ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

≪ 110 ≫

Unicode

စားသောက်နေစဉ် ဇောင်ယုဟွမ် က ဟုန်တမေ့ နဲ့ဖြစ်ပျက်ခဲ့တာတွေကို သူတို့အား ပြောပြခဲ့သည်။ သူမက မျက်မှောင်ကြုတ်လိုက်သည်။ “တစ်ယောက်ယောက်က နောက်ကွယ်က ကြိုးကိုင်နေတာ ဖြစ်နိုင်လား?”

ဟုန်ချန်းမင်း ကပြောလိုက်သည်။ “သေချာတယ်” သူက ပြောလိုက်ရင်း ဇောင်ယုဟွမ် ရဲ့ပန်းကန်ထဲသို့ ငါးလုံးအား ထည့်ပေးလိုက်သည်။ သူဘယ်လောက်ပဲ ဒေါသထွက်နေပါစေ ဇောင်ယုဟွမ် အတွက် အစားအသောက်တွေ ထည့်ပေးဖို့ကို မမေ့ပေ။

လီဂျင်းယွမ် ကဘာမှမပြောပေမဲ့ စားသောက်ပြီးနောက် လူတစ်ယောက်ဆီ ဖုန်းခေါ်လိုက်သည်။

လီရုံ က လီဂျင်းယွမ် အားဂျင်းဟွာအုပ်စုနဲ့ ပတ်သက်သည့်အရာတွေကို စတင်မိတ်ဆက်ပေးခဲ့ပြီးဖြစ်သည်။ လီရုံ အမြင်တွင် လီဂျင်းယွမ် ကလီမိသားစုရဲ့ အင်အားကို အသုံးချတာက သူ့ပုံစံအသစ်ကို အလျင်အမြန် မွေးဖွားနိုင်တယ်လို့ တွေးသည်။ ထိုအကြောင်းက သူ့ကို ပျော်ရွှင်စေပြီး စိတ်ပျက်မှုနည်းနည်းလေးတောင် ထုတ်မပြခဲ့ပေ။

ထင်တဲ့အတိုင်းပင် လီရုံ ကသူဖုန်းခေါ်ပြီးနောက် သူ့အား ပိုများပြားသည့် အချက်အလက်တွေကို ပေးခဲ့သည်။

ရက်အနည်းငယ်အတွင်း လီရုံ က လီဂျင်းယွမ် အားသူ့စီးပွားရေးမိတ်ဘက် မိတ်ဆွေဟောင်းဆီ ခေါ်သွားပေးခဲ့သည်။ ထိုအချိန်တွင် လီဂျင်းယွမ် ကလီမိသားစုကို ပြန်လာပြီမှန်း လူအများအပြားက သိနေခဲ့ကြသည်။

ထို့နောက်တွင် နောက်ကွယ်ကလူက ဘယ်သူဆိုတာကို လီဂျင်းယွမ် ကိုရှာတွေ့ခဲ့သည်။

ဒါက တကယ့်ကို စိတ်ရှုပ်စရာပင်။

ဟုန်တမေ့ အားအဲ့လိုလုပ်ဖို့ ပြောခဲ့သူက လက်ရှိဥက္ကဌနင် ရဲ့တူဖြစ်သည်။ ပိုမိုတူးဆွပြီးနောက် ထိုတူက လင်းလန် နဲ့အဆက်အဆံရှိသည့် ဆက်ဆံရေးဖြစ်တာကို သူရှာတွေ့ခဲ့သည်။ လင်းလန် ကသူ့အား သူမရဲ့ဒုက္ခတွေကိုနဲ့ ဇောင်ယုဟွမ် ကသူမပိုင်တဲ့အရာတွေကို ယူသွားကြောင်းကို ပြောပြခဲ့သည်။ ထို့နောက် ထိုလူက သူ့အချစ်အတွက် လက်စားချေပေးဖို့ ဆုံးဖြတ်ခဲ့သည်။