အခန်း ၉ ကောက်ကျစ်သော သူပုန်များ (အပိုင်း ၈)
မူရိက မရေမတွက်နိုင်သော အလှတရားများကို မြင်တွေ့ခဲ့ဖူးပြီး သူမတို့က မည်မျှပင် လှပနေပါစေ သူ့၏စိတ်ဝင်စားမှုကို နှိုးဆွနိုင်မည် မဟုတ်ပေ။ သို့သော် ထိုအမျိုးသမီးက သူ့ကို စူးစမ်းချင်စိတ်ကို ဖြစ်စေခဲ့သည်။ မူရိက ရှေ့သို့ ခြေတစ်လှမ်းတိုးကာ ပြုံးလျက်ပြောလိုက်သည်။ "စစ်တပ်ထဲမှာ ချောမောလှပတဲ့ မိန်းခလေးတစ်ယောက်ရှိနေမယ်လို့ ငါ မမျှော်လင့်ထားခဲ့ဘူး။ လုံးဝကို မထင်မှတ်ထားတဲ့အရာပဲ! စုလင်း... မင်းက တကယ်ကို ကံကောင်းတာပဲ!"
ထိုလူက အနီရောင်ဝတ်စုံကို ဝတ်ထားပြီး သူ့လက်ထဲတွင် ကျောက်စိမ်းပုလွေတစ်ချောင်းကို ကိုင်ထားကာ နတ်ဆိုးကဲ့သို့ ဆိုးဆိုးဝါးဝါး ရောင်ဝါမျိုးရှိနေသည်။ ကုယွင်က သူ ရယ်မောဟန်ဆောင်ပြီး ပြောလိုက်တဲ့ ခြောက်သွေ့သွေ့ဟာသကို သဘောမကျတာကြောင့် မတ်တပ်ထရပ်ကာ အတွင်းခန်းထဲသို့ လျှောက်သွားလိုက်ပြီး တွေ့ရာကုလားထိုင်ပေါ် ဝင်ထိုင်လိုက်သည်။ သို့သော်လည်း သူမက သတိမထားမိဘဲ စခန်း၏ပင်မထိုင်ခုံတွင် ဝင်ထိုင်မိသွားသည်။
မူရိစကားကို နားထောင်ပြီးနောက် စုလင်းက ကုယွင်က စခန်းတွင် အမှန်တကယ် ရှိနေကြောင်း သတိပြုမိသွားပြီး သူက မျက်မှောင်ကြုတ်ကာ "မင်းက ဘာလို့ ဒီကို ရောက်နေတာလဲ"
ကုယွင်က ဒီမေးခွန်းကို ဖြေဖို့ မလိုအပ်ဘူးလို့ ခံစားလိုက်ရတာကြောင့် သူမက လို့မူဟိုင်ကို လှမ်းကြည့်ကာ မေးမြန်းလိုက်သည်။ "လို့စစ်သူကြီး ကျီးပါးစပ်တောင်ကြားက ဘယ်နားမှာလဲ၊ အဲဒါက ဘယ်လိုနေရာမျိုးလဲ??"
အဲဒီလူက ကျီးပါးစပ်တောင်ကြားမှာ အလောင်း လာကောက်ဖို့ အလေးပေးပြောခဲ့တာလေ။ အဲ့တာဆိုရင် သူတို့ကို အဲဒီမှာ သွားတွေ့ဖို့ စီစဉ်ရမှာပေါ့။
လို့မူဟိုင်က သူ့အာရုံဆီသို့ ပြန်ရောက်လာပြီး သူမဆီကို လျှောက်သွားကာ "အဲ့ဒါက သစ်တောရဲ့ ညာဘက်ခြမ်းက ချောက်ကြီးတစ်ခုပါပဲ။ မိုးရာသီရောက်ရင် မိုးရေတွေစုမိပြီး ချောက်ကနေ ရေတံခွန်ဖြစ်ပြီး မြစ်ကြီးတစ်စင်းအနေနဲ့ ဆက်ဆီးသွားတယ်။ ရေနည်းတဲ့ ခြောက်သွေ့ရာသီဆိုရင်တော့ ချောက်ပုံသဏ္ဍာန် ပြန်ပေါ်လာတက်တယ်။ မြေမျက်နှာသွင်ပြင်က အရမ်းမတ်စောက်လို့ အဲ့နေရာကို ငှက်တွေပဲ ပျံသန်းနိုင်တယ်၊ ချောက်က မက်စောက်တဲ့အပြင် သစ်တောထူထပ်ပြီး မှောင်မိုက်စိုစွတ်နေတာကြောင့် အဲ့နေရာကို ကျီးပါးစပ်တောင်လို့ခေါ်တယ်"
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
