This Damned Thirst for Survial[Myanmar Translation]

Chapter 36

Unicode

Ch-36

တပည့်ဖြစ်သူက စကားအချို့ကိုတီးတိုးပြောကာ ကျန်းလော့ကိုနှစ်သိမ့်ပေးသည်။
ကျန်းလော့သည်သူ့ဝမ်းနည်းနေမှုကိုဖုံးကွယ်လျက် တပည့်အား မနည်းအားတင်းကာပြုံးပြလိုက်ပြီး '' ကျွန်တော်အဆင်ပြေပါတယ် ''

ပူဆွေးမှုကိုတောင့်ခံထားသည့်မျက်နှာအမူအရာသည် သိမ်မွေ့ပြီးလှပသည်။
တပည့်၏မျက်လုံးတွေကျဥ်းမြောင်းသွားပြီး လက်ကိုင်ပဝါတစ်ခုကိုထုတ်ကာ ကျန်းလော့ကိုပေးရင်း ညင်သာစွာပြောသည် '' သေတဲ့သူကပြန်မလာနိုင်တော့ပါဘူး ''

ထိုအချိန်၌ ဖုန်းလီကလှမ်းခေါ်သည်။
'' ကျန်းလော့ ''

ကျန်းလော့ တပည့်ထံမှလက်ကိုင်ပဝါကိုယူလိုက်ပြီး ရှိတောင်ရှိမနေတဲ့မျက်ရည်တွေကို သုတ်လိုက်သည်။ '' ကျေးဇူးပါပဲ... ဒါနဲ့အစ်ကိုက... ''

'' ငါ့ကိုဆရာတူအစ်ကိုချောင်လို့ခေါ်လို့ရတယ် ''

ကျန်းလော့ ဆရာတူအစ်ကိုချောင်အား ကျေးဇူးစကားပြောပြီးတဲ့နောက် ဖုန်းလီဆီသွားလိုက်သည်။

ဖုန်းလီသည် သူ့ကိုအနည်းငယ်ဝမ်းနည်းနေသည့်အမူအရာဖြင့်ကြည့်နေပြီး သူ၏ကြည့်ကောင်းလှသောမျက်ခုံးတို့တွန့်ချိုးသွားလျက် မေးသည်။ '' မင်းငါ့တပည့်အဖြစ်ခံယူဖို့ဆန္ဒရှိလား? ''

ဖုန်းလီကိုဆရာအဖြစ်လား?

ကျန်းလော့ကျိန်းသေပေါက်လိုချင်တာပေါ့!

အကယ်၍မူလဇာတ်လမ်းထဲက ဇာတ်လိုက်gong ကသူ့ဆရာဖြစ်သွားပြီဆိုရင်
အဲ့ဒါကလုံးဝအကောင်းဆုံးအသက်ကယ်ပေးမဲ့ကတ်ပဲလေ။ ချန်ပိဘာလို့သူ့ကိုထျန်းရှီအိမ်တော်ဆီခေါ်လာရသလဲဆိုတာကို ကျန်းလော့သဘောပေါက်သွားပြီ... ဒါမဲ့ သူချက်ချင်းသဘောမတူလိုက်ပေ။ '' ဆရာဖုန်း... ကျွန်တော့်မှာဆရာရှိပြီးသားပါ ''

ချန်ပိကအလျင်အမြန်ဝင်ပြောသည်။ '' ရပါတယ်... ဆရာ့အတွက်စိတ်မပူနဲ့။ မင်းကလူကြီးဖြစ်နေပြီ။ ဆရာမင်းကိုဘာမှမသင်ပေးရသေးဘူး... ဆရာတစ်ယောက်ရဲ့တာဝန်ဝတ္တရားကိုပျက်ကွက်မိတယ်။ ကောင်းကင်အရှင်ကမင်းရဲ့ဆရာဦးလေးပဲ... မင်းကိုသူသင်ပေးမယ်ဆိုမှတော့ ငါစိတ်ချလို့ရပါပြီ။မင်းအတွက်လည်းဆရာဝမ်းသာပါတယ် ''