အခန်း ၆ သွေးပူလေ့ကျင့်ခန်း (အပိုင်း ၂)
သူမနောက်မှာ အရှိန်အဟုန်နဲ့ လှမ်းလာတဲ့ ခြေသံတွေ ထွက်ပေါ်လာပြီး သိပ်မကြာခင်မှာပဲ စစ်သည်ငယ်တစ်ယောက်က ကုယွင်ရဲ့ နောက်ကို ရောက်လာပြီး "သတင်းပို့ပါတယ်။ ကောကျင့်ယွင်က သူ့ရဲ့တပ်တွေကို အုပ်စုသုံးစုခွဲပြီး အရှေ့တောင်၊ အနောက်နဲ့ အနောက်ဘက် လမ်းကြောင်းသုံးခုကနေ လမ်ရှောင်းရဲ့စခန်းဆီကို ထွက်သွားပါတယ်"
ကုယွင်က ပေါ့ပေါ့တန်တန် ခေါင်းညိတ်ပြလိုက်ပြီး ဘာမှ ပြန်မပြောတာကြောင့် စစ်သည်ငယ်လေးက ခဏလောက်တုံ့ဆိုင်းနေပြီးမှ သူမ ဘာညွှန်ကြားချက် မပေးတာကို နားလည်သွားပြီး ဆက်လက်စောင့်ကြည့်ရန် အမြန်ပြန်သွားလေသည်။
တစ်ရှီးချန်၏လေးပုံတစ်ပုံအတွင်းတွင် နောက်ထပ် စစ်သည်တစ်ယောက် ရောက်လာပြီး "အစီရင်ခံပါတယ်၊ လမ်ရှောင်းက ရွှံ့ကျင်းတွေတူးဖို့ တပ်ဖွဲ့လေးဖွဲ့စေလွှတ်ပြီး အရှေ့၊အနောက်၊ တောင်နဲ့နောက် အရပ်လေးမျက်နှာမှာ ရွှံ့ကျင်းတွေ တူးထားပြီး ကုန်းမြင့်တဲ့နေရာကနေ ရန်သူကို စောင့်နေပါတယ်၊ သူအဖွဲ့ဝင်တွေက အမြင့်မှာ ပုန်းအောင်နေပြီး ရန်သူကို ချောင်းမြောင်းတိုက်ခိုက်ဖို့ ပြင်ဆင်နေကြပါတယ်"
ကုယွင်က ရယ်မောနေရင်း ခေါင်းယမ်းလိုက်သည်။ တိုက်ခိုက်ခြင်းက အကောင်းဆုံး ခံစစ်ပါပဲ။ လမ်ရှောင်းက ဒီကိစ္စမှာ ကောင်းကောင်းလုပ်ခဲ့ပြီး ကောကျင့်ယွင်ရဲ့ရိုးသားတဲ့ စရိုက်အရ သူက ဒီလမ်းမှာ သူတို့ ခြုံခိုတိုက်ခိုက်ခံရမယ်လို့ မျှော်လင့်ထားမှာ မဟုတ်ပါဘူး။
အချိန်အရ ကောကျင့်ယွင်၏အဖွဲ့က ယခုအချိန်တွင် လမ်ရှောင်း၏စခန်းအနီးသို့ ရောက်ရှိလာသင့်ပြီ ဖြစ်သော်လည်း အေးစက်သောလရောင်အောက်မှ မီးများ ထွန်းလင်းတောက်ပနေသည့် ကွင်းပြင်ပတ်ပတ်လည်တွင် မည်သည့် လှုပ်ရှားမှုမှ မရှိခဲ့ပေ။ ဖြစ်နိုင်ခြေအားလုံးက ကောကျင့်ယွင်၏အဖွဲ့ ခြုံခိုတိုက်ခိုက်ခံနေရကြောင်း ဖော်ပြနေသည်။
"သတင်းပို့ပါတယ်၊ ကောကျင့်ယွင်ရဲ့အဖွဲ့ထဲက အရှေ့ဘက်အုပ်စုက ရွှံ့တွင်းတွေထဲ ပြုတ်ကျပြီး အားလုံး အဖမ်းခံလိုက်ရပါတယ်"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
