အခန်း ၉ ကောက်ကျစ်သော သူပုန်များ (အပိုင်း ၂)
လို့မူဟိုင်က နားမလည်နိုင်တဲ့ ပုံစံဖြင့် ကုယွင်ကို စိုက်ကြည့်နေချိန်တွင် တဲအပြင်ဘက်တွင် အလျင်အမြန် ပြေးနေသော ခြေသံများ ထွက်ပေါ်လာပြီး အော်သံများ ထွက်ပေါ်လာသည်။
စုရန်က တစ်ခုခု မှားနေပြီဟု ယောင်ဝါးဝါး ခံစားမိကာ မေးရန်ပြင်နေချိန်တွင် တဲအပြင်ဘက်မှ အလျင်အမြန် သတင်းပို့သံတစ်ခု ထွက်ပေါ်လာသည်။ "သတင်းပို့ပါတယ်၊ စစ်တပ်ထဲက ရိက္ခာနဲ့ မြက်ခြောက်တွေ ရုတ်တရက် မီးလောင်သွားပါတယ်"
မြက်ခြောက်တွေ မီးလောင်တာလား?! စစ်တပ်ရိက္ခာတွေ မီးလောင်တာလား???
ယာယီတဲအတွင်းမှ လူလေးယောက်က တညီတညွတ်တည်း မတ်တတ်ထရပ်လိုက်သည်။ တပ်နှစ်တပ် ထိပ်တိုက်တွေ့ဆုံချိန်တွင် ရိက္ခာနှင့် မြင်းများအတွက် အစာရေစာ မရှိသူက ရှေ့ဦးစွာ ရှုံးနိမ့်သွားမည်ဖြစ်သည်။
သူတို့လေးယောက် အပြင်ကို အပြေးထွက်လာကြပြီး စုရန်က စိုးရိမ်တကြီးနဲ့ "စားစရာနဲ့ ကောက်ရိုးတွေ အခြေအနေ ဘယ်လိုလဲ"
"လောလောဆယ်တော့ ထိန်းသိမ်းနိုင်ဖို့ ကြိုးစားနေပါတယ်"
ကုယွင်က မနီးမဝေးနေရာကို အားစိုက်ကြည့်လိုက်ရာ ထိုနေရာတွင် မီးသိပ်မရှိသည်ကို မြင်လိုက်ရသည်။ ရထားလုံးသုံးဆယ်ကျော်က ရိက္ခာနှင့် မြက်ခြောက်များကို တင်ဆောင်ထားကြောင်း သူမ သတိရမိသည်။ ထိုမီးငယ်က မပြင်းထန်သော်လည်း အကြောင်းပြချက်မရှိဘဲ လောင်နိုင်ပါ့မလား??! မီးလောင်မှုဆိုရင် မီးက အဲ့လောက် နည်းနည်းလေး မဖြစ်သင့်ဘူး.. တစ်စုံတစ်ယောက်ကြောင့်လား???
သူမစိတ်ထဲမှ အတွေးတစ်ခု လင်းလက်သွားချိန်တွင် သူမလက်ထဲက ပင်းလျန့်က ပြင်းထန်စွာ တုန်ခါသွားသည်။ ကုယွင်က သတိရှိကြီးစွာဖြင့် ခေါင်းကို မော့လိုက်ချိန်တွင် မှောင်မိုက်သောည၏အရိပ်အောက်တွင် စုရန်၏ ရင်ဘတ်ဆီသို့ တန်းတန်းမတ်မတ် ပစ်ခတ်လိုက်သော ငွေရောင်အလင်းတန်းတစ်ခုကို တွေ့လိုက်ရသည်။ ကုယွင်က "သတိထား!"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
