တိမ်တိုက်တစ်ယောက် သတိရလာပြီး ဆေးရုံမှာ ရှိနေတာ တစ်လပင်ပြည့်တော့မည်ဖြစ်သည်။သို့သော် အခုထိ လမ်းကောင်းကောင်း ပြန်မလျှောက်နိုင်သေး။
ခွန်းမှာလည်း အားသည့်အချိန်တိုင်း တိမ်တိုက်ကိုသွားသွား
ကြည့်ပေးနေသော်လည်း တက္ကသိုလ်ဝင်တန်း စာမေးပွဲကာလဖြစ်နေသည့်အတွက် အချိန်အလုံးစုံကိုတိမ်တိုက်အား မပေးနိုင်။
ဒေါ်ယုယမြိုင်ကလွဲလျှင် ကျန်လူများက သိပ်မအားလပ်ကြတော့ပေ။ K'Cloudy အတွက် အောင်ချက်ရာခိုင်နှုန်းက အရေးကြီးနေသည်မို့ ကြိုးစားကြရတာဖြစ်သည်။ သူနာပြုဆရာမများနှင့်လေကျင့်ခန်းများပြုလုပ်ပြီးသည့်နောက် တိမ်တိုက်၏ Male nurse နှင့်သာ နေ့စဥ်လမ်းလျှောက်ရသည်။ ခွန်းအားသောရက်များတွင်တော့ သူနဲ့အတူ လမ်းလျှောက်ပေးသည်။
ညဘက်တွေဆိုလျှင်လည်း Male nurse ကသာစောင့်အိပ်ပေးလေ့ရှိသည်။ စာမေးပွဲကြီးပြီးသွားမှ အားလပ်ကြမည့်ပုံပင်။ ယခုဆိုလျှင် Male nurse လေးနှင့်တိမ်တိုက်တောင် အတော်လေးရင်းနှီးနေပြီဖြစ်သည်။
'' အကိုရှန်မင်းခက်ဆို ဒီလာတိုင်း အကိုနဲ့ဓာတ်ပုံရိုက်တာ အကိုနိုးလာရင် စမလို့ဆိုလားပဲ ''
'' ဟေ ဟုတ်လား အဲ့ကောင်ကလေ ''
'' အင်း ''
အိပ်မပျော်ကြသဖြင့် နှစ်ယောက်သား မုန့်စားကာ စကားထိုင်ပြောနေကြခြင်းဖြစ်သည်။ Male nurse လေးက တိမ်တိုက်မေ့မြောနေစဥ်က အကြောင်းများကို စီကာပတ်ကုံးပြောပြသည်။
'' ဒါနဲ့မင်းနာမည်က သုတပဲလား အပြည့်အစုံကရော ''
'' မင်းသုတဦး ပါ အကို။ အကုန်လုံးကတော့ သုတပဲခေါ်ကြတာ ''
'' ဪ အင်း....ငါခွဲစိတ်ပြီးကတည်းက မင်းရှိနေတာဆိုရင် ၂နှစ်ကျော် ၃နှစ်နီးပါးတောင်ရှိနေပြီပဲ ။မင်းအသက်လည်း ၂ဝ ကျော်နေပြီမလား ဘာလို့အလုပ်မပြောင်းတာလဲ ။မင်းကတော်တာပဲကို ''
'' အကိုဆေးရုံဆင်းမှ ကျွန်တော်ထွက်လို့ရမှာ ''
'' ဟင်ဘာလို့တုန်း ''
'' အမှန်တိုင်းပြောရရင် ကျွန်တော့်ကို ဦးမာန်ခွန်းစစ် ငှားထားတာ စာချူပ်နဲ့ ပေါ့။ လူခနခနပြောင်းတာမကြိုက်လို့တဲ့။ လစာလည်းကောင်းကောင်းပေးတယ် ''
YOU ARE READING
NotWithStanding...(မည်သို့ပင်ဖြစ်စေ... ) (Completed)
Randomဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့် ခစား၍သာ အဆုံးသတ်ပေလိမ့်မည်။ ............. Start - 19.2.2022 End - 25.8.2022
