ဇာတ္လိုက္နဲ႔ဗီလိန္အားေမြးစားပ်ိဳးေထာင္ျခင္း (Uni & Zaw) [✓]

85❇️ သူတို့ကအရေးကြီးလား? ဒါမှမဟုတ် ကိုယ်က အရေးကြီလား?

Unicode

အစက သူမက မနက်ဖြန် မနက်စာအတွက် သဘောတူလိုက်ချိန်တွင် ဟုန်ချန်းမင်း ရဲ့မပျော်ရွှင်သည့် နှလုံးသားက အေးချမ်းသွားခဲ့ပေမဲ့ သူမက ရန်ဆန်း နဲ့ချိန်းထားတာကို ကြားလိုက်ရသည်။

ရန်ဆန်း! ဘာကြောင့် ထပ်ပြီး ဒီ ရန်ဆန်း ပဲလဲ?!

အရင်တုန်းကလည်း ရန်ဆန်း နဲ့လေ့ကျင့်တယ်၊ ရန်ဆန်း နဲ့ကားပြိုင်ပွဲသွားတယ်...

ဒီအချိန်လည်း ရန်ဆန်း ပဲထပ်ဖြစ်နေပြန်ပြီ!

ဟုန်ချန်းမင်း ရဲ့မျက်တောင်တွေက အနည်းငယ် လှုပ်သွားပြီး သူ့မျက်နှာက ထပ်ပြီးမဲမှောင်သွားပြန်သည်။ သူ့မျက်နှာတွင် ဒေါသကို မြင်နိုင်ပြီး ပိုတင်းမာလာခဲ့သည်။ အဝေးကို လျှောက်သွားဖို့တောင် သူမလုပ်နိုင်တော့ပေ။

ဇောင်ယုဟွမ် ကဆိုဖာတွင် မှီလိုက်သည်။

“ဘာဖြစ်လို့လဲ?”

ရှင်ဘာကြောင့် ထွက်မသွားသေးတာလဲ?

ဟုန်ချန်းမင်း ကပြောလိုက်သည်။

“သူတို့နဲ့ အပြင်ထွက်ဖို့က အရမ်းပဲ အရေးကြီးနေတာလား?”

ဇောင်ယုဟွမ် ကသူဘာကြောင့် ဒီလိုမေးလဲဆိုတာကို နားမလည်တာကြောင့် စဉ်းစားလိုက်ပြီး ပြောလိုက်သည်။

“အဆင်ပြေပါတယ်”

ဟုန်ချန်းမင်း ကရုတ်တရက် မူးသွားသလိုမျိုး ဖြစ်နေပြီး သူ့အင်အားတွေ ပြန်ရလာခဲ့သည်။

သူ့မေးခွန်းနောက်လိုက်ကာ “ဒါဆို သူတို့က ပိုအရေးကြီးလား? ဒါမှမဟုတ် ကိုယ်က အရေးကြီးလား?”

ဇောင်ယုဟွမ် : “???”

ဟုန်ချန်းမင်း ကမရပ်ပဲ ထပ်မေးလိုက်သည်။

“ဟွမ်ဟွမ်၊ သူတို့က ပိုအရေးကြီးလား? ဒါမှမဟုတ် ကိုယ်က အရေးကြီးလား?”

ဒီတစ်ကြိမ်တော့ သူ့အသံက ပိုတိုးနေပြီး ပိုအသက်ပါနေသည်။ ဇောင်ယုဟွမ် ကတွေးတောလိုက်ပြီးနောက် နာခံစွာဖြင့် ပြောလိုက်သည်။

“အစ်ကိုချန်းမင်း”

“ဒါဆို ကိုယ်တို့တွေ မနက်ဖြန်၊ မွန်းလွဲကော ညကော အတူတူ စားကြမယ်”