ် ရဲ့ဆုံးဖြတ်ချက်တွေက လူအများစုကို သက်သာရာ ရသွားစေခဲ့သည်။ သူတို့ပထမဆုံး စိုးရိမ်သွားသည့် အရာကတော့ သူမ ဒီကုမ္ပဏီကို ယူပြီးနောက်တွင် အလုပ်ထဲက လူတွေအများစုကို ဖယ်ထုတ်ပစ်မှာ ဖြစ်သည်။

လူတိုင်းက တည်ငြိမ်သွားသည်နှင့် ဇောင်ချီ ရဲ့သေဆုံးသွားမှုက အခက်အခဲ သိပ်မရှိတော့ပေ။ ထိုအချက်ကြောင့် သူတို့အား ပိုပြီး ရည်မှန်းချက်တွေ ရှိလာစေခဲ့သည်။ အဆုံးတွင် ဇောင်ယုဟွမ် မှလွဲရင် ကုမ္ပဏီကို ထိန်းသိမ်းပေးမဲ့သူ မရှိတာကြောင့် ပုံမှန်အတိုင်းပင် သူတို့အတွက် အခန်းကဏ္ဍတွေက ပိုပြီးကြီးထွားလာခဲ့သည်။