အခန်း ၉ ကောက်ကျစ်သော သူပုန်များ (အပိုင်း ၁၀)
မူရိ၏သွယ်လျသော မျက်လုံးများက ကောက်ကျစ်ပြီး သစ္စာမဲ့သော မြေခွေးကဲ့သို့ အနည်းငယ် ကျဉ်းမြောင်းသွားသည်။ သူ့ကို ကြည့်မိသူတိုင်း ထိတ်လန့်သွားနိုင်ပေမယ့် ကုယွင်ကတော့ တုန်လှုပ်မှုမရှိဘဲ သူ့မျက်လုံးများကို ပြန်စိုက်ကြည့်နေသည်
ဟား...ဟား.. သူက ဒေါသထွက်ချင်နေတာလား???! ဟာသပဲ! ဒီလိုမျိုး ဝတ်စားဖို့ သတ္တိရှိရင် ဝေဖန်ခံရဖို့ အသင့်ပြင်ထားလေ....
သူမက သူ့ကို မကြောက်ဘူး! ဒါပေမယ့် နည်းနည်းတော့ စိတ်ဝင်စားတယ်။ သူ့မျက်လုံးထဲက စိတ်ဝင်တစားမှုတွေ နေရာကို အေးစက်မှုတွေ အစားထိုးလိုက်တာက ကုယွင်ကို ရင်ဖိုစရာ ဖြစ်စေခဲ့တယ်။ ကုယွင်က သူ့ကို ဆက်ကြည့်ဖို့ ပျင်းလွန်းတာကြောင့် သူမ အကြည့်ကို ရုတ်လိုက်ပြီး သူမအနားမှ စုရန်ကို လှမ်းပြောလိုက်သည်။ "စုရန်၊ မနက်ဖြန် မနက် အာရုံတက်တာနဲ့ ကျီးပါးစပ်တောင်ကြားရဲ့ မြေပြင်အနေအထားကို လေ့လာဖို့ စထွက်မယ်"
ကုယွင်က မတ်တတ်ထရပ်ပြီး ထွက်ခါနီးတွင် အေးစက်စက်နှင့် ဒေါသထွက်နေသော လေသံကို ကြားလိုက်ရသည်။ "ဒီနေရာက မင်း အမိန့်ပေးရမယ့်နေရာ မဟုတ်ဘူး၊ အခု စစ်သူကြီးအိမ်တော် ပြန်သွားလိုက်တော့"
သူမက စည်းမဲ့ကမ်းမဲ့ဖြစ်နေပြီး ထိန်းချုပ်လို့ မရတော့ဘူးလား??? သူမက ပေ့ချန်အထိ စစ်တပ်နောက်ကို လိုက်လာပြီး ဘာတွေ လုပ်ချင်နေတာလဲ??
ကုယွင်၏ခြေလှမ်းများက တုံ့ဆိုင်းသွားကာ သူမမျက်နှာပေါ်တွင် အတုအယောင်ဆန်သော အပြုံးတစ်ခု ပေါ်လာပြီး ဖြည်းညှင်းစွာ ပြန်လှည့်လာကာ "စစ်သူကြီးစု၊ ရှင် မှားနေပြီ ထင်တယ်၊ ကျွန်မက ရှင့်ရဲ့စစ်တပ်ကို အမိန့်ပေးဖို့ စိတ်မ၀င်စားဘူး၊ ရှင်လည်း ကျွန်မကိစ္စတွေကို ဂရုစိုက်စရာ မလိုဘူး"
ထိုစကားကို ပြောပြီးနောက် ကုယွင်က စားပွဲပေါ်မှ ရေခဲဓားကို ကောက်ယူပြီး ထွက်ခွာသွားခဲ့သည်။
"ပင်းလျန့်?" မူရိ၏မျက်လုံးများထဲမှ အံ့သြမှုများ တစ်ဖျပ်ဖျပ် ထွက်ပေါ်လာပြီး သူက စုလင်းကို ပြန်ကြည့်လိုက်သည်။ စုလင်းက ပင်းလျန့်ကို ဒီအမျိုးသမီးဆီကို ပေးလိုက်ပြီလို့တော့ ငါ့ကို လာမပြောနဲ့နော်...
YOU ARE READING
စစ်ဘက်ဆိုင်ရာတိုင်ပင်ခံ မျိုးဆက်များ
Historical Fiction"မှားယွင်းသော လက်ထပ်ခြင်းမှသည်..... ကောင်းမွန်သော အိမ်ထောင်သည်ဘဝဆီသို့...(၂)" MM Translation (Just for fun) Chapter 41 in complete "မွားယြင္းေသာ လက္ထပ္ျခင္းမွသည္..... ေကာင္းမြန္ေသာ အိမ္ေထာင္သည္ဘဝဆီသို႔...(၂)"
