ဒီစေ့‌စပ်ကြောင်းလမ်းမှုကို ဖျက်သိမ်းပေးဖို့တောင်းဆိုတယ် (mm trans)

Chapter - 27 (မျက်နှာနည်းနည်း‌လောက်လိုချင်တယ်/မ်က္ႏွာနည္းနည္း‌ေလာက္လိုခ်င္တယ္)

#unicode

ယွီချင်းတိုင်းပြည်သည် လော့ဖေး၏ lectureများနှင့် ဖတ်စာအုပ်များထဲတွင် တခါမှ မပေါ်လာခဲ့ဖူးပါသော်လည်း တရုတ်ရိုးရာများရှိနေဆဲဖြစ်ပုံပင်။ နဂါးလှေပြိုင်ပွဲအတောအတွင်း မင်း ဖက်ထုပ်၊ ကြက်ဥတို့ကို စားရမည်ဖြစ်ပြီး ရောင်စုံကြိုးများကိုလည်း ချိတ်ဆွဲထားရမည်ဖြစ်သည်။ ထို့အပြင် တံခါးရက်မမှ တရုတ်သစ်နံကိုင်းပင် လက်တစ်ဆုပ်စာကို ချည်ထားရန်လိုအပ်လေသည်။ ဒါပေါ့၊ ဒီနေရာမှာတော့ ခေတ်သစ်ကမ္ဘာမှာလိုမျိုး စက္ကူတွေ၊ ပလတ်စတစ်တွေနဲ့ လုပ်ထားတဲ့ ဘူးသီးလှလှလေးတွေတော့ မရှိဘူးပေါ့။ ဒါပေမယ့် ပိတ်စတွေတော့ရှိသည်! လူတွေက ဘူးသီးယောက်ချိုများနှင့် ပန်းချီကားချပ်များကို ခင်းကျင်းပြသပြီး ကံကြမ္မာကောင်းအတွက် အိမ်ပတ်ပတ်လည်တွင် မချိတ်ဆွဲထားနိုင်ပါသလို ဘူးသီးပုံ ပန်းထိုးထားသည့် အိတ်ငယ်လေးများကို ပြုလုပ်ပြီး သူတို့၏ လည်ပင်းတွင် ချိတ်ဆွဲထားကြလေသည်။

လော့ဖေးက သူအားလပ်ရက်များတွင် သူ့အဖွားနှင့်အတူ ဤအရာကို လုပ်နေကျဖြစ်သည်။ တခါတရံတွင် သူမ၏ ပို့ချချက်များကို နားထောင်ချိန်၌ သူလည်း အများကြီး သင်ယူမိခဲ့လေသည်။ သူ ထိုကျောင်းသားများအား ပစ္စည်းအနည်းအကျဉ်းလောက် လုပ်နည်းကို ပြသပေးနိုင်သည်။ မည်သို့ပင်ဆိုစေကာမူ သူ လုပ်နိုင်သည့် ပစ္စည်းအသေးစားလေးများစွာရှိသည်ပင်။ ဤနဂါးလှေပွဲတော်က အလွန်နီးကပ်နေရုံသာ!

အရမ်းစိတ်လှုပ်ရှားနေပြီ! သူ ပစ္စည်းတွေဝယ်ပြီး ပစ္စည်းတွေပိုလုပ်ဖို့ အချိန်နဲ့အမျှအလုပ်လုပ်ရတော့မယ်!

လော့ဖေးက အိပ်ရာပင်မဝင်ခဲ့ပေ။ သူ ရှီယန့်ချင်း မကောင်းတာတွေလုပ်ထားသည့် စောင်အား လှန်းပြီးနောက် ဟန်ရှုအား သွားရှာတော့၏။ ရှီယန့်ချင်းက စိုးရိမ်နေဆဲဖြစ်တာကြေင့် သူနဲ့အတူ လိုက်သွားလိုက်သည်။ ဟန် အိမ်သို့ ရောက်ပြီးနောက် ရှီယန့်ချင်းသည် နွားအရောင်းအဝယ်မည်ကဲ့သို့ ဖြစ်သွားသည်အား မေးမြန်းဖို့ ဟန်ယန်း၏ နေရာသို့ သွားလိုက်သည်။ ထို့ကြောင့် လော့ဖေးက ဟန်ရှုနှင့် ထိုအကြောင်း အမျှင်မပြတ် ဆူဆူညံညံပြောနေလိုက်တော့၏။