This Damned Thirst for Survial[Myanmar Translation]

Chapter 29

Unicode

Ch-29

ခဲ့ဝမ်ဝေ့ကချွေးသုတ်လိုက်ကာ '' ဒီပန်းချီကားထဲကလူက ကျွန်တော်နဲ့ကလေးဘဝတည်းက အတူတူကြီးပြင်းလာခဲ့တဲ့ သူငယ်ချင်းကောင်း လီအာပါ။ ''

'' ကျွန်တော်စီးပွားမတက်ခင်အချိန်တုန်းက သူနဲ့အတူအချိန်ဖြုန်းလေ့ရှိပါတယ် '' ခဲ့ဝမ်ဝေ့က ဆက်ပြောသည် '' သူကကျွန်တော့်ညီအစ်ကိုလိုပါပဲ။ တစ်ယောက်နဲ့တစ်ယောက်ခွဲခြားမနေဘဲ ပိုက်ဆံရှိရင်လည်းအတူတူသုံးတယ်... အခက်အခဲရှိရင်လည်း အတူတူရင်ဆိုင်ကြတယ်။ ကျွန်တော်တို့ဆယ့်ခုနှစ် ဆယ့်ရှစ်နှစ်လောက်မှာ ဂူဖောက်တဲ့သူငယ်ချင်းတစ်ယောက်နဲ့စဆုံခဲ့တယ်။ အဲ့နောက် ကျွန်တော်တို့ဒီစီးပွားရေးကို စတင်လုပ်ကိုင်ခဲ့ကြပါတယ် ''

သေသူတွေရဲ့အုတ်ဂူတွေကိုဖောက်ပြီးတော့ ၊
တန်ဖိုးရှိတာတွေကိုရှာဖွေပြီး ရောင်းချပစ်ခြင်း။

'' ဒါပေမယ့် တစ်ခါ ကျွန်တော်တို့သင်္ချိုင်းကိုသွားခဲ့တုန်းက မတော်တဆတစ်ခုဖြစ်ခဲ့ပြီး သူပြန်မလာနိုင်ခဲ့ဘူး '' ခဲ့ဝမ်ဝေ့က မျက်ရည်တွေကိုသုတ်လိုက်၏။ '' ကျွန်တော်တစ်ယောက်တည်းပဲပြန်လာနိုင်ခဲ့တယ်။ အဲ့ဒီကိစ္စနောက်ပိုင်း ကျွန်တော်သင်္ချိုင်းတွေကိုဘယ်တော့မှထပ်မသွားတော့ဘူး။ စုဆောင်းထားတာလေးတွေနဲ့စီးပွားရေးလုပ်ခဲ့တယ်...။ မျက်စိတစ်မှိတ်အတွင်းမှာ အနှစ်နှစ်ဆယ်နီးပါးကုန်သွားခဲ့ပြီ...။ ''

အချိန်တွေကကြာပြီမလို့ အတိတ်မှာဘာဖြစ်ခဲ့လဲကိုသူမေ့သွားခဲ့ပြီဖြစ်ကာ ပန်းချီကားထဲရှိနောက်ကျောကိုလည်း မေ့ပျောက်သွားခဲ့ပြီ။

ဖုန်းလီကမျက်မှောင်ကြုတ်ကာ '' ပြောလို့ပြီးပြီလား? ''

ခဲ့ဝမ်ဝေ့ကခေါင်းညိတ်ပြ၏။

ဖုန်းလီ '' ခင်ဗျား သူ့အပေါ်မှာဘာအမှားတွေလုပ်ခဲ့လဲ? ''

ခဲ့ဝမ်ဝေ့ကတစ်ခဏလောက် တွေဝေနေပြီး
အံကြိတ်ရင်းပြောသည် '' အဲ့အချိန်တုန်းက သင်္ချိုင်းထဲကရခဲ့သမျှပစ္စည်းတွေအားလုံးကို ကျွန်တော်ယူလာခဲ့ပြီး ရောင်းချလို့ရတဲ့ငွေတွေကိုလည်း သူ့မိသားစုအတွက်တစ်ပြားမှမချန်ခဲ့ဘဲ ကျွန်တော့်ဘာသာသုံးပစ်ခဲ့ပါတယ် ''