Tales Of YG

Bb. Misteryosa

BINIBINING MISTERYOSA

MAGANDANG UMAGA, INGKONG. ITAGO NYO NA LANG PO AKO SA PANGALANG JUN.

 ISA  RIN PO AKO SA MGA MASUGID NYONG TAGAPAKINIG , NA NAG-AASAM NA MAISABOSES NYO ANG KWENTONG IBABAHAGI  KO.

TAONG 2003 

SAMAR

  NASA EDAD BENTE TRES PA LAMANG AKO NOON AT WALA PANG  ASAWA. PALAGI AKONG KASABAY SA GALA NG AKING MGA KAIBIGAN. HALOS MALIBOT NA NAMIN ANG BUONG LUGAR DITO SA SAMAR DAHIL SA ARAW-ARAW KAMING BUMABYAHE MARATING LAMANG ANG IBAT-IBANG PASYALAN DITO SA AMIN.

ISANG ARAW , INGKONG, NAGKAKAYAAN ANG BARKADA NAMIN NA TUMUNGO SA ISANG BARYONG HINDI PAPANGALANAN. SABI-SABI NOON SA AMIN , INGKONG , NA MARAMING MANGKUKULAM ANG NANINIRAHAN SA LUGAR NA YUN. DI NAMAN NAMIN ITO GAANONG PINAGBIGAYANG PANSIN GAWA NG HINDI KAMI NAGPAPANIWALA SA MGA PINAGSASABI NG MATATANDA.IKA NGA NG BARKADA KO,

RENAN:   DI NA TOTOO ANG MGA 'YAN DAHIL SA PAGUNLAD NG TEKNOLOHIYA NG MUNDO. MASYADO LANG TALAGA MAPAMAHIIN ANG MGA MATATANDA AT KONSERBATIBO. (natatawa)

 HABANG KAMI AY NASA BYAHE PATUNGO SA LUGAR NA YUN AY PANAY PA ANG ASARAN NAMIN SA SASAKYAN. ILANG ORAS DIN KASI ANG KASI , INGKONG, BAGO NAMIN MARATING ANG LUGAR NA AMING NAIS PUNTAHAN.

ANG  PINAKAPAKAY NAMIN  DOON AY ANG DINARAYONG TALON . SIGURO NGAYON  AY WALA NA ANG TALONG IYON DAHIL SA MARAMI NG TAON ANG LUMIPAS. ISA IYON SA MGA PABORITO KO SA LAHAT NG AMING PUNTAHAN PERO HINDI NA AKO NAGTANGKA PANG BUMALIK SA LUGAR.

LUMIPAS ANG ILANG ORAS AT TULUYAN NA NGA NAMING NARATING ANG AMING DESTINASTYON. PARA KAMING MGA TURISTANG BUMABA SA SASAKYAN DAHIL SA DAMI NG MGA TAONG TUMITINGIN SA AMIN.

HABANG KAMI AY NAGLALAKAD SA DAAN AY MERON NA AKONG NAPANSING KAKAIBA. MERON AKONG NASIPAT NA ISANG DALAGANG NAKASUOT NG ITIM NA KASUOTAN NA ABOT  HANGGANG PAA. 

MERON DIN SIYANG  DALA-DALANG  MANIKA AT PATULOY LANG ANG PAGTITIG  SA AMIN. NANG MAKARATING KAMI SA ISANG MALAKING TINDAHAN AY AGAD NAMAN KAMING PUMASOK DOON UPANG BUMILI NG AMING KAKAILANGANING GAMIT PARA SA AMING PUPUNTAHAN.

HABANG PAPASOK KAMI SA TINDAHAN, INGKONG , AY PANSIN KONG SUMUNOD DIN IYONG MISTERYOSANG BABAE. MEDYO TINITIGAN KO PA SIYA  UPANG MASIPAT NANG MAAYOS ANG KANYANG  HITSURA. HALOS MATULALA AKO DAHIL NAPAKAGANDA NIYA PALA! KAYUMANGGI ANG BALAT PERO MAKINIS ANG KUTIS!

 MARIA CLARA NA MARIA CLARA TALAGA ANG DATINGAN. NANG AKMANG LALAPITAN KO SIYA  UPANG TANUNGIN ANG KANYANG PANGALAN  AY  NAGULAT AKO  DAHIL BIGLA AKONG HINARANG NA RENAN.

RENAN: PRE, IKAW TALAGA.. BASTA MAGANDA, NAUUNA KA. AKO NAMAN...IBALATO MO NA SA AKIN ANG MAGANDANG BINIBINING 'YAN...

PABULONG NA WIKA NIYA SABAY SIKO SA AKIN. WALA NA AKONG NAGAWA NOON KUNDI PAGBIGYAN SI RENAN SA KABILA NG LABIS NA PANGHIHINAYANG. TINAMAAN DIN KASI TALAGA AKO SA MAGANDANG DILAG NA IYON SA KABILA NG PAGIGING MISTERYOSA NIYA.

 PAGLAPIT NI RENAN  SA BABAE AY  AGAD NYA IYONG KINAUSAP NA PARA BANG MAYABANG ANG DATINGAN. HABANG ANG MGA KASAMA NAMIN AY ABALA SA KANILANG GINAGAWA AY PANAY NAMAN ANG DISKARTE NI RENAN SA BABAENG PAREHAS NAMING NATIPUHAN.

 TINITINGNAN KO SILANG DALAWA  HANGGANG SA MAPASIN KONG NAGNANAKAW NG TINGIN IYONG BABAE SA AKIN. NAGKATITIGAN KAMI NG ILANG MINUTO HANGGANG SA BIGLA SIYANG  NGUMITI .MANIWALA KAYO O HINDI, PERO PAGNGITI NIYA SA AKIN AY HALOS MAHULOG ANG  PUSO DAHIL SA   PAGKABIGHANI  SA KANYANG KAGANDAHAN !

NANG MAKITA AKO NI RENAN IYON AY UMASIM BIGLA ANG MUKHA NIYA  AT  MAS LALO PA AKONG HINARANGAN. ILANG MINUTO PA ANG LUMIPAS AY NAPANSIN KO  ANG PAGKAIRITA NG BABAE SA AKING BARKADA.

HANGGANG SA UMABOT NA SA PUNTONG SINABUNUTAN NA NG BABAE SI RENAN. PAGKATAPOS NUN AY BIGLA DIN NAMAN TUMALIKOD ANG  MISTERYOSANG DALAGA   AT TUMAKBO NA PAPALAYO. NAIWAN AKONG PUNO PA RIN NG PANGHIHINAYANG DAHIl HINDI KO MAN LANG NALAMAN ANG KANYANG PANGALAN.

SAKA LAMANG AKO TILA NAHIMASMASAN NANG MARINIG KO SI RENAN NA HUMIHIYAW SA SAKIT.

RENAN: PRE, ASWANG YATA ANG BABAENG IYON!  HALOS MATUKLAP NA ANG  ANIT KO SA ULO DAHIL SA MAHAHABA NIYANG KUKO!!

HINDI KO ALAM NOON KUNG MATATAWA AKO O MAAAWA SA HITSURA NI RENAN.

MATAPOS NG MGA PANGYAYARING IYON, INGKONG, AY AGAD DIN NAMAN KAMING TUMUNGO SA AMING PUPUNTAHAN. NAGING MASAYA KAMI SA LUGAR NA YUN DAHIL SA NAPAKAGANDANG TANAWIN AT NAPAKALAMIG NA TUBIG.HALOS AYAW NA NGA NAMING UMAHON DAHIL SA NAPAKAGANDANG PAKIRAMDAM ANG NAIBIBIGAY SA AMIN NG TALON.

PAGSAPIT NG HAPON  AY AGAD DIN NAMAN KAMING NAGSIUWIAN. HABANG NASA BYAHE AY NAPANSIN KONG PARANG HINDI MAPAKALI  SI RENAN SA KANYANG KINAROROONAN.. PANAY ANG KAMOT  SA KANYANG ULO  HANGGANG SA MAGKASUGAT SUGAT NA IYON.

JUN: AYOS KA LANG BA, PRE?

RENAN: OO AYOS LANG.. MAKATI LANG 'TONG ANIT KO SA ULO...PATI  LEEG KO..

 NAISIP KONG BAKA NAPAGOD LAMANG SIYA O NABAGHAN SA LUGAR KAYA HINAYAAN KO NA LAMANG SIYA.

PAGDATING NAMIN SA AMING BARYO  AY AGAD DIN NAMAN KAMING NAGPAALAM SA BAWAT ISA. 

JUN: SALAMAT, MGA PRE. SA SUSUNOD ULIT! INGAT KAYO PAG-UWI!

PAGKAALIS NG MGA BARKADA KO, PANAY KWENTO NAMAN AKO SA AKING MGA MAGULANG TUNGKOL SA KAGANDAHANG  NASILAYAN KO SA  LUGAR NA AMING PINANGGALINGAN.

PAGSAPIT NG GABI  AY  NAGULAT NANG MAGING BISITA NAMIN ANG BABAENG KAPATID NI RENAN NA SI ARNI.. ANIMOY NAGMAMADALI SIYA  DAHIL SA MABIBILIS  NITONG PAGHINGA HABANG NAGSASALITA.

ARNI:  M-MAY NANGYARING KAKAIBA KAY KUYA PAGDATING SA BAHAY.  HALOS KAPAPASOK NIYA LANG SA SILID NIYA  NANG BIGLA NA LANG SIYANG  NAGSISISIGAW NA PARA BANG MERONG KUNG ANONG BAGAY ANG TUMUTUSOK SA KANYANG KATAWAN! (naiiyak habang nagkukuwento, kasabay sa BG music ang nasasaktang sigaw ni Renan)

 DALI-DALI NAMAN AKONG NAGPAALAM SA AKING MGA MAGULANG  UPANG PUNTAHAN ANG AKING KAIBIGAN.  PAGDATING NAMIN NI ARNI SA KANILANG TAHANAN  AY LAKING GULAT KO NA LAMANG NANG MAKITA KONG NAMUMUTLA NA SI RENAN! TIRIK NA TIRIK NA RIN ANG MGA MATA NIYA.

 WALA NA KAMING NAGAWA NOONG MGA ORAS NA YUN KUNG HINDI ANG ISUGOD SIYA  SA OSPITAL NAGING MAAYOS NAMAN ANG KALAGAYAN NIYA . KUMALMA NA AT NAKATULOG NANG PAYAPA. KAYA NAMAN NAKAHINGA KAMING LAHAT NG MALUWAG.

NGUNIT PAGSAPIT NG UMAGA AY LAKING GULAT NA LAMANG NAMIN NANG MAKITA NAMING WALA NG BUHAY SI RENAN. DILAT ANG MGA MATA NIYA AT NAKANGANGA! NAKAHAWAK DIN SA KUMOT ANG MGA KAMAY NIYA  AT UNAT NA ANG MGA PAA! PANTAY NA RIN ANG MGA IYON, INGKONG , INDIKASYON NA WALA NG BUHAY ANG AKING KAIBIGAN.

HINDI NAPIGILAN NG PAMILYA NI RENAN ANG MAPABULALAS NG IYAK DAHIL SA BILIS NG MGA PANGYAYARI. MAGING AKO AY NASUNTOK NG KAMAY ANG PADER DAHIL SA LABIS NA PANLULUMO. SOBRANG NAKAKABIGLA ANG  SINAPIT NG AKING KAIBIGAN.

 PAGBALIK KO SA AMING BAHAY AY DOON KO NAPAGTANTO NA MAAARING KAGAGAWAN IYON  NG MISTERYOSANG DALAGANG SUMABUNOT KAY RENAN. PINALAKAS DIN ANG HAKA-HAKA KONG IYON NG AKING AMA.

AMA:   MAAARING ISANG DALUBHASANG MANGKUKULAM ANG NAKAALITAN NI RENAN DAHIL BUHOK ANG GINAMIT  SA PAGKUKULAM..KAPAG GANOON KASI  AY MADALI LANG  MAPAPATAY ANG BIKTIMA. SAGRADO SA KULAM ANG PAGGAMIT NG BUHOK NA GALING MISMO SA ISANG TAONG PERSONAL NA KINAGAGALITAN NG MAY ALAM SA LIHIM NA ARAL.. MAS MALAKAS AT MAPANGANIB ANG PERSONAL NA GALIT NG MANGKUKULAM, ANAK....

HANGGANG  SA MAILIBING SI RENAN,  INGKONG, AY HINDI NA MULI KAMING NAGSAMA-SAMA NG AKING MGA BARKADA.

AT  HANGGANG NGAYON , KAHIT NA NASA IBANG LUGAR NA AKO AY DALA-DALA KO PA RIN ANG KARANASAN KONG IYON TUNGKOL KAY RENAN AT SA BABAENG TINAWAG KONG  'BINIBINING MISTERYOSA'.

SO:

Rowena Deligero

ALvin Manaig

eemmgee

Boyo Alvarez

Ericka Alpon Vlogs

Jay Palo

Wowie Tizon

Aidan

Roselle Doria

Ricardo Jr. Borre

Buenafe Ordinando