That Omega is so cute and I can't help! [Completed]

1• New transfer student

That Omega is so cute and I can't help Part 1

ကျောင်းပျော်ကြီး Raymus ရဲ့ ပထမဆုံးသော ဒုတိယနှစ်ကျောင်းတက်ရက်ဖြစ်တယ်။

ကျောင်းမှာဆိုပျော်စရာကောင်းတာမို့ Raymus က ကျောင်းသွားရတာ နှစ်သက်တဲ့သူတစ်ယောက်ပဲ။

အရှေ့မှာစာသင်နေတဲ့ဆရာမတွေကို လိုက်စရတာ၊ သူငယ်ချင်းတွေနဲ့ ဘောလုံးကန်ရတာ၊ ကြည့်မရတဲ့ကောင်တွေနဲ့ရန်ဖြစ်တာ အကုန်လုံးက သူ့အတွက်ပျော်စရာတွေကြီး။

အိမ်မှာနေရတာမှ သူ့အတွက်သိပ်ပျင်းစရာကောင်းသေးတယ်။

အမေဆုံးပြီးနောက် နောက်အိမ်ထောင်ပြုလေတယ်။

အရွယ်ရောက်ပြီးသား သားတွေက သဘောမတူဘူး ဘာညာ ဆန္ဒမပြကြပေမယ့် အဖေက သားတွေအနေအထိုင်လွတ်လပ်အောင်ဟုဆိုကာ အိမ်ခွဲနေတာမို့ အိမ်မှာ Raymus တို့ညီအကိုတွေသာကျန်ခဲ့တယ်။
အလုပ်မှအလုပ်ဖြစ်နေတဲ့ ကိုကိုကြီး Thomas က အိမ်မှာနေတယ်လို့ကိုမရှိ။
ကိုလတ် Nicholas ကလဲ နိုင်ငံခြားမှာ ကျောင်းသွားတက်နေတော့ အိမ်တော်ထိန်းရယ် ခိုင်းတဲ့ဝန်ထမ်းတွေရယ်သာရှိတဲ့ အိမ်ကြီးက တကယ့်ကိုခြောက်ကပ်ကပ်နဲ့။

"Morning class"

နှုတ်ဆက်သံနဲ့ အခန်းထဲကို ခပ်ပြုံးပြုံးဝင်လာတဲ့သူက marketing ဘာသာရပ်သင်တဲ့ ဆရာမ။

"Morning teacher"

အတန်းသားတွေက ပြိုင်တူနှုတ်ဆက်လိုက်ကြတဲ့အထဲ Raymus ရဲ့ bff တစ်ယောက်ဖြစ်တဲ့ Willy ရဲ့ အသံကအကျယ်ဆုံး။

အဲဒီကောင် Willy က အင်မတန်အာပြဲတဲ့အထဲပါတယ်။

ကျောင်းပျော်ပေမယ့် စာလုပ်ရတာမပျော်တဲ့ Raymus ကတော့ ပျင်းရိပျင်းတွဲနဲ့ ဖတ်စာအုပ်ကိုလှန်နေတယ်။

အခန်းရဲ့အရှေ့ဆုံးခုံမှာထိုင်နေတဲ့ Raymus က အခန်းဝမှာ အရိပ်တစ်ခုကျလာတာမြင်တော့ ဘာရယ်မဟုတ် ခေါင်းမော့ကြည့်မိတော့ သူမမြင်ဖူးတဲ့ ကျောင်းဝတ်စုံ ဝတ်ထားတဲ့ ကျောင်းသားတစ်ယောက်။

"ဝင်ခွင့်ပြုပါ teacher ကျွန်တော်နည်းနည်းနောက်ကျသွားတယ်"

"ဝင်ပါ မင်းက transfer ကျောင်းသားမဟုတ်လား"