အခန်း ၁၄ ခန္ဓာကိုယ်ကို ဘယ်လို စစ်ရမှာလဲ (အပိုင်း ၇)
လူယုတ်မာ!!
ကုယွင်က သူ့ကို ပါးရိုက်လိုက်ချင်ပေမယ့် သူမရဲ့ဆင်ခြေတုံတရားက သူမကို စိတ်လျော့ဖို့ ပြောနေသည်။ ဒီလိုမျိုး စိတ်ဆိုးနေလို့ မဖြစ်သေးဘူး။ စိတ်အေးအေးထား! စိတ်အေးအေးထား!
ကုယွင်က အသက်ကို ပြင်းပြင်းရှူလိုက်ပြီး လက်သီးကို ကျစ်ကျစ်ဆုပ်ကာ ပြန်ဖြေလိုက်သည်။ "ကျွန်မ ရင်ဘတ်မှာ ဘာစကားလုံးမှ မရှိဘူး၊ ကျွန်မက ချင်းမော့မဟုတ်ဘူးလို့ ရှင် ထင်နေတယ်ဆိုရင် ထောင်ထဲထည့်ထားလိုက်၊ ဒီလို စက်ဆုပ်ဖွယ်နည်းလမ်းတွေ သုံးနေစရာ မလိုဘူး!"
ကုယွင်၏အသံက ဒေါသကြောင့် အနည်းငယ် တုန်ခါနေပြီး စုလင်းက နောက်တစ်ကြိမ် ရိုင်းစိုင်းစွာ ထပ်ပြောဝံ့ပါက သူမ သူ့ကို ပါးရိုက်မည်ဟု စိတ်ထဲကနေ ကျိန်ဆိုနေခဲ့သည်။
ကောင်းကင်ကတော့ သူမကို ကောင်းချီးပေးရှာသား.... စုလင်းက တကယ်ပဲ မိုက်ရိုင်းတဲ့စကားတွေကို ထပ်မပြောတော့ဘူး။
သူက အလုပ်နဲ့ပဲ သက်သေပြလိုက်တာကြောင့်ပါ။
"စိတ်မရှိပါနဲ့" ထိုစကားတစ်ခွန်းကို ပြောပြီးနောက် စုလင်း၏လက်ကြီးက ကုယွင်၏ညာဘက်ပခုံးကို ရုတ်တရက် ထိလိုက်သည်။ သူမက သူမခန္ဓာကိုယ်ပေါ်တွင် စာရေးထားခြင်း မရှိဘူးဟု ပြောနေသော်လည်း သူက လွယ်လွယ်မယုံနိုင်ပေ။ သူမက သူ့ကို အမြဲတမ်း ကလန်ကဆန် လုပ်နေတာကြောင့် သူမစကားကို အလွယ်တကူ ယုံလိုက်ဖို့ဆိုတာ သူအတွက်တော့ မဖြစ်နိုင်ပါဘူး။ ဒီကိစ္စရဲ့အမှန်တရားကို သိဖို့အတွက် ဒီည သူကိုယ်တိုင် စစ်ဆေးရမယ်။
သူမပခုံးပေါ်မှ လေးလံသောဖိအားကြောင့် ကုယွင်က ထိတ်လန့်သွားသည်။
သူ ဘာမှတော့ လုပ်မှာ မဟုတ်ဘူးမလား?!
"ပင်း...." သူက သူမအတွက် ပြိုင်ဘက်မဖြစ်နိုင်မှန်းသိနေတာကြောင့် ကုယွင်က ပင်းလျန့်ကို ခေါ်ချင်သော်လည်း သူမပါးစပ်ကို ဖွင့်လိုက်သည်နှင့် မီးနီတဖျပ်ဖျပ်တောက်လာကာ စုလင်း၏ ချီရွှယ်က ပင်းလျန့်ရှေ့တွင် ရပ်နေလေသည်။ ပင်းလျန့်ကလည်း ပုံမှန်မဟုတ်သည့်လေထုကို ခံစားလိုက်မိပြီး ကုယွင်ဆီသို့ ပျံသန်းချင်နေပေမယ့် သူ ဘယ်ဘက်ကိုရွေ့ရွေ့ ညာဘက်ကိုရွေ့ရွှေ့ ချီရွှယ်က သူ့ရှေ့မှာ သေသေချာချာ ပိတ်ဆို့ထားသည်။ ပင်းလျန့်က သိသာထင်ရှားစွာ စိတ်ဆိုးလာပြီး ချီရွှယ်ဆီသို့ ပြေးဝင်သွားသောကြောင့် တဲကြီးထဲတွင် ပူတလှည့် အေးတစ်လှည့် ဖြစ်လာတော့သည်။
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
