သင်္ကြန်အကျနေ့.......
'' မောင် ကော်ဖီ သောက်ဦးမလား ကျွန်တော်သွားဖျော်လိုက်မယ် ''
အိမ်ထဲဝင်သွားပြီး ဆယ်မိနစ်လောက်အကြာမှ ကော်ဖီတစ်ခွက်ကိုင်ကာ ခြံထဲ ပြန်ထွက်လာသောတိမ်တိုက်။ ခွန်း ရှေ့က လုံးပြီးသား မုန့်လုံးရေပေါ်တွေ တင်ထားသော ဗန်းဘေးတွင် ချပေးလိုက်သည်။
'' ကိုကို မင်းရော သောက်ဦးမလား ငါသွားဖျော်လိုက်မယ် ''
ခွန်းဘေးက မုန့်လုံးရေပေါ်လုံးနေသော ကိုကို့ ကိုလည်း လှမ်းမေးရသေးသည်။
'' တော်တော့ တိမ်တိုက်... ။ မလုံးချင်ဘူးဆိုလည်း ငြိမ်ငြိမ်လေးထိုင်နေပါတော့ကွာ မျက်စိတွေနောက်လို့ပါ ''
တစ်ကလေးမှ အငြိမ်မနေသော တိမ်တိုက်အား ရှန်မင်း အုန်းသီးခြစ်နေရင်း လှမ်းဟောက်တော့သည်။
မနက်အစောကတည်း မုန့်လုံးရေပေါ်လုံးရန် တိမ်တိုက်တစ်ယောက် ရှန်မင်းတို့အုပ်စုအား ပတ်ခေါ် ထားတာဖြစ်သည်။ ခွန်း..တိမ်တိုက်...ကိုကို....နှင့် အဇူးတို့က မုန့်လုံးရေပေါ်လုံးနေကြပြီး ရှန်မင်းက အုန်းသီးခြစ်နေကာ...ဒေါ်ယုယမြိုင်နှင့်ဒေါ်ခိုင်ခက်ဦးတို့ကတော့ မီးဖိုနားတွင် တာဝန်ယူ ကာ...
မုန့်လုံးရေပေါ်တို့အား ဘူးအသီးသီးထဲသို့ဆယ်ထည့်ကာ အိမ်နီးနားချင်း တွေအားဝေရန် ပြင်ဆင်နေသည်။
တိမ်တိုက်တစ်ယောက်ကတော့ ထုံးစံအတိုင်းပင် ဆယ်လုံးလောက် လုံးပြီးချိန်တွင် ဖင်မငြိမ်တော့...ဟိုဟာထယူလိုက် သည်ဟာထယူလိုက်နှင့် တစ်ဝိုင်းလုံး သူတစ်ယောက်သာ ယောက်ယက်ခတ်နေသည်။ ယခုလည်း ကော်ဖီလေးတစ်ခွက်ဖျော်သည်ကို တော်တော်နှင့်ပြန်ပေါ်မလာတော့။
'' ဒီမှာ ငါ့အစား မောင် ပိုလုံးပေးနေတယ်လေ မတွေ့ဘူးလား ...နော်....မောင် ''
ခွန်းဘေးနားဝင်ထိုင်ကာ ခွန်း မျက်နှာရှေ့တည့်တည့်သွားကာ ပြောလေသည်။ ခွန်းကတော့ ဘာမှ ပြန်မပြောပဲ ပြုံးလျက်လေးသာ ခေါင်းငြိမ့်ပြသည်။ တိမ်တိုက်အပျင်းဘယ်လောက်ကြီးလဲ သူ့လောက် ဘယ်သူက သိဦးမှာလဲ။
'' ရှန်ခက်... ခနလောက် ''
ကိုကို အနောက်လှည့်ကာ ရှန်မင်းကို ခေါ်လိုက်ပြီး တိုးတိုးလေး ဘာကပ်ပြောလိုက်သည်မသိ...ရှန်မင်း ကိုကို့ ပုခုံးကို အသာနှိပ်ပေးနေသည်။
YOU ARE READING
NotWithStanding...(မည်သို့ပင်ဖြစ်စေ... ) (Completed)
Randomဤဘဝအတွက် တာဝန်ဟာ မောင့်ထံပါး ချစ်ခြင်းတို့နှင့် ခစား၍သာ အဆုံးသတ်ပေလိမ့်မည်။ ............. Start - 19.2.2022 End - 25.8.2022
