To be a Heartthrob in a Horror Movie(Myanmar Translation)

Chapter 104

Chapter 104: သော့ဖွင့်ခြင်း

ဒီစကားလုံးတွေက အဓိပ္ပါယ်အတော်လေးရှိသည်။

စုမင်ကိုယ်တိုင်က သူဘာကြောင့်ဒီလိုပြောလဲဆိုတာကို မရှင်းပြနိုင်တာကြောင့် သူ့ကိုယ်သူ မရှင်းပြဖို့ ဆုံးဖြတ်လိုက်သည်။

သူ့အခန်းကိုပြန်ပြီးနောက် မကြာခင်ညစာစားချိန်ရောက်လာလေသည်။

ညစာသည် နေ့လည်စာနှင့်အတူတူပင်။ ဆွေးနွေးမှုအများစုမှာ ယနေ့ဧည့်တွေ့ခြင်းနှင့်သာ ပတ်သတ်နေပြီး တစ်ယောက်ယောက်က သူ့ကိုခြံခုန်ခံလိုက်ရတယ်ဟု ပြောလာ၍ ငိုနေတဲ့သူတောင်ရှိသေးသည်။

သက်သေအထောက်ထားမရှိသော်လည်း သံသယရှိရုံနဲ့ စိတ်မကောင်းဝမ်းနည်းမှုသည် လုံလောက်၏။

တစ်ဖက်တွင် စုမင်သည် သူ့အစာစားချင်စိတ်ပြောင်းလဲမှုတစ်စုံတစ်ရာ မခံစားရပေ။ တစ်ခုတည်းသော ပြောင်းလဲမှုမှာ သူ့အနီးတွင်ထိုင်နေသော အခြားသူများထက် အစားအသောက်သည် သိသိသာသာ ပိုကောင်းနေခြင်းဖြစ်သည်။ ဒါကို မြင်တဲ့ သူတွေတိုင်း အထူးသဖြင့် မနာလိုအားကျကြတယ်။

တစ်စုံတစ်ယောက်သည် မနာလိုဝန်တိုမှုများနှင့် မပျော်ရွှင်စွာ ညည်းညူလာ၏ .."သူက ဘာလို့ဒီလောက်ကောင်းတဲ့ဟာရတာလဲ?"

အနီးအနားရှိ ထောင်စောင့်သည်အမူအရာကင်းမဲ့စွာဖြင့် .."မင်း သူ့ထက်ကောင်းအောင် အလုပ်လုပ်နိုင်လို့လား?"

မေးမြန်းခဲ့သော အကျဉ်းသားမှာ.. “………..”

မေ့လိုက်တော့ ... သူ့မှာ စုမင်လိုမြက်ရိတ်စက်ကဲ့သို့ အရည်ချင်းမရှိပေ။

သူတို့စားနေစဉ် စုမင်က ထောင်စောင့်တွေကို တစ်ချိန်‌လုံးစောင့်ကြည့်နေ၏။ သူတို့သည် အမြဲလိုလို တစ်ယောက်နဲ့တစ်ယောက်နေရာရွေ့ပြောင်းစောင့်ကြသလို ဒါမှမဟုတ် တာဝန်ကျသည့်အခြားနေရာမှအစောင့်က ရောက်လာတတ်သည်။

အစားစားချိန် အကျဉ်းသားအားလုံး တစ်စုတစ်စည်းရှိနေတာကြောင့်လား မသိပေမဲ့ အခန်း၏ထောင့်တိုင်းမှာ ထောင်စောင့်တွေရှိနေ၍ ထွက်ပြေးခြင်းမှာ ခက်ခဲသည့်စွမ်းဆောင်မှုပင်။