៚ ក្រាក ៚
ដំណើរបោះជំហានទៅមុខម្តងមួយជំហានៗ សម្លេងស្បែកជើងទង្គិចនិងឥដ្ឋការ៉ូបណ្តាលឱ្យឮសម្លេងតឹបៗពីក្រោយមកមិនដាច់សូរ ។ គេបន្តបោះជំហានដើរចូលទៅរហូតមកដល់ត្រឹមគ្រែគេងដែលមានវត្តមានរបស់មនុស្សជាទីស្រឡាញ់និងកូនៗទើបគេឈប់ដើរ ។
« Omega តូច សឺត!! ភ្ញាក់មកប្រពន្ធសម្លាញ់ » មិនរារែកយូរគេក៏លូកដៃទៅលើកក្រសោបបីកាយតូចច្រឡឹងមកដាក់លើភ្លៅរួចទើបដាក់ខ្លួនអង្គុយទៅលើពូកតាមក្រោយ ។ អោនមុខទៅខ្សឹបហៅប្រពន្ធថើបគេខ្សឺតៗតាមអារម្មណ៍នឹករលឹក នឹកណាស់បែកមិនបានអោបមិនបានថើបសឹងពេញមួយយប់ ។
« Jung?? លោកប្តី » ត្របកភ្នែកដែលបានបិទសម្រាកតាំងពីយប់មិញក៏ចាប់កម្រើកបើកឡើង គ្រាន់តែឃើញព្រឹមៗថានេះជាលោកប្តីជាទីស្រឡាញ់ ខ្លួនក៏រហ័សសកដៃទៅអោបគេជាប់ អោបណែនឡើងៗសឹងតែមិនចង់លែងតែម្តង ។
« អូនមានឈឺត្រង់ណាខ្លះទេ?? ភ្នែកអូនហើមណាស់វាធ្វើបាបអូនមែនទេ?? »
« អត់ទេ គេមិនបានធ្វើបាបអូនទេ » នាយតូច ក្រវីក្បាលប្រកែកដោយសារតែយប់មិញខ្លួនមិនបានត្រូវពួកគេឆក់អ្វីឡើយ ខ្លួនគេងក៏លក់ភ្លឹងដោយសារតែខ្លួននឿយនិងហត់ផងទើបលក់គ្មានដឹងអ្វីទេ ។
« បងមកយកអូននិងកូនទៅវិមានវិញ »
« អូនបារម្ភពីបងណាស់ » Tae សកដៃទៅអង្អែលរង្វង់មុខរបស់ស្វាមីទៅវិញទៅមកស្រាលៗ បន្លឺឡើងតិចៗរំភើបចិត្តមិនព្រមបាត់ពេលឃើញគេនៅចំពោះមុខបែបនេះ ។ គេមើលទៅស្រស់បស់និងរឹងមាំណាស់បានឃើញផ្ទាល់ៗភ្នែកថាគេមិនអីខ្លួនស្កប់ស្កល់ក្នុងចិត្តពេកណាស់ហើយ ។
« បងមិនបានកើតអ្វីទេ អូនកុំបារម្ភអី » ម៉ាហ្វៀរូបសង្ហារ ក្រវីក្បាលប្រកែកបណ្តើរ សំងំជ្រុបមុខនិងកញ្ចឹង.ករបស់ប្រពន្ធថើបគេឱ្យអស់នឹកអស់រលឹក អោបក្រសោបគេជាប់ទាញផ្អឹបនិងខ្លួនគេសឹងតែរលាយចូលជាខ្លួនតែមួយទៅហើយ ។
« បងត្រូវរបួសត្រង់ណា?? » នាយតូច ចាប់មុខគេលើកឡើងវិញ តែគេក៏រុលចូលទៅវិញដដែល ព្រោះបើមិនទាន់អស់ចិត្តគេមិនព្រមងើបឡើងមកវិញឡើយ ។
YOU ARE READING
The Owner Of My Heart (✔️)
Romanceត្រឹមតែមួយយប់គេក៏បានឈក់យកជីវិត ក្តីស្រឡាញ់ និងអ្វីៗដែលជារបស់ខ្ញុំទៅគ្មានសល់ ។ Main Characters : ជុងហ្គុក ហ្គោលដេនហ្វៀលវីដែស x គីម ថេយ៉ុង ចាងវីន ខាសឌីន x គីម ហ្វេយ៉ុង ជុងវ៉ុន ហ្គោលដេនហ្វៀលវីដែស x កាង អ៊ីនស៊ូ Alpha x Omega Author : អ៊ែលរ៉ា រ៉ូសា ( សៀ...
