ငယ်ရွယ်စဥ် မှတ်ဉာဏ်မှာပေါ့ …
“အနီရောင်ထက်က အဖြူရောင် ပြီးတော့ အရောင်စုံ ဝန်းရံလို့
ထိုအဖြူရောင်လေးဟာ တခုသော မနက်ခင်းနေရောင်နှင့်အပြိုင် တောက်ပခဲ့တယ် ”#ဆောင်းညဦး
**************************
“မပြီးသေးဘူးလား ညီမလေး ကိုကိုကျောင်းနောက်ကျတော့မယ် မဟုတ်ရင်လည်း ဒရိုင်ဘာဦးလေးကိုပဲလိုက်ပို့ခိုင်းလိုက် ကိုကိုက ဒီနေ့အသင်းတာဝန်ရှိသေးတယ် ”
“ပြီးပါပြီကိုကိုရဲ့ ခဏလေးပါ မနေ့ညက မိုးမိတော့ ပိုးပိုးစံပါယ်ပွင့်တွေ အကုန်ကြွေကုန်လို့ မနည်းပြန်ရှာခူးလာရတယ် ”
“ဘယ်သူ့ဖို့လဲ ဆရာမပေးဖို့လား”
ညီမလေးက ပန်းပွင့်များကိုသဘောကျပေမယ့် ပန်းပန်ရတာကိုနှစ်သက်သူမဟုတ်သောကြောင့် သူမေးမိသည်။ ဒီကောင်မလေး မနက်ကတည်းက ခြံထဲက စံပါယ်ရုံတွေနား ကပ်တတ်တတ်လုပ်နေတာ ဘယ်ဆရာမကိုများလာဘ်ထိုးမို့ပါလိမ့်။
“ဟင့်အင်း မဟုတ်ဘူး ဆရာမတွေဖို့ဆို ဒီပြင်မေမေစီစဥ်ပေးတာ ပေးမှာပေါ့ ရှိတယ် သူငယ်ချင်းအသစ်ရောက်လာတာ သူက ပန်းကြိုက်တယ်ထင်တယ် နေ့တိုင်းခေါင်းပေါ်မှာ ပန်းတမျိုးမျိုးပန်လာတတ်တယ်လေ ”
“အဲ့ဒီသူငယ်ချင်းအသစ်နဲ့တော့ အကြာကြီး တည့်အောင်ပေါင်းပါညီမလေးရယ် ”
“အဲ့တာတော့ အာမ မခံနိုင်ပါဘူး ပိုးက သူ့ကိုသည်းခံပေါင်းရအောင်် ပိုးမှာလည်း အားနည်းချက်မရှိဘူး သူ့မှာလည်း ပိုးထက်သာတာ ဘာမှမရှိဘူး”
“ပိုးပိုး ညီမလေးရယ် အဲ့လိုပုံမျိုးနဲ့ဆို ညီမလေး ဘေးမှာ သူငယ်ချင်းတစ်ယောက်မှတောင် ရှိတော့မှာမဟုတ်ဘူး ”
“မရှိရှိပေါ့ ပိုးကတော့ သဘောမကျရင် ချက်ချင်း ဂျောင်းပဲ ဘာမှ သိပ် အောက်ကျနောက်ကျခံနေမှာမဟုတ်ဘူး သူကောင်းရင် ပိုးက မဆိုးပါဘူး”
“ကဲကဲ သွားရအောင် စက်ဘီးပေါ်တက် ကိုကိုတကယ်နောက်ကျနေပြီ ”
YOU ARE READING
ကန္တာရချယ်ရီ(BL)
Teen Fictionနှလုံးသားမြေအလွှာမှာပျိုးတဲ့ပန်းမို့ မွှေးရနံ့ကြွယ်ကာသင်းရင် မေတ္တာတရားလို့သာခေါင်းစဥ်တပ်ချင်ပါရဲ့ ႏွလုံးသားေျမအလႊာမွာပ်ိဳးတဲ့ပန္းမို႔ ေမႊးရနံ႕ႂကြယ္ကာသင္းရင္ ေမတၱာတရားလို႔သာေခါင္းစဥ္တပ္ခ်င္ပါရဲ႕