အခန်း ၃ နတ်ဆိုးစစ်ရေးနည်းပြ (အပိုင်း ၅)
"တန်းစီ!"
ထိုအသံကို ကြားလိုက်သူများက ကမန်းကတန်းထလိုက်ကြပြီး မောပန်းနွမ်းနယ်လွန်းနေတဲ့ လူတော်တော်များများက သူမအမိန့်ကို နားမထောင်ဘဲ မြက်ခင်းပြင်မှာ နှစ်နှစ်ခြိုက်ခြိုက် အိပ်မောကျနေကြသည်။ ကုယွင်က ချက်ချင်းပဲ သူမခြေထောက်ကို မြှောက်ကာ ဝမ်းဗိုက်များကို ပြင်းပြင်းထန်ထန် လိုက်ကန်နေတာကြောင့် နေရာတိုင်းတွင် ခဏတာအတွင်း နာကျင်စွာ ညည်းညူသံများ ထွက်လာသည်။
နောက်ဆုံးတွင် ခက်ခက်ခဲခဲ တန်းစီပြီးနောက်၊ ကုယွင်က ဒေါသတကြီးနဲ့ "နောက်ဆိုရင် ဆယ်စက္ကန့်ထက်ပိုပြီး တန်းစီတာ နောက်ကျတဲ့သူတိုင်း သစ်ပင်ပင်စည်ကို အကြိမ်တစ်ရာ ကန်ရလိမ့်မယ်!"
ဆယ်စက္ကန့်က ဘယ်လောက်ကြာတာလဲ?? အားလုံးက တစ်ယောက်ကို တစ်ယောက် ကြည့်နေကြပေမယ့် ဒီကျားမကြီးနဲ့တော့ သွားမရှုပ်ဝံ့ကြပါဘူး။ အတိုချုပ်ပြောရရင် သူမနဲ့ ဝေးဝေးနေတာက ပိုကောင်းတယ်။
ကုယွင်က သူတို့နှင့် သိပ်မဝေးသောနေရာမှ တောင်ထိပ်ကို ညွှန်ပြရင်း "ရှေ့သုံးလီလောက်မှာ ကျောက်နံရံတစ်ခုရှိတယ်။ ကောကျင့်ယွင် မင်းနဲ့အတူ လူငါးဆယ်ကို ခေါ်သွား၊ ကြိုးတွေကို သယ်ခဲ့၊ တခြားသူတွေက ရှေ့ကို ပြေးသွားတော့"
"ဟုတ်ကဲ့" ဒီတစ်ခါတော့ သူမ လုပ်ချင်တာကို ဘယ်သူမှ မတွန့်ဆုတ်ဝံ့ကြပေ။
အဖွဲ့က ဝေးရာကို သွားနေတာကို မြင်တော့ ဟန်ရှုက တခဏမျှ တုံ့ဆိုင်းသွားပြီး နောက်ကနေ လိုက်လာခဲ့သည်။ သူမ အရမ်းလိုချင်တဲ့ကြိုးတွေ အကြောင်းကိုလည်း သူ သိချင်နေသေးတယ်။
မကြာခင်မှာ ကုယွင် ပြောခဲ့တဲ့ ကျောက်နံရံကို သူတို့ ရောက်လာကြသည်။ ဤတောင်ထွတ်က အနောက်ဘက်မှ တောင်နှင့် ဆက်သွယ်ထားသော တောင်ထွတ်တစ်ခုဖြစ်သည်။ တောင်ထွတ်က ပေခြောက်ဆယ်၊ ခုနစ်ဆယ်ခန့်သာမြင့်သော်လည်း ကျောက်သားနံရံက အလွန်မတ်စောက်ပြီး မျက်နှာပြင်က မညီညာပေ၊ ကျောက်နံရံပေါ်မှာ ကျောက်တုံးများ ပြန့်ကျဲနေပြီး သစ်ပင်များပင် မပေါက်ရောက်နိုင်ပေ။
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
