That Omega is so cute and I can't help! [Completed]

17• Unexpected moment

That Omega is so cute and I can’t help Part 17

အခန်းထဲက လိုက်ကာကို အသားလေးဟလို့ အပြင်ဘက်ကို တစ်ချက်ကြည့်လိုက်တယ်။

နေဝင်ခါစအချိန် အုံ့စိုင်းစိုင်းဖြစ်နေတဲ့ ရာသီဥတုလေးက အိုလီ့အတွက်တော့ သာယာနေတယ်လို့ ခံစားရတာပဲ။

ဘာဖြစ်လို့လဲဆိုတော့ ဒီနေ့ည အိုလီနဲ့ကိုကိုကြီး Dinnerအတူစားဖို့ ချိန်းထားတယ်လေ။

ရှေ့တိုးမယ်လို့ ဆုံးဖြတ်ပြီးကတည်းက အိုလီ ကိုကိုကြီးနဲ့ နီးစပ်အောင် ကြိုးစားတယ်။

ကိုကိုကြီးနဲ့အတူ Golfသွားရိုက်ဖြစ်တာ သုံးရက်လောက်ရှိပြီ။

အခွင့်ကြုံတိုင်းလဲ ကိုကိုကြီးကို ညစာကျွေးချင်လို့ပါလို့ သူတောင်းဆိုတတ်မြဲ။

ဒီနေ့တော့ ကံကောင်းစွာနဲ့ ကိုကိုကြီးက အချိန်ရတယ် ညစာသွားစားမယ်လို့ မနေ့တုန်းက ပြောလိုက်တာမို့ အိုလီလည်း ကိုကိုကြီးနဲ့ ညစာအတူထွက်စားဖို့အတွက် ပြင်ဆင်ရတာပေါ့။

အိပ်ယာပေါ်မှာ ဖွထားတဲ့ အကျီတွေသာ စကားပြောတတ်မယ်ဆိုရင် အိုလီ့ကို ငြိုငြင်နေကြမှာ ကျိန်းသေပေါက်ပဲ။

ဗီဒိုတစ်ခုလုံးလည်း ရစရာမရှိအောင်ကို ပွထနေပြီ။

ကိုကိုကြီးနဲ့ နှစ်ယောက်အတူ ညစာသွားစားဖို့အတွက် ဘာဝတ်သွားရမလဲ ဆိုတာ အိုလီမစဉ်းစားတတ်အောင်ပဲ။

ဘယ်လိုလေးဝတ်ရင် ကိုကိုကြီးအမြင်မှာ သူက ကြည့်လို့ကောင်းနေမလဲ။

ကိုကိုကြီးက ဘယ်လိုပုံစံဝတ်ရင် သဘောကျမှာလဲလို့ အိုလီ့မှာ တွေးမတတ်ဘူး။ ကိုကိုကြီးနဲ့တွဲသွားမှာဆိုတော့ လူကြီးဆန်ဆန်လေးပဲဝတ်ရမလား၊ ကိုကိုကြီးကို ဖျားယောင်းဖို့ လူငယ်ဆန်ဆန် sexy type လေးပဲဝတ်ရမလား။

အကျီတစ်ထည် ဝတ်ကြည့်လိုက် စိတ်တိုင်းမကျလို့ ပြန်ချွတ်လိုက်၊နောက်တစ်ထည်ဝတ်လိုက်နဲ့ အချိန်တွေဘယ်လောက်ကုန်သွားလဲ မသိဘူး။

သေချာပြောရရင် သူအကျီထိုင်ဝတ်နေတာ ကျောင်းကပြန်ရောက်ပြီး နေ့လည်သုံးနာရီလောက် တည်းကပဲ။