Unicode
Ch-19
အားလပ်ရက်ငါးရက်ကုန်ဆုံးသွားပြီးတဲ့နောက် လူတိုင်း ဘတ်စ်ကားနှင့်အတူ ပြိုင်ပွဲ၏ ဒုတိယအဆင့်ကျင်းပမည့်နေရာသို့ ရောက်ရှိလာကြသည်။
ထိုနေရာသို့ အရင်တစ်ခေါက်ကလိုပဲ နေ့လည်ခင်းတွင် ရောက်ရှိသည်။ သူတို့ရောက်ရှိလာသည့်နေရာကတော့ 'ချန်ချင်းအထက်တန်းကျောင်း' အမည်ဖြင့် ဘော်ဒါကျောင်းဖြစ်ပြီး ကျန်းလော့တို့ ရွေးချယ်ထားတဲ့ကျောင်းဆယ်ခုထဲတွင် ပါဝင်သည်။
ကျောင်းကိုမြင်လိုက်တာနဲ့ ကျန်းလော့ အရင်ကအလွတ်ကျက်ထားတဲ့ အချက်အလက်တွေကို သတိရလိုက်သည်။
ချန်ချင်းအထက်တန်းကျောင်းက နဂိုကတည်းက မြို့ထဲရှိ နာမည်ကြီးအထက်တန်းကျောင်းတစ်ကျောင်းဖြစ်ပြီး ချောင်ကျသောနေရာတွင် တည်ရှိပြီး အဆောက်အဦးတွေကလည်း အိုဟောင်းပျက်စီးနေပြီ... သို့သော်ငြား ကျောင်းဝင်ခွင့်နှုန်းကတော့ အတော်လေးအထင်ကြီးစရာကောင်းလှသည်။ ၂၀၁၂ခုနှစ်တွင် ပညာရေးဌာနကနေ ကျောင်းတိုးချဲ့ရေးအတွက် ရန်ပုံငွေချပေးခဲ့တာကြောင့် ချန်ချင်းအထက်တန်းကျောင်းလည်း ကျောင်းဝန်းအသစ်နဲ့အဟောင်းဆိုပြီး နှစ်ပိုင်းကွဲသွားသည်။ ကျောင်းဝန်းအသစ်မှာ အထက်တန်းပထမနှစ်နဲ့ဒုတိယနှစ်ကျောင်းသားတွေအတွက် ဖြစ်ပြီး ကျောင်းဝန်းအဟောင်းကိုတော့ အထက်တန်းတတိယနှစ် ကျောင်းသားတွေကို ပေးထားသည်.... အကြောင်းကတော့ ကျောင်းဝန်းအဟောင်းက ပိုပြီးချောင်ကျပြီး တိတ်ဆိတ်တာကြောင့် တက္ကသိုလ်ဝင်ခွင့်ဖြေဆိုမယ့်ကျောင်းသားတွေအတွက် တိတ်တိတ်ဆိတ်ဆိတ်ဖြင့် စာကိုအာရုံစိုက်နိုင်မယ့် ပတ်ဝန်းကျင်ကို စီစဥ်ပေးထားခြင်းဖြစ်သည်။
ဒါကပုံမှန်ကျောင်းတိုးချဲ့တာလေးပဲ ဆိုပေမယ့် မတော်တဆမှုတစ်ခု ဖြစ်ပွားခဲ့သည်။ တိုးချဲ့နေသည့်အချိန်အတောအတွင်း
အထက်တန်းတတိယနှစ်မှ ကျောင်းသူတစ်ယောက်ပျောက်ဆုံးသွားခဲ့သည်။ချန်ချင်းအထက်တန်းကျောင်းက ဘော်ဒါကျောင်းဖြစ်ပြီး ကျောင်းသားတွေက တစ်လတစ်ခါသာ အိမ်ပြန်ခွင့်ရှိသည်။ ကျောင်းတက်နေစဥ်ကာလမှာ ကျောင်းသားပျောက်ဆုံးသွားခဲ့သည်။ ထိုမတော်တဆမှုက အဲ့အချိန်တုန်းက ပွက်လောရိုက်သွားခဲ့ပြီး နောက်သုံးလအတွင်းမှာလည်း နောက်ထပ်ကျောင်းသူနှစ်ဦးပျောက်ဆုံးသွားပြီး ဆောက်လုပ်ရေးဆိုက်က အလုပ်သမားနှစ်ယောက်ဟာလည်း မတော်တဆဖြစ်ပြီး သေဆုံးသွားခဲ့သည်။ ဒါကြောင့် ချန်ချင်းအထက်တန်းကျောင်းလည်း နာမည်ကြီးအထက်တန်းကျောင်းတွေထဲကနေ လုံးဝကိုပြုတ်သွားတော့သည်။
ESTÁS LEYENDO
This Damned Thirst for Survial[Myanmar Translation]
Misterio / SuspensoOriginal Author - 望三山 Original Publisher - jjwxc Chapter - 224 Chapters and 13 extras Genre - Yaoi Horror Supernatural Romance Drama This story is not my own.This is just for Fan Translation. Not For Commercial. Full credit to Original AUTHOR and E...