ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

≪ 108 ≫

Unicode

ဟုန်ချန်းမင်း ကယွဲ့လန်ဗီလာဆီ သွားရတာကို ဘာဖိအားမှ မခံစားရပေ။ နောက်ပြီး ဇောင်ယုဟွမ် အပေါ်ထားတဲ့ သူ့သဘောထားတွေက တရားဝင်ထုတ်မပြခဲ့ပေ။

လီဂျင်းယွမ် ကတော့ ခြားနားသည်။

ကားထဲကနေ ထွက်လိုက်ပြီး တံခါးဆီရောက်သွားချိန်တွင် မထိန်းချုပ်နိုင်ပဲ အသက်ပြင်းပြင်း ရှူသွင်းလိုက်သည်။

လန်ဂျင်းဇီ ကလည်းတစ်ချိန်တည်း ရောက်လာခဲ့သည်။ သူက အနောက်ဘက်မှ လျှောက်လာခဲ့ပြီး လီဂျင်းယွမ် ရဲ့ပုခုံးကို ရုတ်လိုက်သည်။ လီဂျင်းယွမ် ကလန့်သွားခဲ့သည်။

“အစ်ကို” လီဂျင်းယွမ် ကလှည့်လိုက်ပြီး အလျင်စလို နှုတ်ဆက်လိုက်သည်။

သို့သော် လန်ဂျင်းဇီ ရဲ့အကြည့်ကတော့ အေးစက်နေပြီး လျှောက်သွားပြီး ဗီလာထဲကို ဝင်လိုက်သည်။

အထဲတွင် ဇောင်ယုဟွမ် ကအပြင်ဘက်မှ အသံတွေကို ကြားထားပြီးဖြစ်တာကြောင့် သူတို့ကြိုဆိုရန် တံခါးဝဆီ လျှောက်လာခဲ့သည်။

“အစ်ကိုလန်” ဇောင်ယုဟွမ် နဲ့ လန်ဂျင်းဇီ တို့က ဖက်လိုက်ကြသည်။

“ဝင်လာခဲ့” ဇောင်ယုဟွမ် ကထိုမှသာ လီဂျင်းယွမ် ကိုသတိပြုမိသွားခဲ့သည်။

သူတို့အားလုံး ထမင်းစားခန်းကို ရောက်ချိန်တွင် အဖိုးဒင် ကသူ့နေရာတွင် ထိုင်နေပြီးဖြစ်သည်။

အဖိုးဒင် ကစကားမပြောချိန်တွင် စည်းကမ်းတင်းကြပ်ပြီး ကြောက်စရာကောင်းသည်။ သူစကားမပြောရင် တခြားလူတွေလည်း စကားမပြောရဲကြပေ။

လူတိုင်းက တိတ်ဆိတ်စွာသာ စားသောက်ခဲ့ကြသည်။

အဖိုးဒင် ကအိမ်ဖော်တွေအား အသီးတွေနဲ့ အချိုပွဲအား ယူလာပေးဖို့ ညွှန်ကြားလိုက်သည်။ “လီဂျင်းယွမ် ရဲ့ပွဲက ဗီဒီယိုကို ငါတွေ့တယ်”

ဒါက ချက်ချင်းပင် လူတိုင်းရဲ့အာရုံကို ဖမ်းစားသွားပြီး ဒါက အဓိကအချက်မှန်း သိလိုက်ကြသည်။

အဖိုးဒင် ရဲ့အမူအရာက ပြောင်းလဲသွားပြီး ချက်ချင်းပင် ဒေါသတကြီး အော်လိုက်သည်။ “ဒူးထောက်!”