ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

61❇️ လန်ဒန်သို့ရောက်ရှိခြင်း

<Unicode>

လန်ဒန်သို့ရောက်ရှိခြင်း

သူတို့ လေယာဉ်ပေါ်မှ ဆင်းပြီးနောက် ရှိုးပွဲမှ ဧည့်သည်အားလုံးသည် လေဆိပ်တွင် တွေ့ဆုံခဲ့ကြသည်။

ယင်ချီချီ သည်ပြောင်းလဲလွယ်သည့် သူတစ်ဦးဖြစ်သည်။ ဇောင်ယုဟွမ် ကိုမြင်လိုက်သည်နှင့် စိတ်မကျေနပ်မှု နည်းနည်းလေးတောင် မပြသပဲ ပျော်ရွှင်စိတ်အားထက်သန်စွာဖြင့် လျှောက်သွားလိုက်သည်။ သူမလက်တွေကို ‌ဇောင်ယုဟွမ် ဆီလှမ်းလိုက်သည်။

ကံမကောင်းစွာဖြင့် ဇောင်ယုဟွမ် ဘေးတွင် လီဂျင်းယွမ် ကော ဟုန်ချန်းမင်း ကောနှစ်ယောက်လုံးက တစ်ဖက်စီတွင် ရှိနေတာကြောင့် သူမသည် ဇောင်ယုဟွမ် အနားကိုတောင် မကပ်နိုင်လိုက်ပေ။

နောက်ဆုံးတွင် ဇောင်ယုဟွမ် သည်သူတို့နှစ်ယောက်ကို ထားခဲ့ပြီး ကားရှိပြတင်းပေါက်နေရာတွင် ဝင်ထိုင်လိုက်သည်။ ဒီလိုပုံစံဖြင့် ဒီနေရာကို ရောက်လာခဲ့တာက ပထမဆုံးအကြိမ်ဖြစ်သည်။ စီးစရာအတွက် စိုးရိမ်နေဖို့ မလိုအပ်ပေ။ အရင်တုန်းက လန်ဒန်တွင် သူမလည်ပတ်ချင်သည်နှင့် ချန်းမင်းရီ ဖြစ်ဖြစ် တခြားတစ်ယောက်ကိုဖြစ်ဖြစ် ဖုန်းဆက်ပြီး လာခေါ်ဖို့ပြောလိုက်ရုံပင်။

ကံကောင်းတာက အရင်တုန်းက သူမက တစ်ခါမှ ကားမငှားဖူးတဲ့အပြင် ဒေသခံတွေနဲ့ ကျွမ်းကျင်စွာ ပြောဆိုဆက်သွယ်နိုင်သည်။ ထိုအရာက သူမအတွက် အခက်အခဲ မရှိပေ။

ကင်မရာက လုပ်ငန်းစဉ်တစ်ခုလုံးကို သစ္စာရှိရှိ မှတ်တမ်းတင်‌ေနခဲ့သည်။ သူမ မှာကြားပြီးနောက် လူတိုင်းကို VIP နားနေခန်းသို့ ခေါ်သွားခဲ့သည်။

ယင်ချီချီ ကမေစလိုက်သည်။ "ဒီနေရာအတွက် ဘယ်လောက်ကုန်ကျလဲ?"

ထုတ်လုပ်ရေးအဖွဲ့က သူတို့ပေးသည့် လက်မှတ်တွေက စီးပွားရေးအတန်းဖြစ်သည်။ သဘာဝကျစွာပင် VIP နားနေခန်းကို အသုံးပြုရန် မပါဝင်ပေ။

ဇောင်ယုဟွမ် ကလှည့်တောင်လှည့်မကြည့်ပဲ ပြောလိုက်သည်။ "အင်း"

သူမသည် ဒီ‌ေနရာတွင် VIP မဟုတ်ပေမဲ့ ချန်းမင်းရီ ကတော့ VIP ဖြစ်သည်။ သူမကဒ်ကို ပြသခဲ့သည့် နောက်ဆုံးအကြိမ်ကြောင့် ဝန်ထမ်းက သူမကို VIP နားနေခန်းကို ခေါ်ဆောင်သွားခဲ့တာဖြစ်သည်။