The Misadventures of Finding Mr. Right 3

June 18, 2003

Dear Diary,

Noong Monday, ini-announce ni Sister Norma na sa July ang acquaintance party namin. Isasabay sana sa feast day ng Our Lady of Mount Carmel kaso papatak ng Miyerkules 'yon kaya iniurong ni Sister sa Biyernes. Magmimisa na lang daw kami sa July 16 tapos ay may program kaya half day lang ang klase. Pero bawal um-absent kasi sarado ang gate.

Excited na 'yong mga kaklase ko. Ako hindi. Kasi problema ko na naman ang damit. Pero medyo lumuwag 'yong pakiramdam ko kanina nang sabihin ni Sister na uniform daw ang suot namin. Hindi ko alam kung bakit nalungkot 'yong mga kaklase ko. Hindi ba dapat ay matuwa sila kasi hindi na nila poproblemahin ang isusuot nila?

Sabi ni Lotlot, sana raw isayaw sya ni Robbie sa party. 

Masayang pa-party nang naka-uniform,

Ylona