Unicode
ဂူယူလင်း က ဇောင်ယုဟွမ် အနားကို ဆက်တိုးလိုက်သည်။ ဇောင်ယုဟွမ် ကနည်းနည်း အံ့ဩသွားပေမဲ့ အလျင်အမြန်ပင် တုန့်ပြန်လိုက်သည်။ ချောကလက် ပေးထားသည့် ကျေးဇူးဖြင့် သူမက လက်ကိုမြှောက်လိုက်ပြီး ဂူယူလင်း ရဲ့ပုခုံးပေါ် တင်လိုက်ပြီး ပြောလိုက်သည်။
“ဘာမှမဟုတ်ပါဘူး။ မစိုးရိမ်ပါနဲ့”
သူမ ပြောပြီးနောက် ဇောင်ယုဟွမ် ကသူမအပြုအမူက ကောင်လေး အပြုအမူနဲ့ တူနေတယ်လို့ ခံစားလိုက်ရသည်။ လီဂျင်းယွမ် ကသူတို့ကို ကြည့်လိုက်ပြီး ပြောလိုက်သည်။
“ကျွန်တော် သွားကြည့်လိုက်မယ်” ဟုန်ချန်းမင်း ကအလျင်အမြန်ပင် ပြောလိုက်သည်။
“ငါပဲသွားလိုက်မယ်” လီဂျင်းယွမ် ကရပ်လိုက်ပြီး ဘာကြောင့်မှန်း မသိရပဲ ခေါင်းညိတ်လိုက်သည်။
“ကောင်းပြီ၊ ဒါဆို အစ်ကိုဟုန် သွားလိုက်။ ငါဒီမှာ နေပြီး ဟွမ်ဟွမ် ကိုကာကွယ်ထားမယ်”
ဝမ်ယောင်ချန်း ကသူ့ပါးစပ်ကို ထပ်ဟလိုက်ပေမဲ့ အဆုံးတွင်တော့ ပြန်ပိတ်လိုက်ရသည်။ သူဖြတ်ဝင်နိုင်ဖို့ ဘာအခန်းမှ မရှိပေ။
ဝမ်ယောင်ချန်း ကခေါင်းငုံ့လိုက်ပြီး သူ့အကြည့်ထဲမှ ထူးဆန်းနေမှုကို ဖုံးကွယ်လိုက်သည်။ သူ ရေသွားယူစဉ် ဟုန်ချန်းမင်း ကအလျင်အမြန်ပဲ ပြန်ရောက်လာခဲ့သည်။ သူက ဇောင်ယုဟွမ် ဘေးကိုလျှောက်သွားပြီး တခြားသူတွေကို လှည့်ပြောခဲ့သည်။
“ငါတို့ကို လာခေါ်ဖို့ ရောက်လာကြတာ” လူတိုင်းက စိတ်သက်ရာရသွားကြသည်။
ဒါရိုက်တာ ကလည်း သက်ပြင်းချလိုက်ပြီး ဟုန်ချန်းမင်း အနားကို အလျင်အမြန် လျှောက်လာပြီး မေးလိုက်သည်။
“သူတို့က သံရုံကလား? ဒါမှမဟုတ်...”
ဟုန်ချန်းမင်း : “သံရုံးက မဟုတ်ဘူး”
လီဂျင်းယွမ် ကထပ်ပေါင်း ပြောလိုက်သည်။
“ဒီအချိန်မှာ စစ်တပ်ဘက်က အားကြီးလို့ သံရုံးက သူတို့ကို လျစ်လျူမရှုထားရဲကြဘူး။ နောက်ပြီး ဒီမှာပိတ်မိနေကြတဲ့ ရာချီတဲ့ တရုတ်ခရီးသွားတွေလည်း ရှိနေလို့ လျစ်လျူရှုပြီး ဒီကိုအရင်လာခေါ်တာ”
YOU ARE READING
ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]
Romanceေဇာင္ယုဟြမ္ ကဝတၳဳဇတ္လမ္းထဲ ကူးေျပာင္းသြားခဲ့ၿပီး ေၾကကြဲဖြယ္ဇာတ္လမ္းနဲ႔ အဆံုးသတ္သြားခဲ့တဲ့ ဇာတ္ပို႔အမ်ိဳးသမီး ဇာတ္ေကာင္ေနရာကို ေရာက္႐ွိခဲ့သည္။ ဇာတ္လိုက္က ေအာင္ျမင္တဲ့သ႐ုပ္ေဆာင္ျဖစ္လာၿပီး ဗီလိန္ကေတာ့ အင္အားေတာင့္တင္းတဲ့ စီပြားေရးလုပ္ငန္း႐ွင္ ျဖစ္လာခဲ့...