To be a Heartthrob in a Horror Movie(Myanmar Translation)

Chapter 89

Chapter 89: အနီရောင်

ချန်စု သရုပ်ဆောင်ရတာစွဲလမ်းနေတယ်လို့ စုမင်ခံစားမိသည်။

သူသာ တကယ်ကြောက်ရင် ဘာလို့ သရဲကားတော်တော်များများကိုကြည့်ပြီး သရဲတွေပေါ်လာတဲ့အခါ တုန့်ပြန်မှုမရှိဘဲနေမှာလဲ?

ချန်စုက ဒါကို အကြောင်းပြချက်အဖြစ် အသုံးချချင်ခဲ့တာ ဖြစ်နိုင်တယ်။

"အဲ့ဒါ ကျွန်တော့်ကို အခုနှုတ်ဆက်လိုက်တာလား?" စုမင်မေး၏။

ချန်စုက .."မဟုတ်ဘူး မင်းအမြင်မှားတာ"

စုမင်က ဒီတိုင်းသာမန်ကာလျှံကာမေးလိုက်ခြင်းဖြစ်ပြီး သူပြန်ဖြေမယ်လို့ တကယ်မထင်ထားပေ။ နောက်ဆုံးတွင် ၎င်းမှာ မရေရာသောအသွင်အပြင်ရှိသော်လည်း သူ့မျက်လုံးနှင့်တပ်အပ်မြင်ခဲ့သည်။
ထိုအဖြူရောင်ပုံရိပ်သည် ထိုနေရာတွင် ရပ်နေပြီး ဘာမှလုပ်မနေပေ။

ထိုအရာ ဘာလုပ်ဖို့ကြိုးစားနေလဲ စုမင်မသိ။

အခန်းသုံးတွင်နေထိုင်သောလူများကို သူ့တွင် မရေရာသောအထင်အမြင်တစ်ခုရှိခဲ့သည်။ ထိုအခန်း၌ လူ သုံးယောက်ရှိပြီး အစ်ကိုဟောင်နှင့် မကြာခဏ ရောနှောနေတတ်သည်။ အရင်က သူ့ကို ရန်စဖို့တောင် ကြိုးစားခဲ့ဖူးတယ်။ သူတို့နာမည်နဲ့ ပတ်သက်ပြီး စုမင် ဘာအထင်မှမရှိချေ။

ထိုအခိုက်တန့် အဖြူရောင်ပုံရိပ်သည် အခန်းသုံးထဲဝင်သွားခဲ့သည်။

တည့်တည့်ဝင်ဖြတ်သွားသည်နှင့်  အစတည်းကကော်ရစ်ဒါ၌ ထိုနေရာမှာ တစ်ခါမှမပေါ်ခဲ့သည့်အလား ပုံမှန်ပုံစံအတိုင်းပြန်ဖြစ်သွားသည်။

စုမင်အကြည့်ကိုရွေ့လိုက်ကာ တဖန်ကော်ရစ်ဒါကို အကဲခတ်သည်။

ညဘက်၌ ကော်ရစ်ဒါသည် အမှန်တကယ် နည်းနည်းလင်းပျပျဖြစ်နေသော်လည်း ရှော့ပင်းစင်တာတို့လို လုံခြုံရေးထွက်ပေါက်ဆိုင်းကဲ့သို့လင်းနေတာမျိုးမဟုတ်ဘဲ လင်းထိန်နေသော အလင်းရောင်သည် စိမ်းစို၍ မှိုင်းနေ၏။

ဒီလိုမျိုး အလင်းရောင်ကြောင့် နည်းနည်းတော့ ကြောက်စရာကောင်းတယ်။