This Damned Thirst for Survial[Myanmar Translation]

Chapter 44

Unicode

Ch-44

အရူးကောင်တွေလုပ်တဲ့အလုပ်တွေရဲ့ အကြောင်းရင်းကိုသာမန်လူတွေနားမလည်နိုင်ကြဘူးလေ။

ကျန်းလော့တို့သုံးယောက်လှိုဏ်ဂူထဲမှာ
ငါးမိနစ် ၊ခြောက်မိနစ်ခန့်လမ်းလျှောက်ပြီးတော့မှ လေးလမ်းခွဲလမ်းဆုံတစ်ခုဆီရောက်သွားသည်။

လုယုံ့ရီသည်သူ့အရှေ့မှလေးလမ်းခွဲလမ်းဆုံကိုကြည့်ကာ စဥ်းစဥ်းစားစားဖြင့်မေး၏။
'' ငါတို့ဘယ်လမ်းကနေသွားရမလဲ? ''

သူရဲ့စိတ်ထင်အရကျန်းလော့စတုတ္ထမြောက်လမ်းကိုရွေးလိုက်သည်။ '' ဒီလမ်း... အရမ်းအန္တရာယ်မများလောက်ဘူးလို့ငါထင်တယ် ''

လုယုံ့ရီသည်တစ်ခုခုပြောချင်နေသည့်ပုံစံဖြင့်သူ့ကိုကြည့်ကာ မျက်နှာမှာအခက်တွေ့နေဟန်ဖြင့် '' ကျန်းလော့... ငါမင်းကိုမယုံတာတော့မဟုတ်ဘူးနော်... ဒါမဲ့ မင်းရဲ့ကံက... များသောအားဖြင့် တစ်ခုခုမကောင်းတာပြောလိုက်ရင် တကယ်ကြီးမကောင်းတာဖြစ်လာတယ်လေ ''

ကျန်းလော့ '' .... မင်းပြောတာမှန်သားပဲ...
ဒါဆိုနံပါတ်လေးကိုဖယ်လိုက်တော့ ''

စီးကွေးသည်ပထမ​မြောက်လမ်းကိုညွှန်ပြကာ '' ဒီလမ်းအတိုင်းသွားလို့ရမယ်လို့ငါထင်တယ် ''

ကျန်းလော့သည် သူတို့ရဲ့လျှို့ဝှက်နေရာကိုကိုယ်တိုင်တောင်မသိလိုက်ဘဲ ရောင်းထုတ်လိုက်သည့်စီးကွေးအားကြည့်ကာ စိတ်အေးသွားဟန်ဖြင့်နှုတ်ခမ်းထောင့်တွေကွေးညွှတ်သည်။ အဲ့နောက်ရှေ့တိုးကာ စီးကွေးပခုံးကိုအသာပုတ်ကာအားပေးသည်။ '' စီးကွေး... မင်းမှာဒီလိုမျိုးအလိုလိုစိတ်ထင်နေတာတွေရှိရင် ပြောသာပြောလိုက်... ငါတို့မင်းနောက်ကနေလိုက်ခဲ့မယ် ''

ထင်ထားသည့်အတိုင်းစီးကွေးကသူတို့ကိုအန္တရာယ်ကင်းတဲ့လမ်းကြောင်းသို့ ဦးဆောင်ကာခေါ်သွားပေးသည်။ သူတို့တွေလှိုဏ်ဂူကိုအေးအေးဆေးဆေးပင်ကျော်ဖြတ်လာပြီး
ကြိုးတံတားဆီရောက်ရှိသွားသည်။

တံတား၏ဘေးနှစ်ဖက်၌သံကြိုးတွေကိုသွယ်တန်းထားလျက် ပျဥ်ပြားတွေဟာလည်းဖြစ်သလိုရိုက်ထားတာကြောင့် ကြိုးတံခါးကအန္တရာယ်များပုံပေါ်သည်။ ကျန်းလော့အောက်ငုံ့ကြည့်လိုက်တဲ့အခါ ကြိုးတံတားအောက်တွင်ရေသရဲတွေအပြည့်ဖြင့် မြေအောက်မြစ်ကိုမြင်နေရသည်။