အဝါရောင်ခြယ်သော ရွက်ဟောင်းတွေဟာ ပင်မြင့်ထက်မှ အလှည့်ကျ ကြွေဆင်းလာကြလေပြီ။ နွေဦး....နွေရဲ့ စတင်ခြင်းဟာ နွေဦးဆိုရင် ကျွန်တော့်ရဲ့စတင်ခြင်းက..မောင်ပေါ့....။ အဓိပ္ပါယ် မရှိလောက်ဘူးမလား...အင်း အဲ့လိုပဲ အဓိပ္ပါယ် တွေမသိတော့လောက်အောင် မောင့်ကို ကျွန်တော်ချစ်ပါတယ်။
မောင်နဲ့ စတွေ့ခဲ့တဲ့ နွေဦးကိုလည်းချစ်တယ်။ မောင့်ကြောင့် ငိုခဲ့ရတဲ့ မိုးရာသီကိုလည်း မမေ့ဘူး။ မောင်နဲ့အတူ လွမ်းခြင်း တေးတွေ အတူသီရခဲ့တဲ့ ဆောင်းရာသီကိုလည်း အမြဲအမှတ်ရနေမှာ။
ပျော်ရွှင်မှုလား..ဝမ်းနည်းမှုလား...ဥပေက္ခာ တွေလား...မောင်ပေးတာတွေဆို... အဲ့တာ ကျွန်တော်အတွက် အချစ်တွေပေါ့။
မောင်က မသွားနဲ့ဆိုတုန်းကလည်း မောင့်အနားမှာပဲနေပေးခဲ့သည်။
နာကျင်စရာတွေများခဲ့တာတောင် လက်မလွှတ်ချင်ခဲ့ဘူး။
နောက်တော့ မောင်က သွား ဆိုပြီး နှင်ထုတ်ပြန်တော့..မောင်ရှိတဲ့ရပ်ဝန်းကနေ ထွက်ပြေးပေးခဲ့ရပြန်သည်။
အခုလည်း မောင်က ရောက်အောင်ပြန်လာလို့ အမိန့်ပေးပြန်လေ တော့
လွန်ဆန်လေ့မရှိသည့် ဒီလူသားက မောင့်ဆီ မရောက်ရောက်အောင် ပြန်လာပေးခဲ့သည်။
မည်သို့ပင်ဖြစ်စေ.... မောင့်အား ကျွန်တော် ချစ်သည် ။
မည်သို့ပင်ဖြစ်စေ..... မောင့်အား ကျွန်တော် ချစ်ခဲ့သည် ။
မည်သို့ပင်ဖြစ်စေ..... မောင့်အား ကျွန်တော် ဆက်၍ ချစ်သွားမည်။
ဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့်ခစား ၍သာ အဆုံးသတ်ပေလိမ့်မည်။
.............
တိမ်ဖြူတွေပေါ် ကျရောက်နေသည့် အနောက်အရပ်ဆီမှ နေဝန်းကြီး၏အလင်းရောင်ကြောင့်..အဖြူရောင်တိမ်တွေဟာ အဝါရောင်သန်းနေသည်။ ကြည်လင်နေသော ညနေခင်း ကောင်းကင်မှာ အဝါရောင်တိမ်တိုက်တို့ဟာ အနှောင်အဖွဲ့ကင်းစွာ ပျံသန်းနေကြ သည်။
တိမ်တွေကို မော့ကြည့်ရတာကြိုက်သည်။ အထူးသဖြင့် ချစ်သူ၏ လက်မောင်းရင်းကို ဆုပ်ကိုင်ပြီး မော့ကြည့်ရသည့်အခါ မြင်ရသည့် တိမ်တွေကိုပိုသဘောကျသည်။
YOU ARE READING
NotWithStanding...(မည်သို့ပင်ဖြစ်စေ... ) (Completed)
Randomဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့် ခစား၍သာ အဆုံးသတ်ပေလိမ့်မည်။ ............. Start - 19.2.2022 End - 25.8.2022
