SCROLL DOWN FOR ZAWGYI
UNICODE
Ch1 - A Sheet of insincerity
လွတ်လပ်မှုဟူသည် အဘယ်အရာကို ခေါ်ပါသနည်း ?
လုဖုန်း အသက် 16 နှစ်မပြည့်ခင်အထိ လွတ်လပ်မှု၏ အဓိပ္ပါယ်ကို ကောင်းကင်တွင်ပျံသန်းနေသောငှက်၊ ပင်လယ်ထဲကူးခတ်သွားလာနေသောငါးတို့ ပိုင်ဆိုင်သောအရာဟုသာ သတ်မှတ်ခဲ့မိသည်
တစ်နည်းဆိုသော် Sandor Petofiပြောခဲ့သလို သူ့ဘဝနဲ့အချစ်အတွက်အလျှော့ပေးလိုက်ချင်စိတ်ပေါက်လာအောင်ထိ တန်ဖိုးရှိတဲ့အရာတစ်ခု ။ လွတ်လပ်ခြင်းဟာ သူ့အတွက်ဒီလိုအဓိပ္ပာယ်ရှိလှသည် ။
လုဖုန်း အသက်၁၆နှစ်ရောက်လာတဲ့အခါ လွတ်လပ်မှုဆိုတဲ့အရာဟာ သူ့အတွက်ပိုလို့ပင်ထင်ရှားသောအနက်ဖွင့်ဆိုမှုတစ်ခုအဖြစ်တည်ရှိလာခဲ့သည် ။
သူရောက်နိုင်သည့်အတိုင်းအတာ၏အလွန်မှာ ။ တစ်နည်းအားဖြင့် မြင့်မားတဲ့နံရံကြီးတွေ၏ အပြင်လောကတစ်ခုသာဖြစ်ခဲ့သည် ။
ထိုလွတ်လပ်မှုကိုပြန်ရရှိဖို့ သူဒီဆယ်နှစ်လုံးစောင့်နေခဲ့ရခြင်းပင် ။
သူထောင်ကလွတ်လာသည့်နေ့ကို မှတ်မိနေဆဲ ၊ ရိုးရိုးရှင်းရှင်းလက်ဆွဲအိတ်တစ်လုံးကိုသာ သူနှင့်အတူယူဆောင်ပြီး တဖြည်းဖြည်းပွင့်လာသည့်ဂိတ်တံခါးနောက်မှာ လုဖုန်းရပ်နေခဲ့၏ ။
အပြင်လောကနှင့်သူသည် နံရံတစ်လွှာသာခြားနားနေခဲ့သည့်တိုင် တကယ့်တကယ်လွတ်လွတ်လပ်လပ်မြင်တွေ့ရသော မိုးကောင်းကင်က ပိုလို့တောင်လှလှပပ ကြွကြွရွရွ တောက်ပနေသလို၊ လေပြေညင်းကအစ တသိမ့်သိမ့်ချိုမွှေးနေသလို ။
သူ လေတစ်ချက်အဝရှူလိုက်မိသည် ။ သူကြာညောင်းစွာစောင့်ဆိုင်းခဲ့ရသည့် ဘဝအသစ်ကိုလျှောက်လှမ်းဖို့ လုဖုန်းအဆင်သင့်ဖြစ်နေလေပြီ ။
"လုဖုန်း..."
ထောင်စောင့်ဖြစ်တဲ့ လောင်ဟွမ်ကသူနောက်မှာရက်နေကာ လှမ်းခေါ်သည် ။ အေးစက်စက်နဲ့စိတ်မပါသလိုခေါ်ခဲ့တဲ့ နံပါတ်တွေမဟုတ်ခဲ့ ။ လုဖုန်းဆိုသည့်သူ့နာမည်ပင် ။
YOU ARE READING
Flying Gulls Never Land [ဘာသာပြန်]
RomanceEnglish Title - Flying Gulls Never Land Original Author: Hui Nan Que (回南雀) Eng Translator : Jiraiya Status : 82 chapters ( 73 chapters + 9 extras) Generes: Drama , Mature , Psycological , Angst Chinese novel: Completed Eng trans : Ongoing ✔️Permissi...