Unicode
ARC1-3
အားလပ်ရက် အနည်းငယ် ကျန်ရှိသေး၏။ရာသီဥတုသည် အလွန်အမင်း အေးမနေသော်လည်း ရံဖန်ရံခါ ဆိုသလို နှင်းများ အလွှားလိုက်ကျကာ မြေပြင်တစ်လျှောက် အရည်ပျော် တင်ကျန်ခဲ့၏။လေအေးများသည်တော့ တသုန်သုန် တိုက်ခတ်လျက်ရှိသည် ။နှစ်ကူးအချိန်ကာလ ကုန်ဆုံးသည်က မကြာသေးသည်မို့ ပွဲတော်အငွေ့အသက်က စွဲထင်ကျန်ရစ်နေဆဲပင်။ သို့အတွက် ဟိုဟိုဒီဒီ သွားလာနေကြသော လူအများအပြားကို တွေ့မြင်နိုင်လေ၏။
ဖန်ယွမ်သည် သိုးမွှေးဆွယ်တာနှစ်ထည်အပြင် လေးလံသော အပေါ်အင်္ကျီပါဝတ်ဖို့ တွန်းအားပေးခံရပြီး.... မျက်လုံးနှစ်လုံးသာ ကျန်သည်အထိ ဆန်မုန့်လုံးလေးသဖွယ် ထုတ်ပိုးခံလိုက်ရသည်။ ထို့နောက်မှသာ ကုမောင်နှံက တံခါးအပြင်သို့ ထွက်ခွင့်ပေး၏။
ကုချီသည်တော့ အနက်ရောင် ဂျင်းဘောင်းဘီ နှင့် အနက်ရောင်ကုတ် အရှည်တစ်ထည်ကိုသာ ပေါ့ပေါ့ပါးပါး ဝတ်ဆင်ထားသည်။
ကုချီသည် ကုယွမ်၏ သားမွေးလက်အိတ်စွပ်ထားသော လက်သေးသေးလေးမှ ဆွဲကာ ကားထဲထည့်လိုက်သည်။ထို့နောက် အရေးထားလွန်းစွာပင် ကုယွမ်၏ ထိုင်ခုံ ခါးပါတ်ကို ကိုယ်တိုင်ကိုယ်ကျ ပတ်ပေးလိုက်၏။
ကုယွမ်သည် ဇာတ်လိုက်၏ခံ့ညားမှုကြီးကို အနီးကပ်တွေ့လိုက်ရ၍ မနေနိုင်ဘဲ သက်ပြင်းချလိုက်မိသည်။နောက်ဆုံးမှာတော့ ဇာတ်လိုက်က ဇာတ်လိုက်ပင်။ ရာသီဥတုတောင် ပဓာနမထားဘဲ ချောမောခံ့ညားမှုကို ထိန်းသိမ်းနေပုံကြီးက စံထားလောက်သည်။ ။ ခြေချောင်းတွေ တုန်ယင်မနေအောင် သူတို့လို သေမျိုးတွေက သားမွေးအင်္ကျီတွေ နှစ်ထပ်သုံးထပ် ဝတ်နေချိန် သူကတော့..........
ထိုသို့ အလွန်အမင်း ချောမောခံ့ညားသောဇာတ်လိုက်က မိမိုက်သော အသွင်အပြင်ဖြင့် မြန်နှုန်း မြှင့်လိုက်သည့်အချိန်တွင် ဖန်ယွမ်စိတ်ထဲ မေးခွန်းတစ်ခု ပေါ်လာသည်။
"ရှောင်ဝူရေ ၊ ဒီ ဇာတ်လိုက်ကောင်ဆီမှာလေ ယာဥ်မောင်းလိုင်စင်ရော ရှိရဲ့လား??''
"ဒင်...ဇာတ်လိုက်က 18နှစ်ပြည့်ဖို့ နှစ်လ လိုသေးတဲ့အတွက် သူ့မှာ လိုင်စင်မရှိသေးပါဘူး...''
YOU ARE READING
အချစ်ပြိုင်ဘက် အရံဂေးဇာတ်ကောင် အဖြစ်သို့
RomanceTital- As the Minor Gay Love Rival in Het Novels Author: Ying A Mu(嚶阿木) Total Chapters: 117 I got the permession from Eng Translator!! I own nothing!Just Translation! !full credit to original author and translator! Original source-Chrysanthemum gard...