Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (1)

Chapter (1)

မိတ်ဆက် : Kinky Boots
အရပ်အမြင့်က ၁၇၈ စင်တီမီတာပေမယ့် သူ့ခြေထောက်တွေက ၁၈၅ စင်တီမီတာတောင်နော်

ယခုနှစ်နွေရာသီအားလပ်ရက်၌ စိတ်ကူးယဉ်လက်ရာသစ်တစ်ခုကို ကမ္ဘာတစ်ဝှမ်းလုံးတွင် ဖြန့်ချီမည်ဖြစ်ရာ လွန်ခဲ့သော နှစ်လခန့်မှစ၍ ရုပ်ရှင်ဒါရိုက်တာများသည် တရုတ်အသံသွင်းအဖွဲ့ကို ရှာခဲ့ကြပြီး ထန်ယီမင်သည် သူ၏ " ယီမင်အံ့ဖွယ်စတူဒီယို " ကို အသံအစမ်းစစ်ဆေးမှုတွင် ဦးဆောင်ခဲ့သည်။  စစ်ဆေးမှုများအကြိမ်ကြိမ်ပြုလုပ်ပြီး နောက်ဆုံးတွင်တော့ သူ့အဖွဲ့သည် ဇာတ်ကောင်နေရာအားလုံးကို အနိုင်ရခဲ့သည်။

ဤကဲ့သို့ S+ အမျိုးအစား ဂန္တဝင်မြောက်လက်ရာများအတွက် တရုတ်-အင်္ဂလိပ် စာတမ်းများသည် နောက်ဆက်တွဲအကြောင်းရင်းများစွာနှင့် စာမျက်နှာ ၃၀ ကျော် ပါရှိသည်။

စာချုပ်ကိုလက်မှတ်ထိုးသည့်အချိန်၌ ထန်ယီမင်နှင့် သူ့ပတ်ဝန်းကျင်မှ လက်ထောက်များသည် 'Men in Black' ထဲကကဲ့သို့ ခလုတ်တစ်ချက်နှိပ်လိုက်ရုံဖြင့် မှတ်ဥာဏ်ဖျက်နိုင်သည့်ဖောင်တိန်ကို တီထွင်သွားချင်ကြသည်။ သို့မှသာ စာချုပ်ပါအချက်အလက်များ အပြင်သို့ ပေါက်ကြားသွားခြင်းကို တားဆီးနိုင်မည်ဖြစ်သည်။

ထို့နောက်အသက် ၂၀ သာရှိသေးသော လက်ထောက်လူငယ်လေးက “ Men in Black” က ဘာလဲဟု မေးလာသည်။

“ …” ထန်ယီမင် ဆွံ့အသွား၏။ “ မျိုးဆက်ကွာဟချက်က ဘယ်လောက်တောင်လဲကွာ…”

ရုပ်ရှင်ထုတ်လုပ်ရေးအဖွဲ့ကို မနှောင့်နှေးစေရန် ရုပ်ရှင်အသံသွင်းမှုသည် သုံးရက်သာကြာလိမ့်မည်ဖြစ်သည်။

ရုပ်ရှင်ဖြန့်ချိရေးအဖွဲ့သည် အထူးသတိ ရှိ၍ မြင်ကွင်းများအားလုံးကို အနက်ရောင်ခြယ်သခဲ့ကာ သရုပ်ဆောင်များ၏ပါးစပ်ကိုသာ မြင်နိုင်သော ကွက်လပ်တစ်ခုစာသာ ချန်ပေးခဲ့သည်။

ဖန်သားပြင်ပေါ်မှ သရုပ်ဆောင်များ ပါးစပ်ဖွင့်လိုက်စဥ်တွင် ဖန်သားပြင်အပြင်ဘက်ရှိ အသံသရုပ်ဆောင်များသည် သူတို့၏ပါးစပ်များကို တစ်ပြိုင်နက်တည်း ဖွင့်ပေးကြရသည်။  ထို့အပြင် မြေကွက်များ၊ မြင်ကွင်းများ၊ အသုံးအနှုန်းများ၊ အသုံးအဆောင်များအားလုံး စသည် စသည်ဖြင့်...