That Omega is so cute and I can't help! [Completed]

41• The feeling of FA

That Omega is so cute and I can’t help Part 41

အချိန်တွေက ခပ်မြန်မြန်ပဲ ကုန်ဆုံးလို့သွားတယ်။

အခုဆိုရင် အိုလီနဲ့ကိုကိုကြီးလည်း မင်္ဂလာဆောင်ပြီးသွားလို့ အိုလီကRaymusတို့အိမ်ကို ရောက်လာခဲ့ပြီ။

နဂိုကတည်းက အိုလီက Raymusတို့အိမ်မှာ ဝင်ထွက်သွားလာနေကြဆိုတော့ အိုလီအိမ်ရောက်လာတာ ဘာမှထူးထူးခြားခြားကြီး ပြောင်းလဲသွားတာမရှိဘူးဆိုပေမယ့် Raymus အတွက်တော့ ပိုပြီးအဖော်ရသွားတာအမှန်ပဲ။

အဲ ကိုကိုကြီးတို့က အဆင်ပြေသွားတယ်ဆိုပေမယ့် တစ်ချိန်တစ်ခါတုန်းက လက်သွက်ခဲ့တဲ့ပလေးဘွိုင်းကြီး ကိုလတ်ကတော့ အခုချိန်ထိ သူ့ရဲ့ယောကျာ်းကို အိမ်ကိုခေါ်မလာနိုင်သေးဘူး။

ခပ်ပျော်ပျော်နေတတ်တဲ့ အိုလီကတော့ အခွင့်အခါကြုံတိုင်း ကိုလတ်ကို “ဒါလေးတောင်မှ မကြိုးစားနိုင်ဘူးလား” ဆိုပြီးတော့ စနောက်လေ့ရှိတယ်။

ကိုကိုကြီးကတော့ သူ့ယောကျာ်းဘာလုပ်လုပ် အကုန်ကိုအကောင်းပဲမြင်နေတာ ဘာမှကိုမပြောဘူး။

ကိုကိုကြီးတို့ပြောင်းလဲသွားပုံများ၊ တစ်ချိန်တုန်းက အိုလီ့ကိုပြန်မချစ်နိုင်ပါဘူးလို့ ချေနေခဲ့တဲ့လူမဟုတ်သလိုပဲ။

အခုဆိုရင် အိုလီဘာလုပ်လုပ်ပြုံးဖြီးဖြီးနဲ့ကို အချိန်တိုင်းကြည့်နေတော့တာ။

အခုလည်း Raymus အိပ်ယာနိုးလာလို့ မနက်စာစားဖို့ ထမင်းစားခန်းထဲကို ခြေမချရသေးဘူး၊ ကိုကိုကြီးတို့ လင်လင်နှစ်ယောက်ရဲ့ ပျော်ရွှင်မြူးတူးပြီး ရယ်မောနေတဲ့အသံတွေကို စပြီးကြားလိုက်ရပြီ။

အိုလီတစ်ယောက်မှာ တဟီးဟီးတဟားဟားနဲ့ ပျော်ရွှင်နေတာ မြင်ပြင်းကပ်ချင်စရာကောင်းလှတယ်။

အခုတော့ သူငယ်ချင်းRaymusရေ ငါ့ကိုကူညီပါဦးဆိုတဲ့ အသံမျိုးမကြားရတော့ဘူး။

သူထမင်းစားခန်းထဲဝင်သွားတာတောင်မှ အိုလီက Raymuကို အဖက်လှည့်မလုပ်ဘူး။

သူ့ယောကျာ်းခွံ့ကျွေးတဲ့ပေါင်မုန့်ကို ပြုံးစိစိနဲ့စားနေတာကိုကြည့်မရတော့သည်မို့ Raymus လည်း အိုလီ့ရဲ့ ဇက်ပိုးကိုတစ်ချက်အုပ်ပြီး Morning လို့နှုတ်ဆက်လိုက်တယ်။