SCROLL DOWN FOR ZAWGYI
UNICODE
အပိုင်းရှည်တာမို့ နှစ်ပိုင်းခွဲပေးထားပါတယ်
33.1 ပြီးရင် 33.2ကို ဆက်ဖတ်ပါCH33 - ONE , TWO , THREE
နှစ်ယောက်အတူ ဆော့ကစားအပြီးတွင် ရွှီနကား ပင်ပန်းသွားပုံရသည် ။ ဆိုဖာပေါ် အိပ်မောကျလျက် ။ လုဖုန်း အပေါ်ဝတ်ဂျက်ကက်ကိုချွတ်ကာ သူမအပေါ်လွှမ်းခြုံပေးထားလိုက်၏ ။
မစ္စယန်နှင့် ရှန့်မင်အော်ကား ရုံးခန်းထဲတွင် တစ်နာရီခန့်မျှ စကားပြောခဲ့ကြသည် ။ စကားပြောအပြီး မစ္စယန်ပြန်လာသောအခါ ကောင်းကင်အာကာတစ်ခွင်မှာပင် နေဝင်ဆည်းဆာ၏အငွေ့အသက် ရောင်စုံသန်းလျက်ရှိနေခဲ့ချေပြီ ။ မစ္စယန်က လုဖုန်းအား ကျေးဇူးတင်စကားဆိုပြီးနောက် ရွှီနကို အသာအယာမ,ချီလျက် ၎င်းတို့သားအမိနှစ်ယောက်ကို ရုံးအပြင်ဘက်ထိပို့ဆောင်ပေးမည်ဖြစ်သော ဝူရိနောက်မှလိုက်ပါသွားတော့သည် ။
လုဖုန်း အပေါ်ဂျက်ကက်ကိုပြန်ဝတ်လိုက်ကာ
၎င်းတို့နောက်မှ လိုက်ဖို့ပြင်၏ ။ ဝူရိက ရွှီနတို့သားအမိနှစ်ယောက် လိုက်ပို့ပြီးပြန်လာသည်ကို တွေ့လိုက်ရချင်းပင် လုဖုန်း ဝူရိဆီသွားကာ ပုခုံးပေါ်သို့လက်တစ်ဖက်တင်လိုက်၏ ။"သူတို့က ယာဥ်မတော်တဆမှုမှာ ဆုံးသွားတဲ့သူရဲ့ မိသားစုတွေမလား ?"
ဝူရိတစ်ယောက် အနည်းငယ်အံ့အားသင့်လျက်ပင် လုဖုန်းအား ပြန်ပြောလာခဲ့၏ ။
"ဘယ်လိုသိတာလဲ ? မစ္စယန် ပြောပြသွားတာလား ? "
"ကျွန်တော့်ဉာဏ်ရည်ဉာဏ်စွမ်းနဲ့သိတာပါဗျာ ၊ သူတို့ဝတ်စားထားပုံတွေ ၊ ပြောပုံဆိုပုံတွေက ခင်ဗျားတို့အဓိကပစ်မှတ်ထားတဲ့အမှုသည်တွေနဲ့ အများကြီးကွာခြားနေတယ်လေ ၊ တစ်ချက်ကြည့်လိုက်ရုံနဲ့ တရားရုံးအမှုတွေမှာ ခင်ဗျားတို့ကိုရှေ့နေငှားရအောင်အထိ ပိုက်ဆံသိန်းချီတတ်နိုင်မယ့်သူတွေမဟုတ်ဘူးဆိုတာ လူတိုင်းပြောနိုင်တယ် ၊ ပြီးတော့ .."
လုဖုန်း သွားများပေါ်သည်အထိ ပြုံးပြလိုက်ပြီးနောက်
" အမှုသည်က နေ့လည်ကျရင် လာလိမ့်မယ်ဆိုပြီး အစည်းအဝေးခန်းထဲမှာ ပြောနေတာကြားခဲ့တာ "
YOU ARE READING
Flying Gulls Never Land [ဘာသာပြန်]
RomanceEnglish Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...