Cāi Cāi || ချိုက်ချိုက် || [ မြန်မာဘာသာပြန်] (Completed)

Chapter (22)

Chapter (22)

Act 4 : Billy Elliot (3)
ကိုယ်က မင်းကိုပဲ ပြောပြတာ. . . ငန်းပေါက်လေး ဒါကို လျှို့ဝှက်ထားဖို့ မမေ့နဲ့နော်

ဌာနအကြီးအကဲသည် ပါးစပ်ဖွာကာ လူတိုင်းကို အတင်းအဖျင်း လိုက်ပြောနေခြင်းမဟုတ်ပေ။ ရှန်းချိုက်၏ဇာတ်လမ်းကို ကြာမြင့်လှသောအချိန်ကတည်းက လူတိုင်းသိနေကြခြင်းဖြစ်ကာ သူမ မပြောဘူးဆိုလျှင်တောင် ဒါရိုက်တာ၏နားအတွင်းသို့ ရက်အနည်းငယ်အတွင်း သေချာပေါက် ရောက်သွားမည်ဖြစ်သည်။

Out of My World ၏ အဓိကဖန်တီးသူသည် ဟွားဝူအကအကယ်ဒမီတွင် တစ်ပတ်လုံးနေခဲ့ပြီး ကျောင်းသားများ၏အစမ်းလေ့ကျင့်မှုကိုကြည့်ရန် နေ့တိုင်းလိုလို အကအတန်းစာသင်ခန်းအနောက်၌ မတ်တပ်ရပ်နေခဲ့သည်။

သူတို့အားလုံးသည် သိုသိုသိပ်သိပ်သာ ရောက်လာခဲ့သော်လည်း မည်သို့ပင် သိုသိိုသိပ်သိပ်လာခဲ့စေကာမူ ကျောင်းအတွင်းရှိ ကောလဟာလများကို မထိန်းချုပ်နိုင်ခဲ့ပေ။

ရက်အနည်းငယ်အတွင်းမှာပင် ကျောင်းရှိလူတိုင်းသည် Out of My World အကြောင်း ဆွေးနွေးနေကြတော့သည်။

—— သရုပ်ဆောင်တစ်ယောက်ရွေးဖို့ ကျောင်းကို ဒါရိုက်တာတစ်ယောက် ရောက်နေတယ်။

ဟွားဝူအကအကယ်ဒမီတွင် ကလေးသရုပ်ဆောင်လည်း မရှားပါးပေ။  ဤရှိ ကျောင်းသားအတော်များများသည် သူတို့အသက် ၁၄ နှစ် သို့မဟုတ် ၁၅ နှစ်အရွယ်လောက်ကတည်းက ကုမ္ပဏီတစ်ခုတွင် လက်မှတ်ထိုးပြီးဖြစ်ကာ ကြယ်ပွင့်တစ်ပွင့်အဖြစ် ခရီးစခဲ့ကြပြီးဖြစ်သည်။ အချို့လူများဆိုလျှင် ရုပ်ရှင်များတွင်တောင် မကြာခဏပေါ်လာတတ်ပြီး အချို့လူများသည် စနေ၊ တနင်္ဂနွေနေ့များ၌ စီးပွားဖြစ်ပြပွဲများသို့ သွားရလေ့ရှိကာ အချို့မှာ တောင်ကိုရီးယားတွင် ပွဲဦးထွက်ရန်အတွက်တောင် ကျောင်းထွက်ခဲ့ကြသူများရှိ၏။

ယခုသည် ပညာရေး၀န်ကြီးဌာနနှင့် ယဉ်ကျေးမှု၀န်ကြီးဌာနတို့မှ ရန်ပုံငွေထောက်ပံ့ပေးသော ဇာတ်လမ်းတစ်ခုဖြစ်ကာ ၎င်းသည် ဤကမ္ဘာပေါ်ရှိ အကကျောင်းသားများအားလုံးနှင့် အနီးကပ်ဆက်နွယ်နေသည့်ဘဝကို ထင်ဟပ်စေသည်။