To be a Heartthrob in a Horror Movie(Myanmar Translation)

Chapter 64

Chapter 64: ချန်စု

စုမင်အတွေးက သူတို့အပေါ်ထိရောက်ခဲ့သည်ထင်ပါရဲ့ ... ရုတ်တရက်အခန်းထဲကအသံတွေ တိတ်ဆိတ်ပျောက်ကွယ်သွား၏။

စုမင်အတန်ငယ်ပင် အံ့အားသင့်သွားရတယ်။

တကယ်ပဲ စုံတွဲသည် မြန်မြန်ဆန်ဆန်ပင် အိပ်မောကျသွားခဲ့သည်။ သူပဲ အရင်ကရည်းစားမထားဘူးတာကြောင့် အတွဲတွေဘယ်လိုအလုပ်ဖြစ်တယ်ဆိုတာ နလပိန်းတုံးလိုမသိတာလား။

တအောင့်ကြာတော့ ထိုနှစ်ယောက်တခစ်ခစ်ရယ်မောလာကြပြန်သည်။

စုမင် “……….”

ဒီအထိ သူတို့လုပ်ရပ်တွေကိုအကဲဖြတ်ရမယ်ဆိုရင် ဒီတခေါက် ဇာတ်လိုက်နဲ့ဇာတ်လိုက်မတို့က...... နည်းနည်းရူးကြောင်ကြောင်နဲ့ပင်။

အခြားသူတွေကို အဲ့လိုပြောရမကောင်းပေမယ့်လို့ပေါ့။

သူတို့ရဲ့တီးတိုးဗလုံဗထွေးပြောသံများကို နားထောင်ရင်း တဖြည်းဖြည်းအိပ်မောကျသွားသည်။ သူတဖန်နိုးလာချိန်မှာတော့ ကလေးငယ်တစ်ယောက်၏ရယ်သံကြောင့်ဖြစ်သည်။

ဒီတခါရယ်နေသည့်အသံသည် အစောပိုင်းကကော်ရစ်ဒါကရယ်သံနဲ့ မတူပေ။

စိတ်ရှုပ်ထွေးနေဆဲ စုမင်တောင်မနေနိုင်ဘဲတုန်လှုပ်သွား၏။ ပြတင်းပေါက်သည် ဘယ်အချိန်ကမှန်းမသိ ပွင့်နေလေပြီဖြစ်တယ်။

အပြင်ဘက်ရှိ လေအေးအေးတို့တိုက်ခတ်၍ ကုလားကာမှာ တဖျပ်ဖျပ်လှုပ်ခါနေ၏။

သူနဲ့ ထောင့်ဖြတ်သဏ္ဍာန်ဆန့်ကျင်ဘက်ကုတင်၌ ယန်ဂျင်းချိုင်နဲ့ ရွှီရီရှောင်တို့က နှစ်နှစ်ခြိုက်ခြိုက်အိပ်မောကျနေသည်။ ယန်ဂျင်းချိုင်၏တခေါခေါဟောက်သံသာ ကြားနေရသည်။

အပြင်ဘက်ရှိရယ်သံသည် တဖြည်းဖြည်းနီးကပ်လို့လာသည်။

စုမင်အိပ်ယာမှာပဲ လဲလှောင်းနေလျက် အပြင်ထွက်ပြီး ဘယ်သူလဲကြည့်ရမလား တွေးနေပေမဲ့ နောက်ပိတ်ဆုံးအိပ်ယာမှာပဲ နေမြဲသာနေလိုက်သည်။

အပြင်ထွက်တာက သူ့ကိုအဆုံးးသတ်စေလိမ့်မယ်။

ဇာတ်ညွှန်းအရ၊ သူ့ဇာတ်ကောင်သည် အခန်းတံခါးအနား၌ ကလေးငယ်ရယ်သံကြား၍ ကလေးဆိုးကို သူတို့အခန်းဆီပြန်ပို့ရန် အိပ်ယာမှထခဲ့သည်။