ကမ္ဘာမြေက ကျယ်ပြောလွန်းတယ်
သံသရာကို မှီနိုင်မလားကွယ်
ချစ်ခြင်းမေတ္တာက ခမ်းနားတယ်
သူ့အပြုံးလောက် မလင်းလက်ပါကွယ်
တူညီရာတွေ ကွဲပြားတာတွေထားခဲ့
အရိပ်လိုရင် ဖန်တီးပေးမယ်
အန္တရာယ်ကြုံလာရင်
ကာကွယ်ပေးမယ်
လိုရာအရပ်ကို စေနိုင်တယ်
ထားရာအရပ်မှာတော့ မနေနိုင်ပါတယ်
အနန္တစကြာဝဠာရဲ့ အစွန်းတဖက်မှာ
သူသာရှိရင် လောကဓံကို ဉပက္ခာပြုလို့
မာနတရားကို ချနင်းခဲ့မယ်
ကျွန်တော်ဟာ အစ်ကို ကို့ချစ်ဖို့ လောကကြီးကို ကျောခိုင်းထားတယ်
ပြောင်းလဲလာတဲ့ အမူအကျင့်တွေရဲ့ အကြောင်းရင်းခံဟာ သူဖြစ်မှန်းသိလိုက်ရတဲ့အချိန် ယူရီရယ့်စိတ်ဟာ ငရဲကျသလိုပဲ ခံစားလိုက်ရတယ် ။ တသက်လုံး လူသားတယောက် အဖြစ် မွေးဖွားလာလို့ ဂုဏ်ယူခဲ့ရတဲ့ ဒီခန္ဓာကိုယ်ကို မုန်းမိတယ်။ ကံကြမ္မာကို ရွေးချယ်ခွင့်ရခဲ့ရင် တချို့ ဘဝပေး အကြောင်းတရားတွေကို ပြောင်းလဲပစ်ချင်ပါရဲ့။ ရွေးချယ်ခွင့် မရပေမယ့် လက်လွှတ်ဖို့လည်း မဖြစ်နိုင်လို့ ဆက်ချစ်ရုံမှတပါး အခြားမရှိ။
လေတိုက်လို့ တဖြုတ်ဖြုတ်ကြွေကျလာတဲ့ မယ်ဇယ်ပွင့်တွေလို အစ်ကို့ခြေရင်းမှာ ဝပ်ဆင်းခစားချင်လိုက်တာ။ နေဝင်တော့မှာမို့ ကောင်းကင်ဟာ ပုဇွန်ဆီရောင်သန်းနေသလို အင်းရေပြင်ဟာလည်း နီဆွေးလို့ အလွမ်းရောင် တောက်နေလေရဲ့။ သူ့ဖက်က ဖွင့်ဟ လာသမျှ စကားတွေကို အစအဆုံး နားထောင်ပေးပေမယ့် တစုံတရာ တုံ့ပြန်လာခြင်းမရှိတဲ့ အစ်ကိုဟာ ဘာတွေ အတွေးလွန်နေလဲ သိချင်စမ်းပါဘိ။
“အစ်ကို တခုခုတော့ ပြောပါဦး ”
“အိမ်မက်မက်နေသလိုပဲ ”
“အိမ်မက်မဟုတ်ပါဘူး အစ်ကို့ရှေ့က ဒီလူသားက အစ်ကိုကို ချစ်ခင်မြတ်နိုးပါတယ်ဆိုတဲ့ အကြောင်းကို တကယ် ဖွင့်ပြောနေတာပါ ဖြေပါ အစ်ကိုလည်း ကျွန်တော့်ကို ချစ်နေရဲ့သားနဲ့ ”
“ယုံကြည်မှုလွန်ကဲနေတာ မဟုတ်ဘူးလား ”
“အစ်ကို မငြင်းနဲ့ ကျွန်တော် ကိုဇွဲဆီကနေ အကုန်ကြားပြီးပြီ ”
YOU ARE READING
ကန္တာရချယ်ရီ(BL)
Teen Fictionနှလုံးသားမြေအလွှာမှာပျိုးတဲ့ပန်းမို့ မွှေးရနံ့ကြွယ်ကာသင်းရင် မေတ္တာတရားလို့သာခေါင်းစဥ်တပ်ချင်ပါရဲ့ ႏွလုံးသားေျမအလႊာမွာပ်ိဳးတဲ့ပန္းမို႔ ေမႊးရနံ႕ႂကြယ္ကာသင္းရင္ ေမတၱာတရားလို႔သာေခါင္းစဥ္တပ္ခ်င္ပါရဲ႕
