This Damned Thirst for Survial[Myanmar Translation]

Chapter 27

Unicode

Ch-27

ဂိုဏ်ကြီးခြောက်ဂိုဏ်းအနက် ဖုန်းမိသားစု၏ ကောင်းကင်အရှင်အဖြစ် အသစ်တင်မြှောက်ခြင်းခံထားရသည့် ဖုန်းလီအနေနဲ့ ချီမိသားစု၏ခေါင်းဆောင် ချီယုံ့မျက်နှာကို သေချာမှတ်မိနေသည်။

ဒီမကောင်းဆိုးဝါးအငွေ့အသက်တွေက ချီယုံ့အဖြစ် အသွင်ပြောင်းသွားတာကိုမြင်လိုက်ရတော့ ဖုန်းလီ အံ့သြသွားရုံတင်မက သူ့စကားလုံးတွေရဲ့အကြောင်းအရာတွေကြောင့်လည်း သူ့မျက်ခုံးတွေတွန့်ချိုးသွား၏။

လူတစ်ယောက်နဲ့သရဲတစ်ကောင်တို့က တူညီတဲ့အရာတစ်ခုကို​ပြောနေကြသည်။ သူတို့ပြောတာတွေက မမှားဘူးဆိုပေမယ့် 'နက်ရှိုင်းလှသည့်အချစ်'ကိုတော့ ဖုန်းလီမခံစားမိပေ။ ဖုန်းလီ၏ညာဘက်လက်က ကြော့ရှင်းလှသည့်လက်ဟန်ဖြင့် ချိပ်တစ်ခုကိုဖန်တီးကာ သူ့ရှေ့တွင် လက်ညိုးနှင့်လက်ခလယ်ကိုပူးကာ ညင်သာစွာပြောသည်
'' ပျောက်ကွယ်စေ ''

သာမန်လူတွေမမြင်နိုင်သည့်မီးတောက်တစ်ခုက လေထုထဲမှပေါ်ထွက်လာကာ ဘေးပတ်ပတ်လည်ကို အနည်းငယ်လောင်ကျွမ်းသွားစေသည်။ လူအုပ်ကြီးကို မီးတောက်တွေကဝိုင်းရံနေပြီး ယန်စွမ်းအားကြောင့်ဖြစ်တည်လာတဲ့မီးလျှံတွေက မကောင်းဆိုးဝါးဝိညာဥ်တွေ ၊ သရဲတစ္ဆေတွေအားလုံးကို လွင့်ပြယ်သွားစေပြီး ပြင်းထန်သည့်အခြေအနေမျိုးတွင် လုံးဝတစစီပျောက်ကွယ်သွားသည့်အထိ လောင်ကျွမ်းသွားစေနိုင်သည်။

ကျန်းလော့ကိုသာစိတ်ဝင်တစားကြည့်နေသည့်ချီယုံ့က နောက်ဆုံးမှာ ခေါင်းလှည့်ကာ
ဖုန်းလီကိုကြည့်လိုက်သည်။

မီးတောက်တွေတဖြည်းဖြည်းနီးကပ်လာတာနဲ့အမျှ ချီယုံ့ဟာ မမြင်ရသည့်မီးတောက်တွေကိုမခုခံနိုင်သည့်အလား မျက်လုံးတွေကိုအနည်းငယ်ကျဥ်းမြောင်းလိုက်၏။ နောက်ဆုံးတွင် ကျန်းလော့ကိုယ်ကနေ ကွာသွားပြီး အစအနမရှိပျောက်ကွယ်သွားတော့သည်။

ဖုန်းလီက သူ့လက်ကိုအသာအယာပြန်ချလိုက်ပြီး ကျန်းလော့ကိုနောက်တစ်ခါထပ်ကြည့်မိတော့ မျက်မှောင်ကြုတ်ရင်း ခပ်ပြတ်ပြတ်ပြောသည် '' လူတွေနဲ့ဝိညာဥ်တွေက လမ်းကြောင်းတွေကွဲပြားကြတယ်။ သူကမကောင်းဆိုးဝါးဝိညာဥ်အဖြစ်ပြောင်းသွားပြီ... မင်းဘာတွေမျှော်လင့်နေသေးတာလဲ? ''