This Damned Thirst for Survial[Myanmar Translation]

Chapter 23

Unicode

ကျန်းလော့အိပ်ရာကိုကိုင်ထားပြီး အိပ်ရာအောက်ကို အကြာကြီးငုံ့ကြည့်နေပေမယ့်  ဘာမှမတွေ့ရဘူး။ ညလယ်ခေါင်ကြီး သူနည်းနည်းတောင်စိတ်ပျက်သွားသည်။

မိန်းကလေးသရဲက ဖုန်းချသွားပြီးနောက် ဖုန်းလည်းပိတ်သွားသည်။ ကျန်းလော့သက်ပြင်းချလျက် အိပ်ရာပေါ်ပြန်လှဲချလိုက်ပြီး ဖုန်းrecording ကို 'အမွှေးတိုင်ထွန်းပေးပါ'အဖွဲ့ထဲကို ပို့ပေးလိုက်သည်။

စကားပြောအဖွဲ့တစ်ခုလုံး လှုပ်လှုပ်ရှားရှားဖြစ်သွား၏။

[ကောကျူ : ငါအရင်က ကျောချင်းကပ်နေတယ် ပုံပြင်ကြားဖူးတယ်... သူအိပ်ရာအောက်မှာရှိနေလား]

[ကျန်းလော့ : အိပ်ရာအောက်မှာဘာမှမရှိဘူး]

[ကောကျူ : မျက်လုံးပြူးကာလန့်နေသည့်ပုံ]

[ဝမ်ရန်လန် : ငါနဲ့ကွမ်ကျန်းက အပြင်မှာပဲရှိသေးတယ်... လက်ရှိအခြေအနေက နည်းနည်းလမ်းစပျောက်နေတယ်]

ကျန်းလော့ ရွှီးယန်ရဲ့ကုတင်ဘက်ဆီ
အကြည့်ရောက်သွားသည်။

ကုတင်ခေါင်းရင်းဘက်မှာ ရွှီးယန်ရဲ့ဖိနပ်ထားထားပြီး ရွှံပေနေတာတွေက ပိုပိုများလာသလိုပဲ။ အခုကမေလဖြစ်တာမို့ မနေ့ကရွာခဲ့တဲ့မိုးကြောင့် စိုစွတ်တဲ့နေရာတွေလည်း ခြောက်သွားလောက်ပြီကို... ရေစိုနေတဲ့နေရာကိုမသွားသရွေ့ အဲ့လောက်ရွှံပေစရာအကြောင်းမရှိဘူး။

စိုစွတ်ပြီး ခြောက်သွေ့ဖို့လည်းခက်တယ်...
လျိုဝှက်တဲ့နေရာ...။

[ကျန်းလော့ : ရေမြောင်းပိုက်တွေရော?]

ရေမြောင်းပိုက်တွေလား?

ရေကန်နားမှာသဲလွန်စရှာနေတဲ့ ဝမ်ရန်လန် ခဏလောက် အံ့သြသွားပြီးနောက် စဥ်းစားရင်းပြန်​ပြောသည် '' အဲ့ဒါအဓိပ္ပာယ်ရှိတယ် ''

ရေကန်ပတ်ပတ်လည်တွင် လမ်းလျှောက်ရင်း ဂရုတစိုက်ရှာဖွေနေတဲ့ ကွမ်ကျန်းကိုလှမ်းကြည့်လိုက်ကာ အော်ခေါ်လိုက်သည် '' ကွမ်ကျန်း သွားရအောင် ''

ကွမ်ကျန်းက လက်ထဲကကျောက်တုံးကိုပစ်ချလိုက်ပြီး ဝမ်ရန်လန်ဘာပြောပြောလုပ်မယ်ဆိုတဲ့ပုံစံအတိုင်း မေးတာမြန်းတာမျိုးမရှိဘဲ သူ့ဘေးနားကို မြန်မြန်သွားလိုက်သည်။