Unicode
Ch-48
ကျန်းလော့ဟာခိုးလာခဲ့တဲ့ နတ်ဘုရားရုပ်တုရဲ့နှလုံးသားကိုပါယူပြီး ရှန်တုရွာဆီအမြန်ပြေးသည်။
ရှန်တုရွာရဲ့ပုံစံအနေအထားကပြောင်းလဲသွားပြီ။ ရွာထဲမှာလူတွေနှစ်ယောက် ၊သုံးယောက်စုနေတာကို နေရာတိုင်းမှာမြင်နေရပေမယ့် အဲ့ဒီပုံသဏ္ဍာန်တွေကလူမဟုတ်ဘူး... လူတွေရဲ့အဝတ်အစားတွေကိုယူဝတ်ထားတဲ့စက္ကူလူရုပ်တွေပဲ။
၎င်းစက္ကူလူရုပ်တွေကအသက်ပါလွန်းလို့ တကယ့်လူအစစ်တွေနဲ့တောင်ခွဲလို့မရအောင်ဆင်တူသည်။ ကျန်းလော့လှည့်ပတ်ကြည့်လိုက်တော့ ရှန်တုရွာတစ်ရွာလုံး
ဒီလိုမျိုးစက္ကူလူရုပ်တွေနှင့်ပြည့်နှက်နေကာ တကယ့်လူအစစ်တွေတောင်အများကြီးမရှိတော့ဘူး။ကျန်းလော့စက္ကူလူရုပ်တွေကိုအမြန်ဖြတ်ပြေးပြီး မျက်စိထောင့်ကနေလှမ်းကြည့်လိုက်၏။
သူအရင်နေ့တွေကတွေ့ခဲ့တဲ့ရွာသားတွေအကုန်လုံးလဲ စက္ကူလူရုပ်အဖြစ်ပြောင်းလဲကုန်ပြီ... ရွာသူကြီးအပါအဝင် အနီရောင်ဝတ်စုံနဲ့ကလေးလေးရဲ့မိဘတွေ ၊ပြိုင်ပွဲဝင်နှစ်ယောက်တောင်မှစက္ကူလူရုပ်အဖြစ် အပြောင်းခံလိုက်ရသည်။ တစ်ချက်ကြည့်ကြည့်လိုက်တဲ့အခါ လူနှစ်ရာကျော်လောက်စက္ကူလူရုပ်ဖြစ်သွားကြပြီ။
ကျန်းလော့မြေအောက်ထဲကစက္ကူလူရုပ်တွေကိုမီးရှို့ခဲ့တာကြောင့် မြေပြင်ပေါ်ကစက္ကူလူရုပ်တွေဟာအသက်စွမ်းအင်ကုန်ဆုံးသွားသလိုဖြစ်သွားပြီး သူတို့ရဲ့နဂိုအခြေအနေကိုရုတ်ချည်းပြောင်းလဲသွားကြသည်။ မျက်စိတစ်မှိတ်အတွင်း လူအယောက်သုံးရာကျော်ရှိနေတဲ့ရွာက လူဆယ်ယောက်ကျော်သာကျန်ခဲ့သည်။ ထိုကဲ့သို့လျှပ်တပြက်ဖြစ်ရပ်ကြောင့်
ပြိုင်ပွဲဝင်တွေထိတ်လန့်သွားကြပြီး တာဝန်ရှိသူကိုအမြန်အကြောင်းကြားလိုက်ကြ၏။ကျန်းလော့အနီးအနားကိုတစ်ချက်လှည့်ပတ်ကြည့်ပြီးတဲ့နောက် ဝမ်ရန်လန်နဲ့တခြားသူတွေကိုရှာဖို့ တောင်ပေါ်ပြေးတက်လိုက်သည်။
လုယုံ့ရီကိုကျောပိုးပြီးဆေးရုံကိုသွားတဲ့ကွမ်ကျန်းကလွဲပြီး ကျန်တဲ့လူတွေကမြေတွင်းရဲ့အပေါက်ဝမှာစောင့်နေကြသည်။ တစ်နာရီစောင့်ပြီးတဲ့နောက်မှာ ဝမ်ရန်လန်တို့မြေတွင်းထဲကိုခုန်ချချင်စိတ်တွေတဖွားဖွားပေါ်နေပြီ။
တော်သေးတယ်... ကျန်းလော့ကအချိန်မီရောက်လာလို့... ကျန်းလော့အဲ့ရောက်တော့ဘာမှတောင်ရှင်းပြမနေနိုင်ဘူး။ '' အရင်ဆုံးကျောက်တုံးရှာရအောင်... ဒီမြေတွင်းရဲ့အပေါက်ကိုပိတ်ဖို့! ''
YOU ARE READING
This Damned Thirst for Survial[Myanmar Translation]
Mystery / ThrillerOriginal Author - 望三山 Original Publisher - jjwxc Chapter - 224 Chapters and 13 extras Genre - Yaoi Horror Supernatural Romance Drama This story is not my own.This is just for Fan Translation. Not For Commercial. Full credit to Original AUTHOR and E...