ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

46❇️ ဟွမ်ဟွမ် ကိုကိုလို့ခေါ်

<Unicode>

ဟွမ်ဟွမ်၊ ကိုကို လို့ခေါ်

ဟုန်ချန်းမင်း က ဇောင်ယုဟွမ် ကိုဖုန်းခေါ်လိုက်ချိန်တွင် သူမက လီဂျင်းယွမ် နဲ့ဖုန်းပြောနေခဲ့သည်။

“အခု ငါတို့က တတိယအပိုင်းကို ရိုက်ကူးနေကြတာ” လီဂျင်းယွမ် ကတစ်ဖက်ကနေ ပြောလိုက်သည်။

“အို! ဒါဆို နှစ်ပိုင်းပဲ ရှိတာလား?” ဇောင်ယုဟွမ် ကမေးလိုက်သည်။ သူမက ဒီအကြောင်းနဲ့ ပတ်သက်ပြီး အာရုံသိပ်မထားပေ။

“ပထမပိုင်းကတော့ လွှင့်ပြီးပြီ”

ဇောင်ယုဟွမ် - “......”

ဒါဆို သူမ မြင်ခဲ့တာက ပထမပိုင်းကလား? ဒါက တော်တော့်ကို အထင်ကြီးဖို့ကောင်းတယ်။

“မင်းကိစ္စတွေ အားလုံးကို လုပ်ပြီးသွားပြီလား၊ ဟွမ်ဟွမ်?” လီဂျင်းယွမ် မေးလိုက်သည်။

“အင်း၊ နည်းနည်းတော့ လုပ်ပြီးပြီ”

“ဒါဆို ရိုက်ကူးရေး နေရာကို အလည်လာချင်လား?” လီဂျင်းယွမ် ကမေးလိုက်သည်။

တစ်ဖက်မှ စိတ်လှုပ်ရှားစွာဖြင့် သူ့ဖုန်းကို တင်းတင်းဆုပ်ထားမှာကို ဇောင်ယုဟွမ် ပုံဖော်နိုင်သည်။ ဒါပေမဲ့ ဘယ်လိုပဲဖြစ်ဖြစ် သူ့ရဲ့တောင်းဆိုချက်ကို သူမ ငြင်းပယ်လိုက်သည်။

“အာ” လီဂျင်းယွမ် ကနိုင်ငံခြားတွင် မောဒယ်လ်အလုပ်ကို ကောင်းမွန်စွာ လုပ်ကိုင်ခဲ့ပေမဲ့ အခုတော့ သူက အမိနိုင်ငံကို ပြန်ရောက်နေပြီး သူက အနုပညာလောကတွင် တက်သစ်စဖြစ်သည်။

သူမသာ အလည်သွားခဲ့ရင် ထုတ်လုပ်ရေးအဖွဲ့ရဲ့ ခွင့်ပြုချက်ကို လိုအပ်လိမ့်မည်။ ဒါကြောင့် ဘာလို့ အနှောင့်အယှက် သွားပေးရမှာလဲ?

“တတ်သစ်စဖြစ်လို့ အလည်လာတာကို မလုပ်သေးတာ ပိုကောင်းလိမ့်မယ်” လီဂျင်းယွမ် အသံက ချက်ချင်းပင် စိတ်ပျက်သွားပုံပေါ်သည်။

“အိုကေ၊ ဒါဆိုလည်း နောက်ပိုင်းတွေကျမှ လာခဲ့ပေါ့” ဇောင်ယုဟွမ် ကဒီအကြောင်းကို နည်းနည်းတွေးတောလိုက်ပြီး ပြောလိုက်သည်။