Chapter (10)
Act 2: Hairspray (3)
ယီမင် ချင်းယွမ် : ငါအရမ်းသဘောကျတဲ့ အသံတစ်ခုရှိနေတယ်ပြဿနာများရှာဖွေရန် ညဇီးကွက်များထွက်လာသည့်အချိန်တွင် အတော်လေးညဉ့်နက်နေပြီဖြစ်၏။
အသံဇာတ်လမ်းတွဲ အဖွဲ့ဝင်များ အဖွဲ့တွင်းစကားဝိုင်း၌ စိတ်လှုပ်ရှားမှုများစွာ ရှိနေခဲ့သည်။
အုပ်စုဖွဲ့ စကားဝိုင်း၌ အတင်းအဖျင်းများပြောခြင်း၊ အလုပ်ကိစ္စများကို ဝေဖန်ခြင်း၊ သူငယ်ချင်းများနှင့် ဂိမ်းကစားခြင်း၊ Taobao တွင် လှပသောအဝတ်အစားတို့အား ဝေမျှခြင်းများသာ ရှိနေခဲ့သည်။
အဟုတ်ပင်။ လေးနက်သော စီးပွားရေးလုပ်ငန်း ကိစ္စအတွက်တော့ ဘာတစ်ခုမျှ မရှိနေခဲ့။
[ကျိုရှောင်းအသံ -- ဒုတိယသား] : [ဒေါသထွက်နေ] [ဒေါသထွက်နေ] [ဒေါသထွက်နေ]
[ကျိုရှောင်းအသံ -- ဒုတိယသား] : စကားဝိုင်းထဲကို တစ်မိနစ်လောက် ငါမကြည့်လိုက်တာနဲ့ မက်ဆေ့ဂျ်တွေက ၉၉+ ပဲနော်! နင်တို့မှာ စကားပြောဖို့အချိန်ရှိနေရင် ဘာလို့ငါ့ကိုလာမကူညီ ကြတာလဲ!! !! !! !! !! !! !! !! !! !!
[ကျိုရှောင်းအသံ -- ဒုတိယသား] : [ဒေါသထွက်နေ] [ဒေါသထွက်နေ] [ဒေါသထွက်နေ]
သူမ စကားမပြောလျှင် အဆင်ပြေသေး၏။ သို့သော် သူမ စကားစပြောပြီးသည်နှင့် တစ်အုပ်စုလုံး ချက်ချင်းကို တိတ်ဆိတ်သွားတော့သည်။ အကယ်၍သာ အစောပိုင်းကစာပို့ထားသည့် အထောက်အထားများ ဖန်သားပြင်ပေါ်တွင် ကျန်မနေခဲ့ပါက ဤစကားဝိုင်းသည် တိတ်ဆိတ်ကာ သရဲခြောက်နေသော လူသေအုပ်စုဟုတောင် ထင်သွားနိုင်လောက်သည်။
ဒီဒုတိယသားက ဘယ်သူလဲ??
သူမသည် ဒုတိယသားအဖြစ် လူသိများသော်လည်း အမှန်တကယ်တမ်းတော့ မိန်းကလေးတစ်ယောက်သာ ဖြစ်သည်။ အစပိုင်းတွင် ကျိုရှောင်းအသံကို စိတ်တူကိုယ်တူသူငယ်ချင်း ၇ ယောက်ဖြင့် ဖွဲ့စည်းထားခဲ့ပြီး အပျော်သဘောဖြင့် သူတို့ကိုယ်သူတို့ သားခုနစ်ယောက်ဟု ခေါ်ဆိုကြသည်။
ထိုအချိန်တွင်တော့ ကျိုရှောင်းအသံအား ဤအသိုင်းအဝိုင်း၌ လူသိအများဆုံး အသံလွှင့်အသိုင်းအဝိုင်းတစ်ခုဖြစ်လာအောင် အတူတကွလုပ်ဆောင်ကြရန် သဘောတူခဲ့ကြသည်။ သို့သော် ကံမကောင်းစွာပင် ရည်မှန်းချက်အောင်မြင်သွားပြီးနောက် သားခုနစ်ယောက်မှာ ကွဲထွက်သွားကြပြီး နောက်ဆုံးတော့ ဒုတိယမြောက်သားကသာ အကြီးအကဲအဖြစ် တာဝန်ယူခဲ့ရသည်။
YOU ARE READING
Cāi Cāi || ချိုက်ချိုက် || [ မြန်မာဘာသာပြန်] (Completed)
RomanceCāi Cāi Author- MòLǐ 莫里 English Translators - Closed Window Translation Burmese Translator - littlewillow01 Start Date - 11 September 2021 End Date - 12 November 2022 This is Myanmar Translation of Chinese Novel " Cāi Cāi ". This is just fan trans...