To be a Heartthrob in a Horror Movie(Myanmar Translation)

Chapter 90

Chapter 90: သတင်းအစီစဉ်

ထိုအနီရောင်‌က သွေးတွေလို့ အားလုံးပြောနိုင်သည်။

စုမင် ထိုမြင်ကွင်းကိုမြင်သည်နှင့် ခေါင်းကိုက်လာသည်။ တစ်စုံတစ်ယောက်အား ငါးမန်း သို့မဟုတ် စပါးအုံးမြွေကိုက်ခံရသည့် မြင်ကွင်းနှင့်တူသည်။

ဒီရုပ်ရှင်တွေကို သူကြည့်တာကြာပြီဖြစ်ပြီး စိတ်ပိုင်းဆိုင်ရာ အရိပ်အယောင်တွေတော့ ကျန်ရစ်‌နေခဲ့တယ်။ ဒီနေ့အထိ လူသားစားတဲ့စပါးအုံးမြွေတစ်ကောင် လူပုံသဏ္ဍာန်ရှိတဲ့ဗိုက်ဖောင်းပြီး ရေထဲမှာကူးခတ်နေတဲ့ မြင်ကွင်းတစ်ခုကို သူ မှတ်မိနေသေးတယ်။

စုမင် သူ့အတွေးများကို ရပ်လိုက်ပြီး နေမကောင်းချင်သလိုဖြစ်လာသည်။

နောက်မှရောက်လာတဲ့အချို့အကျဉ်းသားတွေက အခြေနေကိုသိပ်မရှင်းတာမို့ မေး၏ .."အာ ... တကယ်ပဲလူတစ်ယောက်ကျသွားတာလား?"

အစကနဦးကအော်ပြောခဲ့သည့်လူက ပြန်တုန့်ပြန်၏ .."သူကျသွားခဲ့တာ ... ငါကိုယ်တိုင်မြင်လိုက်တယ်! လုံးဝသေချာတယ်!"

သူတို့‌စကားပြောနေစဉ်မှာပဲ ရေပူဖောင်းပို၍ တပွတ်ပွတ်ထလာသည်။

ဖုန်းရှုကျွမ့်တည်ငြိမ်စွာ .."သူအသက်မရှင်နိုင်လောက်တော့ဘူး"

ရေမျက်နှာပြင်သည် မငြိမ်သက်သေး။ ပြင်းထန်စွာပူဖောင်းပွက်ပွက်ထနေသဖြင့် ရေမျက်နှာပြင်အောက်ခြေတွင် တစ်ခုခုဖြစ်နေတာပဲဖြစ်ရမည်။ သူတို့ သွေးနံ့ပင် ရနိုင်သည်။

စုမင်ခေါင်းညိမ့်ရင်း .."ရေထဲကျသွားသူက သေလောက်ပြီ ... အကယ်၍ သူမသေသေးရင်တောင် အသက်တဝက်ပဲရှိနိုင်တယ်"

အကျဉ်းသားသေလောက်ပြီဟု သူခန့်မှန်းမိသည်။ ဒါ့အပြင် ရုပ်ရှင်ရုံသဲလွန်စက ဘယ်တော့မှမမှားပေ။

သူ့နံဘေးက ယင်းဇီမျက်မှောင်ကျုံ့လိုက်ပြီး .."နောက်ပိုင်းသေပုံသေနည်းတွေက ဘာလို့အဲ့လောက်ထူးဆန်းလာတာလဲ? ပိုပိုပြီး သွေးရဲသံရဲတွေဖြစ်လာတယ်"

ဖုန်းရှုကျွမ့်တစ်ခုခုတွေးမိကာ မေးလိုက်တယ် .."အရင်ကလည်း လူတွေသေဖူးတယ်လား?"