RASTRO FEELS

Time Machine (10)

After 5 Months.....

"Gusto mo tulungan kita?"

Tiningnan siya nung bata habang nag-aayos ito ng gamit. "Tapos na rin naman po. Salamat po." Medyo bulol talaga sa S yung bata nung sinabi yun.

She smiled. "Tara na?" Inabot niya yung kamay dun sa bata para akayin na ito palabas.

"Opo." Hinawakan nung bata yung kamay niya at lumabas na sila ng kwartong yun.

Habang naglalakad, tinitingnan nung bata si Rhian. "Ate Denise, ay Mommy Yoyon.... Bakit ngayon lang po ulit kayo bumalik?"

Tiningnan ni Rhian yung bata. "Denise, maraming inasikaso si Mommy Yoyon. Maraming inisip so pasensya na baby ha?"

Tumango si Baby Denise. "Sabi po kasi ninyo, babalikan niyo po ako agad. Natakot po ako nung di na po kayo bumalik ni...Mommy Cha. Natakot po ako na baka di niyo naman po ako kunin."

Nag-stop si Rhian sa paglalakad. Umupo siya para magkapantay na sila ni Baby Denise. Hinawakan niya ito sa balikat at tiningnan. "Wala na kasi akong kasama bumalik.... Ang dami kong inisip na baka di ko kayanin kapag kinuha ko na kayo... Kinuha na kita. Sorry baby kung di nasunod yung agad agad na pagbalik namin para kunin ka. Si Mommy Cha mo kasi e, nang-iwan." Napalunok si Rhian. Nagsstart nanaman bumigat ang pakiramdam niya.

"Nasan po ba si Mommy Cha?" Inosenteng tanong ni Baby Denise.

Ngumiti si Rhian at kumurap ng ilang beses para hindi siya tuluyang maiyak. "Sana masaya si Mommy Cha mo kung nasan man siya ngayon... Yun lang naman yung gusto ko, malaman mismo sa kanya na masaya siya." Rhian sighed at tumayo na para akayin na ulit si Baby Denise. "Halika na baby. Pupuntahan pa natin yung soon to be sisters mo." Medyo natawa siya at natawa din si Baby Denise....

"Alam mo po ba Mommy Yoyon, naalala ko lang po sabi ni Mommy Cha sakin nung nag-usap po kami dito po nung kinakausap niyo po si Sister nun, pagkakuha niyo daw po sakin, ano po, gagala po tayo sa gusto nating lugar Mommy Yoyon. Sabi po ni Mommy Cha, kahit saan daw po na gusto natin pupuntahan natin basta daw po masaya tayo. Tsaka po sinabi din niya po sakin na natatakot daw po siya."

Napakunot ang noo ni Rhian habang nakatingin kay Baby Denise. "Natatakot?"

Tumango si Baby Denise. "Natatakot daw po na baka iwan niyo daw po ata si Mommy Cha."

Napalunok si Rhian at nag-look away. Siya nga yung nang-iwan e.....

Tiningnan niya ulit si Baby Denise. "Si Mommy Cha mo talaga. Alam naman niyang hindi ko yun gagawin." Ngumiti siya. "Uhm, Baby, tara na."

Nag-smile din si Baby Denise. "Tara po."

Nagbuntong hininga si Rhian. G naman e, ako naman yung iniwan mo.... Iniwan mo ko....

//

"Mommy Yoyon!" Mabilis na tumakbo sina Cassie at Nicole nang makita si Rhian. Kasama din ni Rhian si Baby Denise para ipakilala kina Cassie at Nicole.

Niyakap ni Rhian yung dalawa.

"Bakit ngayon lang po kayo?" Parang naiiyak na tanong ni Cassie.

"Akala po namin di niyo na kami babalikan ni Mommy Cha." Sabi naman ni Nicole at bumitaw bigla sa pagkakayakap kay Rhian. "Nasan po si Mommy Cha? Nasa kotse pa po ba?"