ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

Cousin

Unicode

စားပွဲပေါ်တွင်တင်ထားသည့် လန်ဂျင်းဇီ ရဲ့ဖုန်းက အကြိမ်ပေါင်းစွာ မြည်နေခဲ့သည်။

“ဆာ?” သူ့ဘေးရှိ ဝန်တမ်းက သူ့အား ပြောလိုက်သည်။ “ဖုန်း...”

သို့သော် လန်ဂျင်းဇီ ကမတုန့်ပြန်ပဲ ရှကျီနိုင်ငံနဲ့ ပတ်သက်သည့်အကြောင်းကိုသာ ဆက်ဆွေးနွေးနေခဲ့သည်။

သူတို့တွေ အစီစဉ်ကို အဆုံးသတ်ပြီးနောက်မှ ထ,ရပ်လိုက်ပြီး တည်ငြိမ်စွာ ပြောလိုက်သည်။ “ဒီနေ့ အစည်းအဝေးက ဒီမှာပဲ အဆုံးသတ်လိုက်မယ်။ မင်းတို့အလုပ်ကြိုးစားပေးလို့ ကျေးဇူးတင်ပါတယ်”

ထို့နောက်တွင် သူ့ဖုန်းကိုကြည့်ကာ အစည်းအဝေးခန်းထဲမှ ထွက်သွားလိုက်သည်။ အလျင်လိုနေသလိုမျိုး သူ့လှုပ်ရှားမှုတွေက အရမ်းကိုမြန်နေသည်။

[အစ်ကို!!!!]

[‘ဓာတ်ပုံ’ ဒီမှာ အရမ်းကိုပျော်ဖို့ကောင်းတယ်]

[အို ဟုတ်သား၊ ဒေါက်တာချင် ရဲ့စာချုပ်အကြောင်းကို မနေ့က ပို့ထားတယ်။ အစ်ကိုရပြီလား?]

[ဟွမ်ဟွမ် ထပ်ပို့ပေးလိုက်မယ် (〃ﾟ3ﾟ〃) ]

[အစ်ကို မသွားရင်တောင် ဟွမ်ဟွမ့် ကိုပြောလို့ရတယ်နော်။ ဟွမ်ဟွမ် ကအစ်ကို့အတွက် လက်ဆောင်တွေ အများကြီး ပြန်သယ်လာပေးမှာ =3=]

လန်ဂျင်းဇီ ကသတိလက်လွတ် ပြုံးလိုက်သည်။

သို့သော် မကြာခင် သူ့အမူအရာက ပြန်အေးခဲသွားပြီး နည်းနည်း အေးစက်နေပုံရသည်။

အချိန်ကြာပြီးနောက် သူ့ဖုန်းကို ပြန်ချလိုက်ပြီး တဖြည်းဖြည်း စာရိုက်လိုက်သည်။ သူ့စာရိုက်နှုန်းက လူကြီးတစ်ယောက်ရဲ့ စာရိုက်နှုန်းလောက်ပဲရှိသည်။

[ရပြီးပြီ၊ အိုကေ။ ♡(> ਊ <)♡]

သူ့ပြန်စာ တစ်ဝက်လောက်ပြီး သတ်လက်ပိုင်းလူကြီးလို ဖြစ်နေပေမဲ့ နောက်တစ်ဝက်ကတော့ လုံးဝကိုကွာခြားသည်။ အတူတူ ပေါင်းပြောရရင် ဒါက နည်းနည်းထူးဆန်းပေမဲ့ ချစ်ဖို့လည်း ကောင်းနေသည်။

လန်ဂျင်းဇီ ကသူ့ဖုန်းကို အဝေးမှာချလိုက်ပြီး အလျင်အမြန်ပင် သူ့အလုပ်ထဲ ပြန်နှစ်လိုက်သည်။