ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

92❇️ မစ္စတာဟုန်ကို ထွက်သွားဖို့များ တောင်းဆိုနိုင်မလား?

Unicode

ဟုန်ချန်းမင်း ကသူ့ဘေးမှလူအား လက်ညှိုးထိုးကာ ပြောလိုက်သည်။ “အင်း၊ ဒါက ငါ့အကောင်းဆုံး သူငယ်ချင်း”

‘အမြန်နှုန်း’တွင် ပါဝင်ကြသည့် ဧည့်သည်အုပ်စု ရှစ်စုရှိသည်။ အဖေနဲ့ သမီးအဖွဲ့၊ လက်ထပ်ထားသည့် စုံတွဲက နှစ်တွဲ၊ နာမည်ကြီး စုံတွဲတစ်တွဲ၊ မိန်းကလေးအဖွဲ့မှ ကောင်မလေး နှစ်ယောက်အဖွဲ့၊ ဖျော်ဖြေရေးလောကမှ အသက်ကြီးပါတနာ စုံတွဲတစ်တွဲနဲ့ ဇောင်ယုဟွမ် နဲ့ လီဂျင်းယွမ် တို့ကတော့ ၇ ဖွဲ့မြောက် အဖွဲ့ဖြစ်သည်။ နောက်ဆုံး အဖွဲ့ကတော့ ‘အကောင်းဆုံး သူငယ်ချင်းတွေ’ဆိုသည့် ဟုန်ချန်းမင်း နဲ့နာမည်ကြီး အမျိုးသား တစ်ယောက်နဲ့ အဖွဲ့ဖြစ်သည်။

ဇောင်ယုဟွမ် ကသေလောက်အောင် အရိုက်ခံရရင်တောင် ဟုန်ချန်းမင်း ကနာမည်ကြီး အမျိုးသား တစ်ယောက်နဲ့ အတူတူတွေ့ဖူးတယ်လို့ လိမ်ညာပြောမှာ မဟုတ်ပေ။ ဒါက ဘယ်နေရာကနေ ‘အကောင်းဆုံး သူငယ်ချင်း’ဆိုပြီး ဖြစ်သွားရတာလဲ? ဖိအားပေးလိုက်တာလား?!

ဇောင်ယုဟွမ် က ဟုန်ချန်းမင်း အားသံသယအကြည့်ဖြင့် ကြည့်လိုက်သည်။

ဟုန်ချန်းမင်း ကတစ်ခုခုအား ဖုံးကွယ်ဖို့ မကြိုးစားပဲ ပြောလိုက်သည်။ “အင်း၊ ငှားခဲ့တာ”

လီဂျင်းယွမ် : “…”

လူတွေက တစ်ပေလောက် အကျင့်ကောင်းတယ်လို့ ပြောရရင် သူကတော့ ဆယ်ပေလောက်ကို အကျင့်မကောင်းတာပဲ။

လီဂျင်းယွမ် က ဟုန်ချန်းမင်း ကိုပါခေါ်လာဖို့ စီစဉ်ထားခြင်း မရှိပေမဲ့ သူကတော့ အဆုံးတွင် ရောက်လာခဲ့သည်။

လီဂျင်းယွမ် ရဲ့မျက်နှာက ရှုံ့တွသွားပြီး ထိုနေရာတွင်သာ လဲကျတော့မလို ဖြစ်သွားခဲ့သည်။

ထိုအချိန်တွင် ဟုန်ချန်းမင်း ကပေါ့ပါးစွာ ပြောလိုက်သည်။ “အို၊ ဟုတ်သား၊ ဒီရှိုးပွဲမှာ ငွေရင်းနှီးမြှုပ်နှံခဲ့သေးတယ်”

လီဂျင်းယွမ် ကပြုံးလိုက်သည်။ “ငါ ပိုပြီးရင်းနှီးမြှုပ်နှံခဲ့ရင် မစ္စတာဟုန် ကိုထွက်သွားဖို့များ တောင်းဆိုနိုင်မလား?”