NotWithStanding...(မည်သို့ပင်ဖြစ်စေ... ) (Completed)

Episode - 12

အရက်ပြန်နံ့သင်းနေသော ဆေးရုံ၏ သီးသန့် လူနာအခန်းတစ်ခန်းထဲတွင်

📲 My heart is stereo It's beat for you so listen close .Here my though and every.

'' ပြော ''

'' ဘာစားဦးမှာလဲ ဘာဝယ်လာခဲ့ရဦးမလဲ ''

'' ကော်ဖီ ''

'' လိ့ကို ကော်ဖီ ''

'' မဟုတ်ဘူး Mocha ပဲဝယ်လာ လိ့ကော်ဖီ ငါမကြိုက်ဘူး ''

'' ဒီဖေ.... ''

ဘယ်နှယ့် နှလုံးရောဂါ ကြောင့်ဆေးရုံတက်နေရပါတယ်ဆိုမှ ကော်ဖီတဲ့။ ပထမတစ်ခေါက် နှလုံးဖောက်တည်းက အသက်ပါ ပါသွားရမှာ။

နောက်ဆုံးတစ်ခေါက် ခွန်းနဲ့ တွေ့ပြီးကတည်းက အဆက်အသွယ်မရတော့သည်မှာ ယခုထိဖြစ်သည်။ ဖုန်းလည်း ဆက်မလာတော့။ ဖုန်းခေါ်ကြည့်တော့လည်း
စက်က ပိတ်ထားသည်။ညနေတိုင်းလည်း ကားဂိတ်တွင် စောင့်နေသေးသည်။ သို့သော် နေဝင်သည့်အချိန်ထိ ခွန်းရောက်မလာ။ Facebook. အကောင့်ကိုလည်း deactivate
လုပ်ထားသဖြင့် လိုင်းပေါ်တွင်လည်း ဆက်သွယ်၍ မရ။

ကော်ဖီဆိုင်သွားမေးတော့လည်း ရောက်မလာတာ ကြာပြီဟုပြောသည်။
ခွန်းနဲ့ အဆက်အသွယ် လုံးဝကိုပြတ်သွားသည်။ ခွန်းတို့ စာမေးပွဲဖြေနေတုန်း တစ်ရက် အဒွေးနဲ့တွေ့သည်။ ခွန်းအကြောင်းမေးတော့ စာမေးပွဲတော့လာဖြေသည်ဟုသိရသည်။ အရင်ရက်တွေက ကျောင်းမတက်ပဲ အဆောင်တွင်သာ စာကျက်နေသည်ဟုလည်း ပြောသည်။

ရှန်မင်းကိုတော့ သွားမေးလို့မဖြစ်။ အဲ့သည့်နေ့က အိမ်ပြန်ရောက်တော့ ရှန်မင်း အကြီးအကျယ်သောင်းကျန်းကာ မေမေ နဲ့ပါ တိုင်ပြောသေးသည်။ ကော်ဖီတွေသောက်သည့်ကိစ္စနှင့် နေပူထဲလျှောက်သွားသည့် ကိစ္စကို သာပြောသည်။ ခွန်းအကြောင်းတော့မပါ။

သို့သော် ဒေါ်ယုယမြိုင် မှာ စိတ်ချလက်ချ အပ်ထားသော ရှန်မင်းဆီမှ တိုင်စာရောက်လာသဖြင့် တိမ်တိုက် အဖို့ မသက်သာခဲ့ပေ။

ရှန်မင်းဆိုတာလည်း ၂ပတ် ၃ပတ်လောက် စကားကောင်းကောင်းမပြောချေ။
သင်္ကြန် တောင် အဇူးတို့နဲ့ဆော့ရသည်။ ရှန်မင်းကတော့ တစ်ချက်လေးတောင် လာမခေါ် သူ့ဘာသာ လျှောက်လည်သည်။ ရှန်မင်းနဲ့မှ လွှတ်ချင်သော ဒေါ်ယုယမြိုင် ကြောင့် ဘယ်မှလည်း မသွားရ။ အိမ်တွင်သာအောင်းနေရပြီး အတက်နေ့ကျမှသာ အဇူးတို့လာခေါ်၍ ထွက်ရသည်။