That Omega is so cute and I can't help! [Completed]

5• That Omega aint easy!

That Omega is so cute and I can’t help Part 5

လေပြေအဝှေ့မှာ ပုံသွင်းထားခြင်းမရှိတဲ့ Raymus ရဲ့ဆံပင်က လေထဲမှာ အလိုက်သင့် တလွင့်လွင့်နဲ့ ယိမ်းခါကုန်တယ်။

သူက ပတ်ဝန်းကျင်ရာသီဥတုကို အသေးစိတ်လိုက်ခံစားတတ်တဲ့ အနုပညာဆန်တဲ့ နူးညံ့တဲ့စိတ်ထားနဲ့သူမဟုတ်ပေမယ့် ဒီအခြေအနေလေးကိုတော့ သဘောကျမိတာ အသေအချာ။

အမြဲတမ်း သူ့ဘေးနားမှာ မခွဲအတူရှိတတ်တဲ့ ဟိုနှစ်ကောင်ကတော့ အစားသောင်းကျန်းမှုနဲ့ ကျောင်းအိမ်သာနဲ့ နှစ်ပါးသွားနေရတယ်။

အစပ်ကြိုက်သူတွေပီပီ နေ့လည်စာကို အစပ်များများပါတဲ့ဟင်းပွဲတစ်ခုကို အကျိတ်အနယ်စားကြပြီးနောက် ဟိုနှစ်ကောင်က အိမ်သာဆီပြေးရတော့တယ်။

Raymus ရဲ့အစာအိမ်ကတော့ ခံနိုင်ရည်အားကောင်းလှစွာ အနေအထားမပျက်ရှိနေဆဲ။

ကျောင်းဆောင်ရဲ့ ခပ်လှမ်းလှမ်းက သစ်ပင်ကြီးအောက်မှာ ဟိုနှစ်ကောင်ကိုစောင့်ရင်း နားကြပ်တပ်လို့ သီချင်းတစ်ပုဒ်ကို အေးအေးလူလူ ခံစားနေမိတယ်။

ဒါပေမယ့် အေးချမ်းမှုကို သူခဏတာလောက်သာ ခံစားလိုက်ရတယ်။ ဘာလို့လဲဆိုတော့ သူ့အနားကိုရောက်လာတဲ့ ဘယ်ကမှန်းမသိတဲ့ alpha ကောင်ကြောင့်ပဲ။

"ဘေဘီ!"

Raymus မျက်နှာကို တည့်တည်ကြည့်ကာခေါ်လာသူကြောင့် သူ့ရဲပ မည်းနက်တဲ့မျက်ခုံးပါးပါးနှစ်ခုက အလယ်ဘက်ကို စုလို့သွားတယ်။

"ဘေဘီလို့ ကိုယ်ခေါ်နေတယ်လေ"

"မင်းက ငါ့ကို ဘေဘီလို့ခေါ်တယ်? မင်းနဲ့ငါနဲ့ သိလို့လား"

အကြည့်စူးစူးတစ်ခုပေးကာမေးလိုက်တော့ ထိုငနဲသားက ပြုံးတယ်။

"အခုသိကြတော့မှာပဲလေ ကိုယ့်နာမည်က Victor တဲ့။ engineering major က… မင်းနှလုံးသားထဲကို ကိုယ်လမ်းဖောက်ပြီးလာခဲ့မလို့ အဲဒါ မင်းဘက်က လက်ခံပေးဖို့မျှော်လင့်မိတယ်"

"မင်း ရူးနေလား ငါဘယ်သူလဲ ဘယ်လိုကောင်လဲရော မင်းသိရဲ့လား"

"သိတာပေါ့ ဘေဘီ့နာမည်က Raymus Nathaniel! ဒီကျောင်းမှာ စိတ်ဝင်စားဖို့အကောင်းဆုံးနဲ့ ကိုယ့် mate ဖြစ်လာဖို့ အသင့်တော်ဆုံး omega လေး။ ကိုယ်ကလဲ မင်းအတွက်အသင့်တော်ဆုံး alpha ပဲ။ ကိုယ်က Moon Group က တစ်ဦးတည်းသောသားလေ"